Saturday, June 21, 2008

اصنع لى قهوة ..وأسألنى ما شئت


حقاً..صدق من قال لا تؤجل عمل اليوم الى الغد
فها قد تراكمت عليا الفروض أقصد التاجات .. وكنت أعتقد انه من اليسير ان تجاوب التاج فى أى وقت ولكنى ادركت صعوبته الآن ولو كنت اعلم ما فرضته على كثير منكم حين أخترعت تاجى الاخير..وكنت قدمت السبت لأجد الأربعاء
ولكن سبق السيف العزل ...ومجبرة أختكم لا بطلة..
المهم اخوانى واخواتى انا الآن بصدد 3 تاجات قررت دمج الاول مع الثالث للتشابه الكبير بينهما ..وترك الثانى لبوست قادم حيث انه الأكثر سخونة بحسب ما أطلقت عليه صاحبته الجميلة ست البنات ..عفوا أقصد ست البيت ولكن دوما يسبقنى هذا الاسم ..أجدها فعلا انسانة جميلة وشخصية متميزة
التاج الاول
تاج ال جى حبيبة قلبى والقريبة لعقلى ..كان عن ذكر عشرة اشياء عن نفسك ...
وتاج لعلها خير الجميلة وصديقتى الغالية والاستاذ سيد الفاضل وأخى الكريم جنّى كان عن ذكر ستة أسرار
بحسبة بسيطة نجد ان مجموع المعلومات المطلوبة خمسة عشر "عودتكم على الشكوى من استذكار الماث مع ابنى ..الآن عرفتم السبب" والان بعد خصم ضريبة المبيعات والمستنقعات نصل للعدد 13
اذا يجب ان أذكر اثنى عشرة نقطة
وقررت ان تكون الصفات الأحدى عشر مدمجة مع الاسرار بشكل عشوائى فلا تعرفون أيهما سر وأيهما صفة عادية معلومة لدى الكثير.. نوع من التعقيد والغير مباشرة وتلك مشاركتكم وجدانيا لاخواتنا طلاب الثانوية العامة
بسم الله ....والله المستعان

1- لدى ثلاث أطفال ...ولد وبنتان ... لا يخفى على احد ان ابنتى الصغرى هى جَنَى ..ولكن الجديد ان ابنتى الاكبر منها .. حين كنت حاملا فيها قام والدى رحمه الله بترشيح اسما لها ..لم يبهرنى الاسم وقتها ونمت ليلتها أحلم بالاسم واتخيلها وانا انادى عليها به ..وحين استيقظت وكان على الصوت الصادر كالعادة من بائع شرائط الكاسيت المواجه لمنزلى ..ولكن يومها بالأخص خرج عن نمطيته ولم يبدأ يومه بعمرو دياب ولا نانسى وانما افتتح اليوم بقرآن كريم على غير العادة ..وكانت سورة الرحمن ..لكم ان تتخيلوا ان احلم باسما طوال الليل لاستيقظ فأجد اول ما يصل الى آذانى " فبأى ألاء ربكما تكذبان "...فكانت ابنتى ألاء ..كما تمناه والدى رحمة الله عليه

2- كان يجب ان ابدأ بها .. الثرثرة ..هذا ما أعانيه حقا ..او بالأحرى ما تعانوه ..فأنا ابدا لم ولن أعرف الايجاز فى
كلامى ..حتى فى ايام استذكارى ..لم اكن يوما اجيد التلخيص ..اعشق الشرح المفصل وان كنت أملّه فى الوسط فأقطع كلامى لأترك من يسمعنى مذبهلا ..كمن بعثت به البحر وعدت به عطشان
أجيد الوصف الممل حتى الضجر....كما أجيد بعثرة الأفكار حتى تتوه الفكرة الرئيسة وانسى انا ومن أحدثه ما كنا بصدده من البداية ... والآن ماذا كنت اود ان أقوله !!؟؟
نعم انى ثرثارة ...أحيانا

3- كل الناس فى هذه الأيام يقولون انهم يعانون من الزهايمر المبكر ..وانا واحدة من هؤلاء
انا انسى .. بشكل عجيب
قد انسى الاساءة ...مع اول موقف طيب
انسى الارقام بشكل خطير ..ودائما اقع فى مشاكل واحراج بسببها
انسى الاسماء .. وتكون كلمتى المعتادة حين يلقى الىّ بالسلام من أحدهم ..أهلا برررروم وانتى عاملة ايه دلوقت
انسى الاتجاهات ..لذلك لم يوافق زوجى ولا أخى ان اتعلم قيادة السيارات ..وانا أجادلهم دوما واخشى ان يوافقوا لأنى فى الغالب سأعيد النظر حينها وسأظهر بمظهر المجادلة العنيدة ليس اكثر
لكنى لا انسى المواقف " الجدعة" ابدا ولا أصحابها ما حييت
نسيت الان انى كنت احاول ان اوجز ...ولم افلح

4-العصبية التى لا تؤذى الا صاحبها... مأساتى فى حياتى ..ولكن هذه العصبية تظهر فى بعض الامور دون غيرها ..فمثلا "كوى الملابس " والذى أبغضه وأمقته كثيرا .. قد ينتهى الحال بتمزيق قطعة من الملابس لأنها من نوع غبى من القماش الغبى الذى لا يتأثر بالمكواة الغبية .. ولأنى لست بغبية مثل هؤلاء فلتذهب هذه القطعة الى الجحيم
طبعا هذه الملابس تخصنى وحدى او اولادى ..اما ملابس زوجى ..فللعصبية حدود طبعا :)
ايضا لو تسبب أحدهم بتعطيلى عن شرب قهوتى ساخنة
فكما قلت ..ان كان فى مقدورى ان اصب غضبى عليه ..فقد هلك ..أما ان لم يكن ..فليذهب " المج " هو الآخر الى الجحيم ..ودوما انا من أجمع المتكسر والممزق ...لذلك قلت فى البداية انها العصبية التى لا تؤذى الا صاحبها

5- لحظات السعادة والعودة الى ايام زمان .. حتى الآن اقرأ قصص تان تان ولاكى لوك وميكى جيب القديمة..ولا اجد سعادة تضاهيها ... الا فى نزول البحر والأمواج عالية يملأنى الخوف ..او ركوب الفلاينج كاربت فى سندباد القاهرة لا يسمع أحد صوت صراخى فمن شدة فزعى لا يخرج من فمى بالرغم من انه يملأ جوفى
أيام قد ولت ... ولكنها ابدا لم تمحى من ذاكرتى

6- اعشق رياضة التنس ...
لعبتها كثيرا بالطبع .وكنت الأكثر مهارة... وكيف لا أكون كذلك وقد كنت شتيفى جراف دائما.... لم أجرب ان اكون مارتينا نافراتيلوفا ..فقد أشيع انها كانت رجلا ..وكنت اراها تستطيع لعب خمس مجموعات كالرجال .. ولم تعجبنى حدة ملامحها ابدا وكنت افضل ان اكون بوريس بيكر على ان اكون هى
تقمصت أرنشا سانشيز ومونيكا سيليز كثيرا ..ولكن شتيفى طبعا كانت المفضلة
وطبعا اندريه أجاسى من الرجال
أصيبت امس فينوس وليامز الحائزة على لقب العام الماضى .. ولكنها لعبت بشكل أقوى بعد الاصابة ..ولم اكمل المشاهدة لسوء حظى
حقا تمنيت ان ألعب التنس
لم العبه يوما الا فى خيالى وحين اتانى صديق والدى رحمه الله بمضرب للتنس.. أُستخدم فى امر آخر كان أكثر اهمية ونفعا ...تنفيض السجاجيد..... ولكنه كان ثقيلا جدا ..فاكتفيت بالتخيل والايحاء بدون مضرب..ولكن لم يفوتنى ان العب باصابعى فى شبكة المضرب متخذة خطوات واسعة الى الوراء حين اكسر سيرف او احرز نقطة كما يفعل اللاعبون المتميزون
:))

7- اكره البكاء لأنه يضعنى فى مواقف شديدة الاحراج ..فأبدو كالطفلة التى اضاعت مصروفها احيانا
كنت اعتقد انى قوية الشخصية حسنة التصرف ..ولكنى فى مواقف كثيرة رأيت منى العكس تماما ...لو أخطأ احدهم فى حقى ..اتصرف بسلبية للاسف .. وحين أتمالك نفسى وأضع قرارا بشأنهم يكون قد فات الاوان .."والعركة فضت " ..وابدو كالقائل لو كنتوا سبتونى كنت قطعته

8- Blogaholic
هذا ما اطلقه عليا أخى ...فأهلى الآن يرونى اصبحت انترنتية الطبع بلوجية المزاج جوجلية الصفات بلوجرية الصوت كومنتية الشكل مدونة الملامح

9- أحب الكمثرى الباردة من الثلاجة ولا استطيع ان اعيش بدون القهوة .. أحب "ميلفاى" الشيكولاتة وهذه الاشياء تصبح اكثر روعة حين استند الى سور نافذة غرفتى القديمة ..وفى يدى قصة يشدو فى الخلفية "جون دنفر"
you fill up my senses
وأكره بل أمقت الحلبة تلك البذور العجيبة ورائحتها ولا أكل البط اوالوز اوالارانب فأراها قطط بيضاء لا أكثر ولا الحمام وهذه المخلوقات العجيبة

10 - فوبيا الحيوانات ...فأنا اعانى من فوبيا كل الطيور والحيوانات وخاصة الأعين ..لا استطيع ان أطيل النظر الى احداها ..فبؤبؤ عينها يصيبنى بالذعر .. اصبحت مشهورة فى العائلة بأنى من اخاف رأس الدجاجة "المذبوحة" ..فهى تصيبنى بالهلع ولا أُسئل عن صوتى ولا تصرفاتى ريثما اتعرض لهذه المواجهة العنيفة حين ينسى رجل الدجاج الشجاع التخلص من رأسها وسط أشلائها بعد تقطيعها...
لكن لمشمش القط فى بيت أهلى نوع مختلف من الفوبيا فأحيانا أحدثه وأطلب منه ان يغادر الحجرة او ان يترك لى مساحة للمرور من جانبه وكلى شجاعة واقدام

11- الرسم ..هوايتى الحقيقية ..ولا أزعم انى فنانة او هاوية محترفة او ما شابه.. فأنا لا ارسم الا بالقلم الرصاص .. وجوه وملامح وردود أفعال هو ما أحب ان أرسم
تعبيرات وجه الأنثى دوما تفوق فى روعتها تعبيرات وجه الرجل ..ولعين المرأة سحر عجيب يظهر فى الحقيقة والرسم


12 - من اكثر من اسبوعين كانت ذكرى مرور عام تدوينى على مدونتى الصغيرة .. حاولت ان اكتب شيئا بهذا الخصوص ..وتخوفت من نفسى حيث لا اعرف الايجاز كما قلت سابقا ..وكنت اريد ان اشكر عددا لا بأس به من المدونين والمدونات ممن كان لهم فى هذا العالم الافتراضى اثرا عظيما علىّ وبعد فضل رب العالمين فضلا لا انكره ..وكانوا سببا فى استمرارى .. فأصبحوا لى اهلا وأخوة .. أقسم بالله انى اعتبرتهم عائلتى الأخرى .. عزائى انهم يعرفون ويشعرون بما أكنه لهم من تقدير واحترام وحب فى الله

أوشك الان أن أذكر السر الأخطر على الاطلاق والذى لا يعرفه كائنا كان ..انسيا او جان
ولكن ... انتظروا !! يالحظكم العجيب ...الآن انتهت قهوتى ..وكانت هذه آخر رشفة ..فليكن اذن هذا آخر سر
:)

التاج مرسل
ل ..ال جى ..عليكى باجابة تاج الاسرار لسابق اجابتك على تاج العشرة الاشياء
بيتنا القديم .. ست البنات .. كوارث .. ميرامار.. عمر الطحان
عليكم باجابة التاج بعد تعديله واعتمدوا على حساباتى القوية ..فمطلوب منكم ذكر أثتنى عشرة نقطة ..منهم ستة أسرار لا يعرفها أحد عنكم
كان بودى ان أبعث بالواجب الى كثير لم يمرر لهم التاج بعد ولكن من لم يجاوب تاج احلامه لا اجرؤ بالطبع ان أسأله عن اسراره
:))

ولا يفوتنى أن أشكر
ال جى الرائعة ولعلها خير صاحبة الحملة والسباقة الى الخير دوما وجنّى المصباح صانع المعجزات وصاحب الذوق الرفيع

والى لقاء اخر باذن الرحمن مع تاج ساخن جدا من ست البنات الجميلة وقهوة اكثر سخونة




61 comments:

خمسة فضفضة said...

السلام عليكم ورحمة الله وبركاته

عارفه ياام جني عندنا حاجات كتير اوي متشابهه

فانا زيك بالظبط رثاية درجه اولي وممكن اتوه اللي قدامي وافضل ادخل من موضوع علي التاني
كمان عندي زهايمر بس للاشياء القريبه اما البعيده اوي فدي فاكراها زي ماتكون انهارده

كمان باتعصب بسرعه وبرضو بانسي العصبيه بسرعه
برضو الحنين الفظيع للماضي وحب التنس

شكلنا كده متطابقين في حاجات كتير

معلش انا ماخره واجب الاحلام بس ما تقلقيش فبالي وان شاء الله اجاوبه قريب

سلام يا قمر

الربان said...

تحياتي

يبدو انك اصررتي علي ان تضللينا..و تخرجي من موضوع لاخر....لكن انا عملت كمين...و طلعت بافكار...

اولا ربنا يبارك لك في زوجك و اولادك..
وان شاء الله يكونوا ذرية صالحة.

بالنسبة للنسيان...اعتقد ان معظمنا
يعاني من نفس الشيء...يمكن نوعية الطعام...الاحداث المتسارعة....الخ.

انا احب التنس...لكنني افضل شاربوفا
و التنس لعبه جميلة و جمهورها يعتبر
الي حد ما من الطبقة المتوسطة .

العصبية جزء من تركيبة بني البشر لانه
مجموعة مشاعر ...تتفاعل سلبا او ايجابا

احييك علي الشفافية و الوضوح الذي حاولتي ان تخفيه عنا بالدخول في مناورات
كلامية....لكن الحمد لله قدرنا نطلع ببعض
الصفات الجميلة في اختنا في الله ام جني.

تحياتي و تقديري....هاسهر اذاكر الاجابة بتاعتك ...عسي الله ان يشرح صدري و استخرج من صفاتك الحميدة المدفونه.

دمت بالف خير

الباحث عن الحقيقة said...
This comment has been removed by the author.
جنّي said...

السلام عليكم

دوبي واصل من العمل الآن ولكني قرأت إجاباتك المبهرة .. أستأذن حضرتك في العودة مساء ( بعد المغرب ) إن شاء الله للتعليق ..

سلام مؤقت

جنّي said...

السلام عليكم

بداية لو سمعك رسول الله صلى الله عليه وسلم لقال قطعت عنق جني !!!

أبدأ بالتعليق على إجاباتك بسم الله

1 - ربنا يبارك لك في ابنائك ويجعلهم قرة عين لكم ..

2 - الثرثرة محمودة بشرط ان تكون مغلفة بذكر الله ..

3 - إذا نسيتي فاذكري الله { وَاذْكُر رَّبَّكَ إِذَا نَسِيتَ وَقُلْ عَسَى أَن يَهْدِيَنِ رَبِّي لأَقْرَبَ مِنْ هَذَا رَشَداً }الكهف24

4 - العصبية العامل المشترك الأكبر بين من جاوب على الفرض مع إننا مطالبون بتطبيق قول رسولنا العظيم ( لا تغضب )
5 - ألا ليت الطفولة تعود يوما بل تستمر دوما ..

6 - نستي لاعب قديم اسمه أرثر آش ( صححي لي المعلومة ) وسيرينا وليامز مع انها شبه الباحث بالرغم من أني لم أراه

7 - اسكندرانية زي حميدو اللي بيقول وهو في العركة( شيلوه من فوقي أحسن أموته )

8 - أضيف اسم آخر .. بوستية

9 - أي بط أو حمام فقط مما ذكرتي حوليه لجني وتكوني مشكورة ..

10 - 11 - دائما الفنانات في الرسم مرهفات الحس ويكرهن العنف ولو في رؤية دجاجة مذبوحة ..

12 - ما أجمل الأخوة الخالصة لله وفي الله ..

السر الأخطر استشفناه وهو أنك شديدة الصراحة ..


مع السلامة

عصفور المدينة said...

السلام عليكم نظرا لأنك أطلت فأنا سوف أختصر التعليق

هذا التاج ممتزج برائحة القهوة بشكل عجيب

ويبدو أن كل ذوات الأبناء يبغضن الحلبة

أما البط وأشباهه فتلك عجيبة

الطائر الحزين said...

انا بحب التنس

ايفان ليندل كنت احب لعبه جدااا
وكنت بحب اشجع المغلوب مش عارف ليه

Empress appy said...

دى قهوة محوجه صح اللى تخليكى تقولى الكلام الجميل ده ربنا يبارك لكى فيه يا رب

الباحث عن الحقيقة said...

السلام عليكم ورحمة الله وبركاته
معلش التعليق اللي فات حذفته علشان اخطاء املائية
كنت بقول انى لما بروح مدونة احد الاخوة او الاخوات واجد تاج عندهم بكون سعيد لان ده بيجعلنا نفهم شخصية صاحب المدونة اكتر
تحياتي

بيتنا القديم said...

أبشري..!!

Jana said...

خمسة فضفضة

وعليكم السلام ورحمة الله وبركاته

فرحتينى والله
يعنى مش لوحدى اللى رغاية؟؟

حنين الى الماضى وزهايمر وعصبية
وتنس
ده فى منى تانى اهو
هههههههههههههههه

يعنى لو كنتى بتحبى اللون الاورانج دلوقتى مش كنا تطابقنا بجد وكنا لاعبناهم شوية
ولخبطانهم
ههههههههه

بجد يا فضفضة انتى شخصية جميلة
وجميل اننا نتشابه فى حاجات كتير
اعزمينى بقى على قهوة عندك
ونعد نمارس هوايتنا فى الرغى ..ولو تهنا من بعض عادى حنرجع تانى دى ميزة الثرثرة
:))

متقلقيش انا عارفة التاجات ..وعارفة انها محتاجة وقت فاضى كبير..وربنا يعينك

نورتينى يا جميل

الباحث عن الحقيقة said...

رديت على تعليقك في الاستراحة

Fahd said...

حرام عليكي بجد

اعلق علي ايه ولا ايه

صعب ان حد يجي عندك ولم تعلق بروحه شيء من عندك

انا الان صرت اعدالعربيات وانتظر العربة الخامسة لاري انها عربة نصل نقل


روحك جميلة للغاية

ربنا يكرمك وينفع بك


علي فكره انا جاوبت علي التاج

انا بسمع الكلام

Jana said...

الربان

هو حضرتك صاحب الكمين!!؟
عموما العساكر كانوا ذوق جدا ..انا وزعت عليهم لبان ..فانبسطوا اوى ورجعولى الرخص واكياس السكر البودرة بعد ما احتفظوا بكيس
ماهو طلع سكر ..امال انت كنت فاكر ايه؟؟
:)

ربنا يكرمك على الدعوة ولك بمثلها ان شاء الله

شاربوفا ...اكثر من رائعة
بهرتنى فى لعبها لما خدت الويمبلدون من 3 او 4 سنوات
لكن يمكن عشان انا مش متابعة جيدة زى زمان ايام الروقان ..فاللاعبين القدامى تأثيرهم فيا أكبر
انا باحترم كل عشاق هذه الرياضة على فكرة

صحيح انا حاولت اخفى اشياء
لكن من فال انها صفات حميدة او غير ذلك!!!!!؟
والله وحده يعلم ما فى الصدور
لا ترهق نفسك بالبحث
انا ماهرة فى اخفاء الاشياء
حتى انى لا اجدها بعد ذلك بسهولة
:))

نورتنى اخى الكريم

Jana said...

جنّى

وعليكم السلام ورحمة الله وبركاته
استاذنا سيد أكرمك الله
ابدا سيدى لست بمادحتك وانما اعترف بجميل واشكر لك صنيع

تعودت كرمك
حتى انه يظهر فى تحليل الاجابات

جزاك الله خيرا على دعوتك ولك بمثله وأفضل ان شاء الله

دائما اخى أذكر الله حين انسى
وتعودت ان اقول هذه الدعوة
" اللهم أنطقنا بالشهادة فى ساعة لابد عنها"
فلا يهمنى ابدا ما نسيته وكل ما أخشاه ان ينسى لسانى الشهادة وقت لا نحتاج الا اياها

ارثر آش!!؟؟
ياااااااااااااااه يا فندم
ده اخد الويمبلدون قبل ما اتولد تقريبا
ههههههههههه
لكن العامل المشترك بيينه وبين سيرينا انهم من اصحاب البشرة السمراء
حضرتك تفضل لعب السود
كما افضل انا غنائهم
سيرينا الاخت الكبرى لفينوس وليامز ..
العائلة تنسية قديمة ترجع جذورها للاب
تنسية ..على وزن بوستية يعنى
ههههههههههههه

على طريقة معلق التنس القديم والمفضل لدى ولا اذكر اسمه للاسف
تحليل ساحق ماحق
:)

لكن فى محاولتك اكتشاف السر الاخطر
قد تقصد صادقة ... وليست صريحة
فالصدق نقيضه الكذب ..والحمد لله لا اكذب
اما الصراحة فنقيضها الغموض .. وقد اكون كذلك وعن قصد احتفظ ببعض الاشياء فى صندوق مفتاحه ليس بقريب ابدا

المفروض تسعة من عشرة
لكن عشان جنّى المصباح أهل الكرم نخليها عشرة ونص من عشرة
متهيألى حضرتك ماديتهاش لحد فى الكنترول الدائر حاليا لحد دلوقت
:)))

منورنى دائما
تصحبك السلامة أخى الكريم

Jana said...

عصفور المدينة

وعليكم السلام ورحمة الله وبركاته

البوست القادم ان شاء الله سطر ونصف
لأرى من حضرتك تعليقا طويلا
فكم تسعدنى تعليقاتك سيدى

حتى الرد على التعليق يا فندم تصحبه رائحة القهوة ..وهاكم رشفة أخرى
:)
..امقت الحلبة واستغفر الله لانها نعمة من قبل ان اصير من ذوات الابناء .. واطفالى لم يعرفوها بسببى والحمد لله

الامتناع عن اكل البط واشباهه عجيبة !!!!..
وساندوتش المحشى وبيتزا الفول ليست بعجيبة !!!!!!؟؟
هههههههههههههههههه
سأصمت ...حاضر
:)))

منورنى دوما أخى الكريم

Jana said...

الطائر الحزين

صحيح كيف نسيت ايفان لندل!!؟؟
اتذكر له ماتش مبهر فى رولان جاروس قديما

تذكرت اسم المعلق حين ذكرتنى بلندل
كان عادل شريف
ربنا يرحمه .. تعليقاته كانت تعطى روحا للمباراة

ياللذكريات

انا سعيدة جدا لأنى وجدت كثيرا ممن يهتم بالتنس مثلى
ايضا كنت اشجع المغلوب فقط اذا كان لايهمنى امر الآخر ولم يكن من المفضلين لدى
يمكن عشان بنتخيل انفسنا مكانهم ...
دى انهزامية ولا حنية ولا تعاطف ولا دليل على ايه ؟؟ ...مش عارفة

حقا التاجات ... مصدرا رهيبا لمعرفة المستور
:)

منورنى دوما اخى الكريم

Jana said...

appy

طب لييييييييييه تفكرينى ؟؟
خلص البن المحوج
وسفيانوبلو بعيد عليا
ومش فاضية انزله النهاردة
اعمل فيكى ايه بقى دلوقت؟؟

اشربيلى معاكى النهاردة
وانا بالايحاء حاتخيل انى شربتها
واحد يعنى
:)

اخبار بطوط ايه ؟؟
مش ناوية تفسحيها فى اسكندرية بقى!!؟
بس اسكندرية ايه
شرم الشيخ طبعا تكسب
هههههههههههه
تيجى بالسلامةومتنسيش تنفخى العوامة
:)

منورانى يا كميل

Jana said...

الباحث عن الحقيقة

وعليكم السلام ورحمة الله وبركاته

وده اللى حصل لما قريت اجاباتك على نفس التاج
وفهمنا شخصيتك اكتر
وعرفنا انك عفوى وتلقائى
....وعصبى ....
ولأننا اخوة فى الله فى العالم ده
كويس جدا اننا نحاول نفهم بعض اكتر
ونختلف فى اشياء ونتفق فى اخرى
وان كنا لا نختلف على أهم شىء..ألا وهو .. ان العتاب لا يكون الا بين الاصدقاء ومن تهمهم ان تظل حبال التقدير والمودة ممدودة

هى دى ميزة التاجات
ايها الباحث
:))

لا اتذكر فى تعليقك ذو الاخطاء الاملائية الكثير
ولكنه كان تعليق كالعادة يسعدنى

منورنى دوما اخى الكريم

Jana said...

بيتنا القديم

أبشرى !!!!!!!!!!!؟
بس كده

حقا أدركت الآن كم ثرثرتى
ياللخجل

حاضر

سأبشر
:)))

كفاية كده ولا أبشر تانى ؟؟
:)))))))

منورنى يا سمسم بجد

Jana said...

الباحث عن الحقيقة

علم يا فندم

ربنا يهدى النفوس ويزيح الكرب
ويزيل سوء التفاهم
والله ولى ذلك والقادر عليه

دمت طيبا وبخير
وأعانك الله على مسئوليتك الجديدة فى الحملة

:))

Jana said...

fahd

انا قصدت انى أثرثر كثيرا فى هذا التاج ..فتختلط عليكم الامور ..ولا تعرفون رايح من جاى
وتخرجون وقد زدتم التباسا وتعقيدا
غموض يعنى وشغل ساسبنس
:)

نصيبك دايما عربية نصف نقل
ههههههههههههههه
مش وحشة برده
وبتنفع فى المصيف والحر
وعجل الاولاد باعتبار ما سيكون يعنى ان شاء الله
هههههههههههه

الله يكرمك ..
دائما الناس اصحاب الروح الحلوة يرون الآخرين كذلك

لا فعلا أحرجتنى ..وطلعت اجدع منى فى موضوع التاج
معلش استحمل اختك
لسه طالعة من علقة تاجين فى بعض زيك كده
وعشان سمعت الكلام
واحد دوم وصلحه عشان اخوكم هنا
ههههههههه

منورنى دايما
ربنا يكرمك ويعزك ..

Omar El-Tahan said...
This comment has been removed by the author.
Omar El-Tahan said...

يا فندم كنوز و الله عرفناها من التاج ده ... ربنا يعمر بيتهم اللي بعتهولك.

ربنا يحفظلك أبائك و يباركلك فيهم و يا رب يطلعوا بيحبوا البط عشان نشوف أخبار الإيثاؤ ابه معاكي.

ايه دااااااااااااااااه ... تنس ؟؟ و الله ... يا سلام .. دا أنا كنت فاكر اني مجنون لوحدي .. طلع لي شركاء... أنا بقى إيفان الرهيب ... أقصد إيفان لندل و أجاسي و جيم كورير و بيت سامبراس كده بالترتيب هما اللي باحبهم ... و البنات شتيفي جراف و معجب بإصرار الأختين وليامز

طول عمري باعشقه بس من بعيد لبعيد ... متفرج و مشجع.
القهوة .. وما أدراكي ما القهوة ... بس أوعي تقربي من كوبي لواك ...

أنا باعتبر التاج ده تعرف على حضرتك عشان كده مش هاعلق عليه كتير ... بس ليا الشرف إني قرأته و الشرف زاد بتمرير التاج ... أنا جاوبته عندي و أتمنى تشرفيني لأنه على ايديا اتحول لحاجة تانية خالص.

عودة(3awda) said...

كوكتيل ممتاز وربنا يباركلك

كوارث said...

شكرًا على التاج وان كان صعب قوي بس قولي يا رب
اجاباتك جميلة قوي .. جميل جميل .. لو ظابط امن دولة دخل وبص على التاجات اللى في مدونة كل واحد هيعمل ملف عنه !!
بالمناسبة
تم نشر نقد القصة

Anonymous said...

جنى العزيزه

كان لازم آجي وأشكرك على تعليقك عندي
مش عارفه أقولك إيه
أول مرة مقدرتش أكمل قراءته
فقرأته مرة تانيه
إنتم طبعا إخواني وأخواتي
وأنا كويسه الحمد لله

***********
عايزة اقولك لو كنت هجاول ع التاج ده
فبكل بساطه كنت هعمل كوبي وباست من عندك

فوبيا الطيور
ولا أتناولهم ابدا

التنس
شتيفي جراف كانت عشقي يا بنتي والله
وأرنشا .. وأندريه آجاسي
ومارتينا برضه مش كنت برتاح لها

الرسم

إدمان النت
القهوة

مش بقولك كنت هعمل كوبي وباست

ربنا يوفقك ويبارك لك في أولادك
ودمتم بكل سعاده

سلوى

بيتنا القديم said...

امممممممممم


لا زال بإمكانك


البشر أكثر من هذا


(:


إن شاء الله اخلص الدايت ونخش عاتاج

أبشرى...!!

(((((:

kochia said...

عزيزتي ام جني
كل مرة احاول اكتب تعليق عن شئ من الاشياء الجميلة التي تكتبيها الجهاز يهنج علي صفحتك انت بالذات مش عارفة ليه
والحمد لله اول مرة صفحة التعليق بتاعتك تفتح معايا
وكويس انه جه في سرد المعلومات بتاعك ده
وطبعا انتي قلتلي تفاضيل كتير اوي
لذلك هكتفي المرة دي بالقاء التحية
واتمني لك السعادة وان شاء الله ربنا يبارك لكي في اولادك

تحياتي

MiraMar said...

حبيت تفاصيل حياتك
بتشبهني كتير
علم وشكرا وتم عمل اللازم
سلام

L.G. said...

ايه ده كله
من أجمل الاجابات على التاج ما قرأت عندك كلمة كلمة الاجابات عجيبة وغير متوقعة
أيون التفاصيل بحبها وأختي بتزهق مني وتقولي قولي المفيد
اتفاق تام في الأرقام لا أحفظ حتى نمرة بيت أختي والزهايمر طحن ودقيق فاخر
العصبية بطلتها مفيش حيل ليها
تان تان وميكي وبطوط كمان
التنس أهم حاجة ضحكتني اصلي كنت بحضر حقول ايه للاعلام لما أكسب الويمبلدون وجراف حبيبتي كفاية الرد على الارسال بكرة مستقيمة على الخط
على فكرة سيرينا كسبت السنة دي كمان وهي مصابة
البكاء حنفيات حدث ولا حرج
جميل الكلام بجد

Unknown said...

السلام عليكم
ازيك يا جني

مدونتك جميله
انا قرأت اجاباتك كلها

كلها تحفه
وبجد دشخصيتك رائعه


ربنا يوفقك
برقششششششششش

blue-wave said...

اجاباتك رائعه بجد
ربنا يكرمك

الباحث عن الحقيقة said...

السلام عليكم
عندي موضوع جديد في استراحة الكاشفة اتمنى اشوف رأيكم فيه

كاشف الاوهام said...
This comment has been removed by a blog administrator.
Anonymous said...

you left out one very important thing about your intresting personality, that you are what poeple call "sun shine", you have a very rare ability to chear up a person or a group of people when they are feeling sad or depressed, you just know how to lift their spirit up and make them see how beautiful life can be, you had this talent since you were a little child, i remember the happiness that you brought to our hearts when you were just a little girl, even when you get angry about something, you were so funny,and so cute,we could not help but laugh no matter how serious the situation was. what ever you do ..please don't loose this gift. about the coffee..i love it to, but be careful too much of it is not good for your kidneys..you are a talented, sensitive, funny ,and smart soul, reading your blog made me miss you even more..i am now addicted to your blog, along with coffee and chocolate....waiting for more..
old sister.

جنّي said...

المعلق صاحب تعليق ضربة ساحقة ماحقة أسمه كابتن شريف .. شريف ايه مش فاكر لو افتكرت سأخبرك

Anonymous said...

do you stil say (siboony atayen zefty) when some one asks you to do something while your busy with something else?
old sister

Gannah said...

جنى
أنااتأخرت فى التعرف على مدونتك بس عذرى انى جديدة نسبيا فى عالم التدوين بس انا سعيدة ان اول تعرفى عليكى كان من خلال سر الكلام وقصتك الجميلة . ومن حسن حظى ان اول بوست اقراه عندك يكون تاج يعرفنى بيكى اكثر. واضح انك انسانة جميلة وربنا يباركلك فى اولادك. اسم جنى اسم رائع
تحياتى

الفقيرة إلى الله أم البنات said...

أم جنى
إجاباتك رائعه
ومميزة...ومن غير تاجات..نحن نعرفك من تدويناتك..لن انسى أول مرة قرأت لك عندما تهت فى سموحه
ولا تدوينة محمد صبى السيارات
هناك تدوينات..تعلق بالذاكرة..
واصحباها فى القلب
نسأل الله ان يرضى عنك ويراضيك...ويبارك فى اسرتك
بخصوص التاج..ساقوم بالاجابه..ولكن ليس الآن
فانا مشغوله بحملة..اسأل الله ان تتم..وان تساعدونى فيها

ammola said...

نانا
انتى ومجداوية طلعتو عينى النهارده
كل ماآجى ابعت لك أو ابعتلها النور يتقطع
حاخد نفسى وبعدين أعلق

جنّي said...

المعلق كان أسمه شريف صبري على ما أتذكر إن لم تخوني الذاكرة

---------------------------------

حبا فى رسول الله

نجتمع دائما معا لنطبق منهجه صلى الله عليه وسلم فى كافة أمور الدين والدنيا فنكن بإذن الله خير أمة أخرجت للناس كما وصف الله أمة خير الأنام فهل نكون خير أمة ؟؟
هل نلبى الدعوة لنجمع جهودنا ونصطف معا كالبنيان المرصوص و نشد بعضنا بعضا كلٌ فى مجاله بفكرة أو نصيحة أو مساهمة فعلية

هل نثبت حبنا لرسول الله فعلا لا قولا ؟؟

فالحب أفعال لا أقوال

هلموا معا نجتمع ونتفاعل ونصلح من شأننا كله

حباُ فى رسول الله

http://www.7obnferasolallah.blogspot.com

http://www.facebook.com/group.php?gid=18625528460


http://la3lahakhier-2.blogspot.com/


ساهم معنا ولو بوضع إعلان الحملة فى مدونتك

ammola said...

ماشاء الله يا نانا
انت صادقة ومتوازنة مع نفسك جدا
شخصيتك اللى عرفتها زى اللى تخيلتها زى اللى بتكتبى عنها
وكلهم باحبهم...يمكن علشان فى شوية تشابهات كده
:)
حضرتك لسه عند ماما؟؟
يعنى نخلص من الامتحانات ندخل فى العمرات والبياضات؟؟؟

رفقة عمر said...

اجابات حضرتك تحفه وضحكتنى كتير خصوصا موضوع التنس انا صدقت بصراحه
اكتشفت انه حلم مش اكتر
انا كمان التاج دة عليا ومش عارفه ااقول ايه مشكلتى انى مش عندى اسرار
اعمل ايه فى المشكله دى

Jana said...

omar eltahan

مرحبا بك اذن فى نادى المشجعين
ماهو ده اللى احنا فالحين فيه
اللى ما شفتك مرة فى رولان جاروس ماسك بيت سامبراس بتعلمه ازاى يكون التنس
يالا التنس خسرك
واحنا كسبناك

انا قريت اجاباتك طبعا ورديت عليها
وفعلا كانت فرصة حلوة للتعرف اكثر على شخصيتك

القهوة دى عليك المرة دى
:)

نورتنى يا عمر

Jana said...

3awda

أهلا بيك فى أول زيارة

نورتنى
كما أسعدنى تعليقك

ربنا يباركلك انت ايضا
ودمت طيبا

Jana said...

كوارث

انا عارفة يا طارق انك جاوبت التاج وأعذرنى انى لسه معلقتش عليه ..
انا فعلا مقصرة ..لكن ربنا وحده يعلم انه غصب عنى

النقد ...
بأشكرك عليه تانى
الاجمل من اقتراح فكرة هو القدرة على تطبيقها صح
وده اللى انت عملته
عشان كده احييك عليه

دمت طارق بكل خير

Jana said...

سلوى

يا عزيزتى ..كنت أتمنى أن اجد لكِ تدوينة جديدة ..لأعلق عليها ب... عودا حميدا

أتمنى من الله ان تعودى لنفسك سريعا ..وان تكتشفى ان مدوناتك مصدرا للسعادة وإدخال السرور على قلبك كما هى كذلك تماما لنا
..فترجعى فى قرارك

سعيدة جدا بالتشابه فى شخصياتنا
وكيف لا أكون وانا اركِ شخصية فى غاية اللطف جديرة بالاحترام
:)

دمتى بكل خير حبيبتى
فك الله كربك وأزاح همك

Jana said...

بيتنا القديم

انتهيت لتوى من بشر قالب الجبن الرومى الثالث ..واكتفيت

عليك باستخدام الجبن الموتزاريللا لوجه البيتزا
مبشورة جاهزة

فى انتظار الجديد من ..دايت

دمت بكل خير يا سمسم

Jana said...

kochia

عزيزتى كوشيا
سعيدة جدا بزيارتك
لعل صفحتى أيسر فى فتحها الان ..كى تداومى على الزيارة

وصلت التحية
أسعدنى تعليقك
ودعائى لك بمثل ما ذكرتى وأكثر

دمتى طيبة

Jana said...

miramar

منورانى يا هبة دايما

أكيد الطيور على أشكالها تقع
:)

شفت الاجابات ورديت عليها طبعا

دمتى طيبة يا هبة
حابعتلك على الفيس بوك للانضمام فى جروب الحملة ان شاء الله

Jana said...

l.g.

اجمل حاجة فيكى انك معايا على الخط دايما
لا اقصد طبعا الكرة المستقيمة على الخط
:)

الويمبلدون السنة دى ...تصورى مش متابعة خالص ومش عارفة مين راح فين

متهيألى فى تدوينة رجعت فى كلامها
ربنا هداها
هنا بس مسموح بالتدوينات ان ترد او تستبدل
:)

دمتى بكل خير حبيبتى

Jana said...

bar2ash

سعيدة جدا بزيارتك
وبتعليقك

كلامك أطرانى بشدة

ارجو تكرر الزيارة

نورتنى
وربنا يباركلك دايما

دمت طيبا يا برقش

Jana said...

blue wave

تعليقك أسعدنى جدا
ونورتنى بزيارتك الاولى

اتمنى متكونش الاخيرة

مدونتك جميلة
وسعيدة جدا ان تاجى اللى اخترعته قديما وصلك فى الاخر

دمت طيبا

Jana said...

الباحث عن الحقيقة

فلتعلم شيئا
انى وحدى من أخسر هنا عندما لا ازور مدونتك

اعلم فاتنى الكثير

ادعيلى بتيسير أمورى وما يشغلنى هذه الايام
لأعاود زيارة المدونات الحلوة ومنها طبعا مدونة سيادتكم

دمت طيبا وبخير أيها الباحث

Jana said...

dear sister

حبيبة قلبى
طبعا عرفتى سبب تأخرى فى الرد
ندعو الله جميعا ان يتم شفائها على خير ..ونطمن عليها

مش حاوصفلك تانى مدى فرحتى بتعليقك
اللى قابله مدى افتقادى ليكى
ولأيام جميلة صعب يتوصف جمالها

وحشتينى اكتر من الاول
وفكرتينى بحاجات كنت نسيتها
انتى لسه شايفانى كده ..عشان البعد لا يحفظ الا الذكريات الحلوة ويلغى اى حاجة غير كده
كلام فى سرك انا بقيت شريرة شوية ...مش زى زمان

وعايزة اقولك حاجة مقلتهاش قبل كده انك مش بتروحى من بالنا ابدا
وبنفتكرك فى كل المواقف وبنتخيل رد فعلك حيكون ازاى فى كل موقف
حتى ما اعتدتى سماعه او متابعته بنحب نتابعه عشانك

من الآخر ...انتم كلكم وحشتونا اوى اوى ..

وحاضر حاحاول اقلل من شرب القهوة عشان خاطرك بس

لما تفتكرى كارثة تانية من بلاوى زمان ابقى قوليلى فى التليفون ...بلاش فضايح على الهوا
خلى الناس واخدة عنى فكرة غلط
:)
بس متقلقيش انا بطلت اقولها ..واخترعت حاجات تانية للتنفيس عن غضبى أكثر قوة..لكن انا نفسى معرفهاش ..صدقينى يصعب تفسيرها

بوسيلى الولاد
وربنا يباركلكم ويحفظكم من كل سوء
ويارب أطمنك قريبا

دمتم كلكم طيبين وبكل خير وسلامة حبيبة قلبى

Jana said...

جنّى

الرد اتنين فى واحد يا فندم

اولا ..المعلق طلع اسمه كابتن عادل شريف
وانا سعيدة انى فى يوم غششت جنى المصباح بذات نفس شخصيته اللى يعرف من ارثر اش من السبعينات حتى فريديرر فى ايامنا دى
اى خدمة يا فندم

بخصوص الحملة
فجزاك الله كل خير
انا مشتركة فى الجروب فعلا
وباتابع مع لعلها خير الجميلة على الايميل
لم أبدأ مشاركة فعلية الا من خلال تدوينة طفلك صدقة جارية
لكنى الى حد ما متابعة
حتى تتسنى لى الظروف وتتيسر الامور فأكون اكثر نشاطا بإذن الله

دعواتك

دمت طيبا وبكل خير استاذ سيد
..

Jana said...

gannah

صدقينى انا اللى أسعد
تعليقاتك فى سر الكلام هى ايضا اول معرفتى بيكى

مدوناتك الاتنين غاية فى الروعة

ادعيلى بتيسير الحال وجلاء الكرب
لأعود للمتابعة كالسابق
وزيارتك قريبا ان شاء الرحمن

سعيدة فعلا بمعرفتك
نورتينى

دمتى بكل خير جنة
اسمك طبعا أحلى

Jana said...

أم البنات

وحشتينى اوى اوى
فين نورك من زمان

حضرتك ايضا ممن يعلقوا فى القلب والذاكرة
أحبك فى الله ...وأنتى تعرفين ذلك

دعائك دوما جميل وفى وقته
أدعو لكى بالمثل واكثر

ربنا يعينك على حملتك ويجعل مجهودك فى ميزان حسناتك

انا مقصرة جدا معاك
لكن غصب عنى حبيبة قلبى
ان شاء الله تهدأ الاحوال ...اتفائل خيرا
واعود للمتابعة قريبا بإن الرحمن

سلامى للبنات
متغيبيش عنى ..ومتنسنيش من دعائك

دمتى طيبة وبكل خير حبيبة قلبى

Jana said...

ammola

حمدا لله على سلامتك اولا
وحشتينى اوى ثانيا

ياااه ..بقى انا كل الحاجات دى ..وبتحبينا كلنا كده
:)

أكيد فى تشابهات ..والا مكناش بقينا أصحاب

أمولة مش حأوصيكى بالدعاء طبعا
انا عارفة انك مش محتاجة توصية

يارب قريب اقدر اشوفك على الماسنجر
افتقدتك فعلا وعايزة كمان اطمن على اخبارك

دمتى طيبة وبكل خير حبيبتى

Jana said...

رفقة عمر

انتى أحلى يا رفقة الجميلة

بصى ... اى شىء يخفى عن الآخرين اعتبريه سر
واحنا فى العالم ده ..أهل وأخوة ..لكن لازالت بعض الامور تغيب عنا
انتى بالذات عشان واضحة طول عمرك فى مدونتك ..نحس اننا عارفينك كويس
لما حتحكيلنا اكتر عنك
مش عارفة حنحبك أكتر من كده حنروح فين بجد
:)

ربنا يديم عليكى محبة الناس
منورانى دايما
دعائك يا رفقة

دمتى طيبة وبكل خير حبيبتى