Monday, May 26, 2008

قلب وعقل ..وهدنة كاذبة



قلب وعقل فى جسد واحد ..طبيعة البشر التى خلق الله عليها عباده
يتفقا سويا أحيانا قليلة ويختلفا أحيانا أخرى
قلة من البشر هم من يتفق لديهم الأثنان ...ولكنهم فى نعمة عظيمة قد لا يدركها الا من يعانى صراع بين الأثنين دائما
هى ... تحمل الاثنين كباقى البشر...ولكنها تملك قلبا مزعجا ..دائما ما يخالف عقلها المدرك الواعى الذى يملك بعد نظر ورؤية عميقة ..ويثبت أنه على حق فى النهاية
هذا كان رأى عقلها الذى لا يستسلم أبدا ويصر على الانتصار على تلك الكتلة الغبية المنتفضة دائما والمسماة بالقلب
فى حين أن رأى هذا القلب المجاهد دوما...كان عكس ذلك تماما..فيرى ان المسكينة التى تحتويهما داخلها.. تعانى من عقل متسلط عنيد لا يقبل الا بكلامه ويضحك دائما بل ويسخر من أى عاطفة ويفترض الحمق والغباء فى كل التصرفات الناتجة عن هذا القلب الجميل والذى لا يحمله الا الأميرات الحالمات او الأمهات الرحيمات او العاشقات الحقيقيات وكل من تستحق ان يطلق عليها لفظ امرأة
ضحك العقل بصوت عال حين سمع هذا الكلام........وقال

ما أسخفك أيها القلب اللعين...اى عاطفة ومشاعر تتكلم عنهما أيها الأحمق
انا هنا لهذه المسكينة كى أحافظ عليها من رعونتك وتهورك الدائم ..حتى تستطيع العيش وسط الأصحاء من البشر ممن يملكون عقولا قوية ..لا من ينقادون وراء ترهاتك وخيالاتك المريضة

تعودت أن أرى الصورة كما هى ..واضحة ..جلية ..أما انت فلك وسيلة عجيبة للترجمة ...فترى الزهرة عشقا..والبحر سفرا ..والسحاب تحليقا ..ترى السراب فتظل تحلم بوجوده ..أين قناعاتك .أجدك.دائما مترددا متحيرا ...الطيور المحلقة لا تتردد ..بل تعرف طريقها كى لا تصطدم بحواجز ..أما أنت فلطالما اصطدمت بواقعك .ولا تزال تعيد المحاولة تلو الأخرى ..ألا تتعلم !!!!!!؟؟
فلتنصت لى اذن ..هى بدونى لا تستطيع الحياة من الأساس ..انا من يجعلها تضحك ..انا من يجعلها تسعد..انا وحدى احافظ عليها هى لا تحتاج ان تعيش فى سجن العقلاء .جثث متحركة ينبغى أن يكون وصفهم... بل تحتاج ان تكون فى قصر الأحياء المدركين لجمال الحياة يرون ألوانها الوردية بعيدا عن ستائرك الثقيلة حاجبة اللون والطعم والرائحة فيعيشوها كما ينبغى ان تعاش ...راضيين ربهم متوكلين عليه قنوعين بما يقسمه لهم الله ..فهم دوما فى رضا وفرحة
ولماذا اذن ايها المتذاكى جعلتها تبكى بالأمس. ؟
امممم هذه هى مشكلتنا الحالية ونسعى الى حلها قريبا لتهدأ نفسها
وكيف توافق من الأصل على ان تفعل ذلك ...وتقول انك تهتم لشأنها!!! عجبا
اسمحلى هذا الموضوع بالأخص ليس لك أن تفهمه ..فهو أبعد ما يكون عن ادراكك فهو يُحس .. أرأيت ..لن تعيه ما حييت ...هو فى النهاية يفوق قدراتك
ا .
فلتسخر كما شئت ..ولكنك تعلم أنه لم يكن صحيحا
ألا تفهم !!!؟؟؟ هى لم ترد أن تضعه فى نوبة قلق حادة كالتى انتباتها من فترة وجعلتها كالمجنونة
وهى تفهم أنه سيعى ما قصدت ...وأن حبيبها لم تكن لتخاطر بأن يحمل لها ذرة من اللوم وان اضطرت ولم تجد وسيلة لارضائه الا ان تهجر عالمها الخيالى ونسج أحلامها لفعلت فى وقتها دون تفكير دون ان تعرض وعدها للمخالفة...أنت تعلم طبعا ما تكنه له.....ولا اعتقد أنك قد نسيت ما عانته المسكينة قديما كى تحظى بقلبه...وقتها كنت أنت مستنكرا كعادتك.......وأردت لها رفيقا آخر لعمرها لم يكن الا زكيبة من المال لا تحتوى على اى منا......
انتهينا من هذا الموضوع من زمن...لا تزال تذكرنى به كلما أتيحت لك الفرصة...أنت أسود بحق
اتضح لى الآن فقط أنك لست بغبيا
أشكرك
بل انك متخلف ....ومصير هذه المسكينة سينتهى حتما الى مأساة ان ظلت تتبعك وحدك
من يا صديقى يفهم ويصدق ما تقول.؟؟..
هو نفسه لن يفهم ذلك
لا يهم..................يكفى أنها وحدها تفهم
ولم يكن فى النهاية فائدة مما حدث...تصالحت مع حبيبها دون وعود ولا عهود
دائما يفاجأنى هذان الاثنان
حقاً.!!!؟؟ ماذا حدث ..حين أغلقت على ولم أرى شيئا!!؟؟...دائما ما تفعل معى هذا
فلتهتم بشئونك الخاصة ..من الافضل لك
امممممم حسنا.......ولكنى لن أتوقف عن المحاولة
فقط انا من يهتم لشأنها...........لا تحاول

اااااااااه منك......... المسكينة لا تدرك انك ستكون سبب تعاستها فى النهاية
أيها الأرعن الغبى ....اعقلها وتوكل
لست بغبيا ..بل انك قاسى وصلب كالصخر لا تريد أن تفهم .على الرغم انك لم تخلق الا لهذا
االا تراها سعيدة ..بل وتسعد من حولها ايضا..فلتعى يا صديقى اللدود أن علاقتها بربها ليست من خلالك
هى أعملتك حين كانت صغيرة تحتاج ان ترى طريقها...وقد وجدته واستراحت وآن لك أن تستريح أنت الآخر فتتركنا سويا ...أنا وحدى من أفهمها الآن
خطأ....لو تركتها لك ..لانهارت وصارت جثة حقيقية لا ترقى حتى للجثث المتحركة على حد تعبيرك ..
اتركها لى ..وسترى
بل ابتعد أنت ...ولا تقتلها ....أرجوك
لا تقلق ...أحبها مثلك وانت تعلم...لن أرضى لها الموت....فقط عليها ان تعيش نصف قلب

ااااااااااااااااااااااااااه
تعبت وتوجعت كثيرا.....ويعلم الله أنى حاولت
تركتها لك اذن ..........اتمنى ان تعرف انى لم اتخل عنها ولم اكن لأرضى بعذابها وأنى أقطر دما من أجلها
ولكنه القدر.......والقدر وحده سيرسى بقاربها على بر بعيد.....ومن يعلم قد تجد هناك لوحتها أول ما رسمت ريشتها ولونت والتى ظنت انها ضاعت منها للابد....... تريد أن تتلو على أذنيه نفس كلماته ..سمعتها منه حين يوم فتمنى وترجى قلبها ..وها قد حان الان الوقت لتسمعه اياها.
الضوء من حولك يغمرك بالسكينة لا شمس هناك ولا قمر..وعندها تأتيك الدعوة
ياااااااااااااااه ..ياااااااااااااااااااااااااالله...أنت مدعو لمقابلة الآله ..الملك ..الجبار ..العظيم..الرحيم ..الرحمن
يخفق قلبك وتدمع عيناك فرحا ..يقشعر بدنك وتطير من الفرح فتسير مع اخواتك واخوانك ومن تحب ..للقاء
عندها فقط لن تجد ألم فى قلبك ولا وهن فى جسدك ..حلاوة تجدها ..وسكينة تشعر بها
..............................................

احم ...اعتقد يا صديقى أنى يجب الان ان اعتذر لك عما بدر منى وعن نعتك بالغباء والسخافة..أنت اثبت لى الان فعلا أنك أذكى مما كنت اتوقع
أعرف ذلك........ شكرا
وفى النهاية اسمحلى أن أشكر لك منافستك الشريفة وروحك الرياضية وانسحابك بهدوء وتعقل فى الوقت المناسب

!!!!!!!!! او هكذا تظن أيها المتفائل
نعم....ماذا قلت..؟؟

لا .... لا شىء البتة ... فقط لا شكر على واجب

!!!!!!!!!!!!!!!!!!!!!!!!!!!!

50 comments:

Miss. Sosa said...

الله عليكي رائع التحليل ده

بيتنا القديم said...

"أرأيت ..لن تعيه ما حييت"..!!

الجملة دي حلوة..!!

الموسيقى رااااااااااائعة

(:

دمت بخير

fahd said...

رائعة

اكثر ما احب في الناس التأمل

لا احب من ينغمس دائما في الاحداث دون ان يتوقف قليلا يلتقط انفاسه ويتامل حياته

انا عالجت هذا الموضوع بقصة اسمها اتهام حين اختصم عقلي وقلبي وسقطت فاقدا للوعي حتي تم الاتفاق علي صيغة تجمعهم معا

ولكني اري انك عالجتها بشكل اروع وامتع

هي هدنة كاذبة كما قلتي

لكن بعيدا عن هذا الكلام الرائع ده ميأكلش عيش عدم اللمؤاخذة

الواحد متجوزش لا العقل نفع ولا القلب نفع نعمل ايه يعني

وجزاكم الله خيرا

.:.-=- ELGaZaLy-=-.:. said...

بصى يا جنة انا قريت حوارك كتير.,,,مش عارف اعلق ...يعنى

بس السخرية فى اخر الحوار رسمت ابتسامة على شفتى..

هى هدنة كاذبة وان كنت اامل ان تطول...

دمتى متالقة

ammola said...

يا حبيبتى
يا بنتى
يا اختى
يا مداااام
انسى موال الهدنة حتى لو كانت كاذبة
مش حيحصل صدقينى وحتبقى هدنة ظاهرية فقط
لكن الصراااااع شغال جوة
فى كل صغيرة وكبيرة
وهو صراع محسوم من زمان
ماتقدريش تغيرى حاجة خلاص
دى فطرة مش بايدك
راجعى كده تاريخك الحافل
وشوفى قراراتك اللى بنقول عليها مصيرية-حتى لو كانت غلط-مين اللى كان بياخدها؟
وممكن ترجعى تندمى وتقولى ياريتنى
بس لو رجع الزمان لورا حتتخذى نفس القرار بنفس البلاهة
لانها مش بايدك
هيييييه..سيبى نفسك يا نانا للاقوى منهما وصدقينى مش حتندمى..عارفة ليه؟
لانك على الاقل حتكونى متوافقة مع طبيعتك
بس كده
حضرتى المايوهات واللا لسه؟؟؟
عطلونا بأه
:)

ammola said...

ياريت بأه حضرتك فى السكة وانتى داخلة تظبطى الساعة بتاعت البلوج
ماحناش ناقصين لخبطة
هى مفركشة من غير حاجة
:)
واللا أقولك..خليها كده
علشان الرحلة تفوتك
هاهاهاهاهاهاها

gannah said...

تحياتى لكى ولمدونتك

appy said...

يااااااااااا يا جنى انتى هاديه قوى وعقلانيه قوى فى تحليلك وكلامك بجد استمتعت بيه كله

Jana said...

miss.sosa

اهلا بيكى يا سوسا فى اول زيارة

لا اعرف سبب الصراع الدائم بينهما ؟؟
تفتكرى معمول لهم عمل برده؟؟
طب يا ترى بذرة الرجلة حتنفع بهذا الخصوص ..؟ ابقى اسأليلى الشيخ للو المرة الجاية ..ده لو طلع يعنى من تحت ايدك سليم
هههههههههههه

نورتينى
واسعدنى تعليقك

ربنا يكرمك وافرح فيكى قريب
بس بعد ما تخلصى حكاية حبرشنى الاول
:)
دمتى طيبة وزى العسل

Jana said...

بيتنا القديم

امم

طيب

ياااه

طب يا سيدى شكرا

هو القطر طالع الساعة كام ؟؟؟

ربنا يكرمك يا سمسم
طب اعد اشرب حاجة طيب

فكرتنى بشهاب
ده واحد صاحبنا
ههههههههههههههه

ربنا يباركلك يا سمسم

دمت طيبا على مهلك
:)

Jana said...

fahd

هههههههههههه
حاقولك باضحك على ايه استنى
هههههههههههههههههههه

لما جيت اكتب اسمك بالانجلش فى بداية التعليق كان المؤشر لا يزال على العربى وانا مش واخدة بالى ..فطلعت كلمة "بشاى "...اعدت مدة بعد ما كتبت باحاول افهم الكلمة دى جات منين ..وايه علاقتك بالشاى ..ولما ادركت بعد زمن اعتبرتها ساين او علامة من السماء يعنى ...يمكن الشيخ طلبة لو عرف ان اسمك بالانجلش هو شاى بالعربى ..يعتقك من الدوم شوية
ههههههههههههههه

بخصوص التعليق بقى
انا لسه حاروح اقرا قصتك ...بس متهيألى كده ومن اللى فهمته منك دلوقتى ..انهم اتفقوا يخدعوك ويتظاهروا بالاتفاق لحد ما تفوق من غيبوبتك ..ويرجعوا تانى للمبارزة

اااااه انت عايز تتجوز!!!؟؟
ولما اعتمدت على قلبك وعقلك خذلوك
طيب
جرب التالت
جيبك
لو فاضى ... استلف من الشيخ طلبة
لو رفض او طلع جيبه نضيف برده
اعد اشرب دوم بقى ....يمكن تنسى
ههههههههههههههه

ربنا يسعدك ..ويجوزك
:)
دمت طيبا

Jana said...

elgazaly

حتى انت يا بروتس!!!؟؟
انا مش جنة
انا اسمى جنى والله وانت زمان قبل الغيبوبة الاخيرة كنت عارفه.. بس الزهايمر انا عارفة ..لكن عشان القسم هو اسم بنتى مش اسمى ..انا اقصد انه اسمى الرمزى ...
جنى .....مش رمزى
هههههههههههه


طب ليه قريت الحوار كتير
هل لصعوبته
او لغموضه
او لمسّه جرح عند احدهم
؟؟؟

تتمنى ان تطول الهدنة؟؟؟
تمنى كيفما شئت ....فيس كل ما تتمناه ..... انت عارف الباقى

جميل انك ابتسمت فى الاخر
فالسخرية من الواقع ..افضل من البكاء عليه

ربنا يسعد قلبك

دمت طيبا مبتسما
:)

جني said...

جنى
السلام عليكم
شبيك لبيك جنّي ( شريك حروف الاسم ) بين أديك
جميل الحوار والصراع بين القلب والعقل
قد يراه البعض شئ سلبي ولكني أنظر إليه على أنه شئ إيجابي جدا ولصالح النفس البشرية بحيث لا يطغى أي منهما على الآخر ويحدث التوازن .. بالقلب وحده أو بالعقل وحده لا تستقيم النفس البشرية ..والهدنة مطلوبة على أن لا يتنازل أي منهما للآخر ..
شكرا وتحياتي
said

Jana said...

ammola

رحت عملتلك قهوة مخصوص عشان اعرف ارد عليكى..
بقى مش عاجبك انى الاعب انوج دوخينى يا لمونة ...وانتى نازلة من الفلاينج كاربت عدل على التعليق

يا حبيبة قلبى
اولا دول عقل وقلب ناس تانية ..مش انا اللى باكلمك دلوقتى
ولو افترضنا ان الصراع ده ما بين كل القلوب والعقول لكل الناس
مفهمتش قصدك ..بانى اسيب نفسى للاقوى منهما
تقصدى القدر يعنى ؟؟؟ ولا ايه ؟؟
او ان الانسان مسير لا مخير ؟؟
طب وانا فين دورى ..فى هذه القرارات
طب وانتى فى رأيك ..طبيعة الانسان يجب ان تتفق مع ايهما ؟؟

..ربنا يكرمك يا كميل
دمتى طيبة

Jana said...

ammola
كلاكيت تانى مرة

ساعة ايه ؟؟؟
وانا لسه حاظبط ساعات
انتى ابقى صحينى بدرى قبل الرحلة بخمس ساعات ..عشان انفخ العوامات

متخافيش ..عمر علمنى مبادىء العوم فراشة
يعنى نطى فى المية ولا يهمك
حتلاقينى وراكى بعوامة على شكل بطة احمرا...ماهى بتاعة انوج
ههههههههههه

عندك زعانف بقى من ايام الدايفنج فى شرم!!!!!؟؟؟
هاتيها ..اكيد حتنفع ..يمكن تطق فى دماغ الربان .ويحب يختبر قدرتنا على السباحة
بمبدأ التجربة خير برهان

دمتى طافية على وش المية
ههههههههههههه

Jana said...

gannah

اهلا بيكى يا جنة فى اول زيارة
سعيدة بمعرفتك
وباكتشاف مدونتك ...انا شفت واحدة ..لسه التانية
اكيد حتكون رائعة زى الاولى

نورتينى

ربنا يباركلك يا جميل

دمتى طيبة

Jana said...

appy

ياااه ..ده انتى اللى جميلة عشان شفتينى هادية وعقلانية
عموما حاسيبك واخدة عنى فكرة غلط
ههههههههه

نورتينى يا كميل
عايزين بقى نحقق ل ال جى امنيتها الرهيبة انها تقابلنا
يمكن تحرم تتمنى امنيات خطيرة تانى
ههههههههههههههه

مبروك الخطوبة تانى
وعقبال بطوط ما تزفكوا ..اصيلة بطوط دى ..وكفاية انها مش فيميه
:))

ربنا يوفقك يا قمر ويباركلك

دمتى طيبة

monaliza said...

لاغنى لها عنهما الاثنين

Jana said...

جنّى

هههههههههههههههههههههههه
الله يكرمك يا رب
ياما فعصت مصابيح وانا صغيرة ..ومطلعليش اى حد
وحضرتك حققتلى الامنية دى اخيرا
بس احضر ليست الطلبات ..واجى على طول
:)
فعلا كان نفسى اعرف ازاى انطق الاسم صح
والحمد لله كده فهمت
:)
الاختلاف والجدال فعلا مطلوب بين الاتنين ..بدون سيطرة احدهما دون الاخر مثلما تكرمت حضرتك وأشرت
لكن لما يشتد حتى ينهار صاحبهما ..لأنه ببساطة لا يستطيع اخذ القرار الصحيح بعد محاورة الاثنين
يصبح لا حول له ولا قوة ... فلا يصد ولا يرد .. ان لم يفقد اولا عقله .ويكل قلبه ويصير نزيلا لدى اصحاب المرايل البيضاء فى سراياتهم الصفراء..

أسعدنى تعليقك
ونورتنى بزيارتك

ربنا يكرمك ويبارك فيك

دمت طيبا

..

Jana said...

monaliza

فعلا ... هذا ما قصدت توضيحه
ستظل هى فى هذا الصراع طوال عمرها
ولكن عليها ان تحدد متى وكيف تتخذ القرار
وايهما تتبع كل فى وقته

مدونتك اكثر من رائعة
بارك الله فيكى وجزاكى عنا خيرا

زرتها كثيرا ولم اعلق
ولكنى لن اضيع الفرصة مرة ثانية
حيث صرنا اصدقاء

سعدت بتعليقك
نورتينى

ربنا يكرمك يا جميل ويسعد ايامك

دمتى طيبة

كوارث said...

جميل قوي البوست
كلام منطقي جدًا
مش عارف ازود بصراحة !

أسوور said...

قرر رئيس مجلس ادارة الجريدة مشكورا أن يتبنى كل ما يكتبه المدونون
وان يفرد مساحة لا بأس بها لبوستات البلوجرز
كما وافق على نشر البوستات المرشحة بتوقيع كتابها وصورهم
وذلك ايمانا منه بقوة التدوين وبأنها صوت المصريين
***
على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
ان يرسل البوست المرشح مذيل بتوقيعه وعنوان المدونة والإسم الحركى ان اراد
مرفق بصورة شخصية له
على الإيميل التالى

amyasser@hotmail.com

أو ترك اللينك الخاص بالبوست والمعلومات الخاصة بالمدون فى تعليق على العنوان التالى

www.amyasser.blogspot.com

تحت عنوان خاص لجريدة الأسرة العربية
الجريدة تصدر الإثنين من كل أسبوع

الربان said...

تحياتي

حوار جميل جدا...بين عقل و قلب...صراع
كثيرا ما نمر به جميعا...
بالمناسبة القلب ليس مجرد جزء اصم و ظيفته ضخ الدم....فقد قرأت مقال جميل
للدكتور زغلول النجار...يقول في موجزه
ان العلماء اثبتوا ان للقلب ذاكرة..و انه كالعقل تماما من حيث الوظائف ...
انا نقلت الموضوع بنصه في بوست سابق
بمدونتي...

علي فكرة الاغنية المصاحبة للموضوع جميلة جدا....ترقق المشاعر...
اشكرك علي الموضوع و الاغنية ايضا.

تحياتي و تقديري

دمعاتي said...

حوار قيم جدا
كثيرا ما يدور كلما نشب نزاعا يكون العقل و القلب طرفا فيه

لا استطيع ان اجزم ايهما اقوى من الاخر
او اكثر سلطة عليه
لكن كلاهما مهم وضروري لنا لاستمرار الحياه

دمت بكل ود

ست البيت said...

يخونك التاج يا جانا
ايه الكلام الكبير ده
دا عاوز عقل أصغر من عقلي بعشروميت سنة عشان يستوعبة
بس واضح انه كلام كبير كبييير يعني وجامد

Salwa said...

إيه الحوار الممتع ده

والتسلسل الجميل

الصراع ده دائم على فكرة
ومفيش حاجه اسمها هدنه
والإتنين ما يستغنوش عن بعض

عارفه

لو نظرتي لجمله استفت قلبك

تأملي فيها كده
هتلاقي معناها إتناقشي بالعقل مع قلبك
والقلب بفطرته السليمه هيوصلك

بوست يدعوا للتفكير

تحيااااااااتي

.:.-=- ELGaZaLy-=-.:. said...

جنى معلش بقى حكم السن يلا حسن الختام...انتى عارفة الواحد عدى العشرينات بالعافية ...وواقف يتامل الكون كانة فتح عكا...

وربنا يخليهالك يارب ويكرمك فيها

Anonymous said...

انتي رائعة

عايش ولكن said...

دى مصر طلعت كلها ادبا وفنانين وكتاب
والله عمار يا مصر
احييكى على بوستك الرائع ده
وتحليلك السهل الممتنع
دمتى بكل خير
علاء

Jana said...

كوارث

اهلا بيك ونورتنى بجد
شكرا على اطرائك

ليه مينفعش تزود؟؟؟
بالعكس
حوار العقل والقلب ...عمره ما بينتهى

شرفتنى بالزيارة
الله يباركلك

دمت طيبا

Jana said...

أسوور

اسعدنى مرورك
وجزيل الشكر على الدعوة

ان شاء الله ابحث عما اعتقده يستحق النشر ... وارسله فى تعليق

نورتينى

ربنا يكرمك

دمتى طيبة

Jana said...

الربان

انا اللى اشكرك على التعليق الجميل يا فندم
وعلى معلومة د . النجار ... ..سأذهب للابحار فى مدونة سعادتكم بحثا عن نص الموضوع

سعيدة ان المزيكا عجبتك
هى فعلا مقصودة ..مع التدوينة

تعليقك دوما يسعدنى
شكرا يا كابتن
:)

اكرمك الله

دمت طيبا

Jana said...

دمعاتى

تعليقك هو القيم صراحة
فعلا لا يمكن الجزم أيهما اقوى
فلكل حالته الانفرادية

لكن احيانا حين تعرف شخصا بشكل جيد ..تستطيع تخمين ايهما يغلب عنده
مثال.. مع اسم حضرتك الرمزى ...أخمن ان القلب عندك له السلطة الاكبر

لو خطأ ... مافيش داعى للاحراج
"عديها يعنى "
:))
اسعدنى مرورك
ونورتنى

اكرمك الله
دمت طيبا

Jana said...

ست البيت

يا جميلة وحشتينى
انا منسيتش التاج وماقدرش ..ده انا لبسته اول ما بعتهولى ..وعاجبنى صراحة ..فمش عايزة اجاوبه واشيله من على راسى
شفتى بقى !!!!؟؟
:)
لا بجد ..حاجاوبه باذن الرحمن ..بس فى واحد قبله
ادعيلى ربنا يفتح عليا

انتى دماغك توزن بلد
والكلام مش كبير ولاحاجة
انتى بس بكاشة ....مش اسكندرانية بقى!!؟
:))

ربنا يبارك فيكى يا قمر

دمتى طيبة

Jana said...

Salwa

صح ...انتى كده صح
استفت قلبك

تصورى ..مخدتش بالى من العلاقة مع انها وثيقة

لكن مشكلتنا هنا لما يتناقشوا ولا يتفقوا ابدا
ويصعب اخذ القرار

كلامك جميل يا سلوى
وهو ده اللى يدعو للتفكير
:)
منورانى دايما
ربنا يباركلك يا جميل

دمتى طيبة

Jana said...

elgazaly

طب خلاص عفونا عنك
مادام عضمة كبيرة
ويادوب معدى العشرينات

بس متعملش كده تانى ...لنبعتك فوق التلاتين حتة واحدة ...وهناك ماقولكش الزهايمر على حق
:)

ربنا يباركلك ويسعد قلبك

دمت طيبا

Jana said...

anonymous

شاكرين ..مهللين ..على الاطراء يا فندم
اخجلتمونا..واسعدتمونا

بس لو كنت قلت او قلتى اسمك...كنا سعدنا اكتر

منورنى ..او منورانى
كررها ..او كرريها
المهم
دمت ..او دمتى
طيب او طيبة
ههههههههههههه

Jana said...

عايش ولكن

ايه الكلام الكبير ده!!!؟؟
ادباء وفنانين ..حتة واحدة

شاكرين يا فندم اطرائك..وذوقك

اسعدنى تعليقك
ونورتنى بالزيارة

ربنا يكرمك ...
ونباركلك قريب على النتيجة

دمت طيبا

الباحث عن الحقيقة said...

رائع بجد
رغم انه طويل لكن لم اشعر معه بملل
بالعكس كنت مستمتع جدا بهذا الحوار القوى والرائع
شئ جميل وعميق وعنيف
ورقيق
كمان
اعتقد انك اجدتي هنا بشكل رائع واظهرتي موهبه ادبيه في كتابة الحوار بشكل متمكن فعلا

Jana said...

الباحث عن الحقيقة

تعليق لايف
والرد لايف كمان

عنيف ورقيق!!!!؟؟
حلو الجمع بينهم ...رغم التناقض ..

تعليقك اسعدنى
وشكرا لذوقك ..واطرائك العالى

جاى متأخر
لكن سماح المرة دى
مين سماح بقى !!!؟؟
:))

ربنا يباركلك ويكرمك

دمت طيبا

ammola said...

معلش يا نونا أتأخرت عليكى
كان عندى شوية كراكيب نفساوية كده حاولت أتخلص منها..بس حتى بتاع الروبابيكيا ما رضيش ياخدها كادوو من غير فلوس
ماعلينا
انااقصد بالاقوى منهما يعنى من القلب والعقل
يعنى لوالعقل اقوى خلاص كلامه حيمشى
ولو القلب اقوى يبقى كلمته لا ممكن تنزل الارض أبدا
أما عن القدر...فهو أقوى مننا جميعا..ولكن نحن لاندرى عنه شيئا حتى يقع..ولما يقع ساعتها حيكون أما مع القلب أو العقل..يعنى كل شىء حيبان
وفى هذه وتلك الاثناء ستظل العركة"بالاسكندرانى"محتدمة الوطيس"بالنحوى" ..باللا انتى عارفة انا ماعزش عليكى حاجة..باكتب لك بكل اللغات أهو
وسؤالك طبيعة الانسان يجب أن تتفق مع أيهما ده مالهوش جواب لانها مش بتتبرمج..هى كده بتبقى خلقة بعيد عنك يعنى ماينفعش افكر أنا حابقى عاطفية واللا عقلانية
لان ببساطة كده حابقى عقلانية أكيد
:)
سلام بأه
أيه أخبار النتايج
طيب...ألف ألف مبروك
والله وتعبك جه بفايدة
عقبال الدكتوراة

Jana said...

ammola

كراكيب ايه ؟؟؟؟
بتوع الروبابكيا مالهمش فى النوع ده من الكراكيب
عليكى على المزادات
بيكون فى هناك ناس هوايتهم جمع هذه الكراكيب ..والاحتفاظ بها لأنها بتندر بعد كده ..وبتصبح ذات قيمة ..وترجعى انتى صاحبة الكركوبة القديمة تشتاقى لها من جديد وتقولى فين ايامك يا كراكيبى ...كنتى غلبانة ونيمانة..تيجى ايه جنب السهتانة
صدقينى ...بكرة تضحكى من كراكيبك
وربنا يزيح عنك يارب كل هم وكرب

ميرسى يا جميل على التحليل الدقيق
ضحكتنى اوى جملتك
هى كده بتبقى خلقة بعيد عنك؟؟؟
ههههههههههههههههههههههههه

مستنياكى بقى تطمنينى عليكى من الكراكيب على المازنجر

ربنا يباركلك يا جميل
ويبعد عنك كل هم وضيق

دمتى طيبة يا قمر

دنيتى الجميله said...

برافو عليكى
بوست هايل وجميل
فعلا استمتعت بيه جداجدا
بارك الله فيكى

Omar El-Tahan said...

حوار فلسفي رائع وقديم جداً لأنه بين طرفي النقيض في حياة الإنسان وتناوله العديد من الفلاسفة والمفكرين في كتاباتهم والحق أنك أدرتي الحوار باحتراف ووصلتي للتوازن الهادئ الذي يتوازن مع طبيعتك التي لاحظتها من كتاباتك .. أحييكي بشدة على هذا الموضوع

أم أحمد المصرية said...

صديقتي جني
سبحان مقلب القلوب
حوار معبر جدا و ما فيش حد في الدنيا ما تعرضش في موقف في حياته للحوار ده
تحياتي لك و تمنياتي بهدنه صادقة

Jana said...

دنيتى الجميلة

نورتينى
وشكرا لذوقك

تعليقك اسعدنى
طمنينى بقى على سهيلة
ايه اخبارها دلوقتى؟؟؟

ربنا يباركلك فيها ويحفظها من كل سوء

دمتى طيبة

Jana said...

omar el-tahan

منورنى
وبس وبعدين يعنى ..حافضل ارد كده بأثر رجعى على تعليقاتك
المرة دى برده التأخير عندى
ليك واحد كابوتشينو... غرامة تأخير

الله يكرمك... ياريت اكون بهذا التوازن الهادىء فعلا فى حياتى

يسعدنى تعليقك دوما
اكرمك الله وأعزك

دمت طيبا

Jana said...

أم أحمد المصرية

اهلا بيكى عزيزتى
دايما منورانى
اشكرك على امنيتك ليا
وارجوها للجميع

يالا بشرى خير
والله وانا بارد دلوقتى جالى خبر نجاح صديقة عزيزة وزميلة مدونة فى الماجستير
وشك حلو
ويارب تطمنينى قريب على نتيجة احمد واخواته
وعقبال الدكتوراة
هو ما شاء الله ولا قوة الا بالله متميز ..وطالع لمامته
:)
حبيبة قلبى
ربنا يحفظهم ويبارك فيهم وينبتهم نباتا حسنا

دمتى طيبة وبخير

قمم التميز said...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

قمم التميز said...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام