Friday, May 22, 2009

اختلاس نظرة


***
انتزعت خاتمه من يدها
وبعين لا تقوى على النظر إليه
سكبت دموعها فى صمت
هلعا مما ستحمله لها الأيام من حرمان
وشوقاً مبكراً إلى عودة لحظات أمان
خوفاً من الغد
قشعريرة الألم تسرى بين أكتافها
ابتعدت ورأسها لم ير الا الأرض
اختلست نظرة
لتجده يمد يده إلى أخرى
 
فانتحبت حزنا على ماضيها
ندماً على الأمس
............................................
***
أعطاها هدية وابتسم ابتسامة حيية 
بادلته اياها بقبلة وضحكة رنانة
اشتعلت بوجهه حمرة الخجل
لمعت عيناه وأسرع بالخطا نحو البيت
اختلس نظرة
فوجدها تدعو آخر الى تقاسم هديته
اشتعلت بوجهه حمرة الغضب
وأسرع بالخطا اليها
 
خطف منها "مصاصته"
وانثنى يعقد رباط حذائه
وبحنق بالغ.... صرخ فيها
لم ولن تحسى  يوما طعم الفراولة
...............................................
***
شكره على مجهوده ..فامتن له تقديره
ذهبا سويا الى الصلاة
دعا له بالقبول
فرد عليه بمثلها
ودعه بتحية الاسلام
فجاوبه التحية بأفضل منها
ابتعدا
فاختلس أحدهما النظر
ليجد الآخر يمنح مسكينا بيمينه مالم تلمحه شماله
أطرق برأسه ..
ثم رفع يديه مستغفرا نفاقا ومسح جوخ
...................................................
***
أخذ خطوء الى الوراء ليلقى نظرة أخيره على لوحته
لم يبالِ بألوان الطيف المرسومة على وجهه وملابس
سمع خطواتها ورائه
فانتفض قلبه هلعا
أغمض عينيه رافعا أكتافه خوفا
انتظر فلم يجد شيئا
اختلس نظرة
فوجدها تبتلع حبة مسكن آلام الظهر باكية
هرع الى الداخل وأتى بقطعة قماش مبللة
أزال لوحته ومجهود الدقائق الطوال
ثم كتب ..
أعدك أن أتوقف عن الشخبطة
وسأكتب فقط من الآن على كل حائط
"أحبك يا أمى "
*********

70 comments:

موناليزا said...

ايه الجمال ده:)
بجد ماشاء الله عليكِ
أقصوصات مختصرة وتحمل معانى كثيرة وجميلة فهناك اشياء لا تظهر لنا الا اذا اختلسنا نظرة

دينا الغزولي said...

جميل أوى أختى وفقك الله

جواكى احساسات رائعة

أنا مدونتى جديدة أتمنى زيارتك ورأيك

بثينــــــة said...

جميل ذلك الخيط الرفيع الذي يربطهم جميعا .. استمتعت بكل موقف وأنا أتلمس معرفة شخوصه من الكلمات
شكرا لك يا جني

عصفور المدينة said...

اذا كانت تلك بداية الاجازة مرحبا بها

مجداوية said...

السلام عليكم

دعيني أختلس نظرة فاراك بين كراسات الماث تنزعين نفسك لتختلسي لحظات لتعطي لنفسك مساحة من التوحد مع نفسك فتكتبي وبين القصة والأخرى تختلسي النظر إلى أبنائك وتعطي الأوامر المعتادة أو تكوني انتظرتي نومهم لكي تمتعينا معك بهذه النظرات المختلسة والتي لا يعاقب عليها القانون بل تعطى لك جائزة الاختلاس بجدارة

هناك فقط جملة لم تريحني بعد سرد ممتع وهي جملة مسح جوخ !!!!

الرئاء والرياء أى منهما أو كلاهما كانت مناسبة أكثر

فمسح جوخ لمن ؟

الفقيرة إلى الله أم البنات said...

ارى انك تكتبين بمزاج عالى يا ام جنى يا حبيبتى
فياريت تظل كل ايامك ماث

وش خبيث جدا"

بجد رائع ما تكتبين
زادك الله من فضله
على فكرة تم الاجابه عن التاج الذى مررتيه لى منذ عام
الحمد لله التجميد كان جيد ولم يحد ث ان فسد
احبك فى الله

يا مراكبي said...

أربعة نظرات مختلسة مختلفة في إطار أربعة قصص قصيرة جدا جدا لكنها معبرة جدا جدا ولم تحتاج أي منها إلى إسهاب أكثر من ذلك

أحسنت

Gannah said...

وحشتينى جداا يا جنى ووحشتنى كتاباتك ..نفسى أكتبلك لكن منتظرة وقت أكون فيه رايقة أنا بخير الحمد لله لكن مش بدخل النت كتير ولا المدونة
النظرات المختلسة لها معانى ودائما انتى مختلفه ودائما لما تكتبين مذاق خاص جداا يصعب التعبير عنه
موناليزا كمان وحشانى
تحياتى

Khaled said...

لم ولن تحسى يوما طعم الفراولة

هههههههههههههههههههههههه

المقطع الأكثر إبداعا


دمتى كاتبة متميزة

عدى النهار said...

جميلة هذه الإختلاسات والفكرة نفسها أجمل

طال الليل said...

أعجبنى جدا مقطع هذا الذى أساء الظن بالمتصدق
فيه عمق ونقد لأحوال كثيرين يستمتعون بالإطراء إن كان لهم فإن كان العطاء لغيرهم تغير شئ ما بداخلهم ربما كانت غيرة طفولية ولكنها مقلقة

دمتى موفقة ونفع الله بك عباده

سمكه واحده said...

شكره على مجهوده ..فامتن له تقديره

ذهبا سويا الى الصلاة

دعا له بالقبول
فرد عليه بمثلها

ودعه بتحية الاسلام

فجاوبه التحية بأفضل منها

ابتعدا
فاختلس أحدهما النظر

ليجد الآخر يمنح مسكينا بيمينه مالم تلمحه شماله

أطرق برأسه ..
ثم رفع يديه مستغفرا نفاقا ومسح جوخ

جميله اوي

اختلاس نظارت منتهي الروعه
تحياتي

جنّي said...

السلام عليكم

وانا اختلس قصدي التمس عذرا من الاختلاسات الاربع فلي معها وقفة قد تطول غدا ان شاء الله وقبلها اسجل اعجابي بعدما سعدت بقرائتها .. بعدما اتناول انا الآخر حبة المسكن لالم الظهر التي تعاودني من حين لحين وكأنها ضريبة النت ..

لعل المانع خير فقد مر بوست دونما نحظى بشرف تعليقك عليه ..

نلتقي غدا ان شاء الله

L.G. said...

هههههههههه طبعا كل عيل منهم قصة أنا قلت كده من أول ما قريت المصاصة

اشمعنى باه انت الناس فاهماكي :(

لنا نقاش على المازينجر
تحياتي

Sherif said...

اعجبتنى الفكرة جدا

فكرة تصادم الخاطر بالواقع .. والسلام النفسى مع الريبة عند اختلاس النظرة

كلها لقطات حقيقية .. تنطلق من الموجب الى السالب

واجملها على الاطلاق الأخيرة .. لأنها تتحرك الى الموجب

احبك يا أمى

سلمت يداك التى كتبت .. وقلبك الذى املاها

بنت القمر said...

جميل ومفاجئ وسلس
:)

أم أحمد المصرية said...

ازيك يا جني
وحشتيني يا تري فاكراني و لا نسيتيني
انا اصلي اخدت اجازة طويلة من التدوين و ما زرتكيش من ساعة ما رجعت لقيت كلمات رقيقة لمواقف جميلة اشعرتني قيمة اختلاس النظر

akeed said...

كلمات جميلة

دمتى بخير

momken said...

ان من البيان لسحرا


كم انتى رائعه فى تعابيرك
بصلح هذا البوست ليكون عده بوستات رائعه

اعجبتنى جداً حكمتك وتعيراتك وتقثيفك لقصصك القصيره جدا

وحكمتك المباشره جداً

اعجبتنى فقره الهديه
وبهرتنى فقره الام وطفلها الشقى

سلمتى يمينك

تحياتى

kochia said...

فكرة جميلة واختلاس اجمل
عجبتني اوي القصص القصيرة جدا دي
معبرة علي قصرها

تحياتي

Sharm said...

جميلة

rovy said...

السلام عليكم
اولا بأعتذر عن تأخيرى عليكى و خصوصا انك كنتى فى بالى و كنت عاوزه اطمن عليكى لما غيبلتى لكن سامحينى لأن فجأه الشهر اللى فات كل حاجه عندى اتلغبطت و كان عندى شوية مشاكل حتى انى ما كنت قادرة ادخل على النت غير يا دوب خطف .. المهم حمد لله على سلامتك
اما عن البوست فهو حقا ابداع لمبدعه تحمل بداخلها الكثير من المعانى و المشاعر الراقيه..
اريد ايضا ان اشكرك لمشاركتك لى برأيك فى البوست الاخير عندى و الحقيقه كلامك جميل و صح و الحديت الذى ذكرتيه ياريت كل الناس تكون حفظاه ..
ربنا يبارك فيكى و فى ابنك و اولادك كلهم و يرزقكى كل السعاده

ارق تحياتى

well said...

عجبتنى اخر وحدة
وتقبلى تحياتى

!!! عارفة ... مش عارف ليه said...

فكرتيني بأغنية منير

الطول واللون والحرية:)

بيتنا القديم said...

على كرسي الحلاق أهمل جسده مسترخياً مستسلماً، في المرآة التي أمامه، اختلس نظرة على زبون خلفه وأخرى على وجه الحلاق.


اختلس نظرة على باب الحلاق كانت ستارة من خرز لمنع تطفل الذباب المتوالد بكثرة، تسللت إحداها فأخذت تذرع فضاء الصالون، وعندما تقع على أنفه يحرك رأسه بينما تختبئ يداه تحت الكيس البلاستيكي. التفت إليه الحلاق بعد أن رتب المكان أمامه:


- شعر أو ذقن؟


- أحدهما أو كلاهما على ألا تزيد عن عشرة جنيهات.


ابتسم ناظراً إليه عبر المرآة.


اختلس نظرة كان الحلاق قد وجد مدخلاً فبدأ يتحدث عن سعر انبوبة البوتجاز التى قفزت إلى تسعة جنيه، كيلو الحليب الذى جاوز خمسة جنيهات واللحم الذي لم يعد قادراً على شرائه، ثم استرسل في الحديث بينما الزبون الجالس يقلب صفحات جرائد ومجلات بالية.


في استرخائه... كانت تدور في رأسه أفكار ينهرها حتى لا تنفلت فتعبث بفضاء المكان. زجر نفسه أكثر من مرة ثم انتفض في مكانه وعدل من جلسته. بحركة سريعة مرر لسانه على شفته السفلى. اختلس نظرتين سريعتين. كان الحلاق لا يزال ينشر اشمئزازه في المكان بينما الآخر يتثاءب مقلباً الصفحات.


اختلس نظرة انتقل الحلاق إلى الجانب الآخر من وجهه، أشعل سيجارة، سحب نفساً عميقاً ثم نفثه طويلاً مالئاً وجه المرآة. وضع سيجارته ثم قال بينما يجهز رغوته:


- حشرت زوجتي في جيبي ورقة مليئة بالطلبات، وانا بدوري حشرتها في سلة النسيان وفي...


الزبون الجالس أسقط مجلة من يده ضاحكاً ناظراً إليه عبر المرآة. هزته طريقة الحلاق الساخرة التي أتبعها بقهقهة باهتة.


مرة أخرى انتفض في مكانة على الكرسي، يبدو أن صراعاً يدور بينه وبين أفكاره فيقمعها من جديد.


اختلس نظرة ولاحظ الحلاق قلقه وتوتره، أرخى له الكرسي إلى الخلف قليلاً حتى غابت عنه صورة الزبون الجالس.


- أريح هكذا.. قالها الحلاق ناظراً إليه.


لم يحرك شفتيه حتى لا يسمح للسانه بالتعود على البوح بما قمع. على صفحة المرآة لاحظ ذبابة تحط ساكنة، كأنما تتربص به، تنتظر انفلات حكي مسجون خلف قضبان أسنانه.. تأملها، قال دون أن يحرك شفتيه:


- لولا هذا الكيس الذي يكبلني لصفعتك وألصقتك.. ثم أبقيك معلقة هاهنا فلست سوى جاسوسة خبيثة، هل تعتقدين أنني مغفل لأهديك حماقة ساكنة جوفي؟


- نعم...... قالها الحلاق ناظراً إليه.


اختلس نظرة ورشق الحلاق بنظرة عدائية مقطباً حاجبيه ثم عاد يشد على أسنانه ويصارع ثورة في داخله.


- ترى هل قرأ هذا الأحمق أفكاري؟


مرت فترة صمت غير قصيرة كسرها صوت رشات من قارورة (كولونيا) سقط رذاذها على أنحاء وجهه فكأنما بعثته من رقاد. لم يعد يشد على أسنانه، بل كان جوفه خاوياً ويشعر براحة كبيرة جداً تسري في كل أنحاء جسده.


- نعيماً.


- .....


اختلس نظرة و عندما نظر إلى المرآة سقط في يده.... لم يكن هناك أي ذبابة!


انتصب قائماً عجلاً، وعندما نظر إلى الزبون الجالس لم يجد سوى طاولة تتناثر فوقها مجلات وصحف بالية!!

Jana said...

موناليزا

دايما انتى الأجمل
فعلا
:)

Jana said...

دينا الغزولى

أسعدنى مرورك
حاولت من فترة اعلق عندك لكن الظاهر فى مشكلة بمربع التعليقات ..حاحاول تانى ان شاء الله
أشكرك..نورتينى

Jana said...

بثينة

شكرا ليكى انتى أن عطرتى المدونة بتعليقك
بجد سعيدة انها عجبتك
:)

Jana said...

عصفور المدينة

دلوقت بس بداية الاجازة
ووقت كتابة التدوينة كانت فترة راحة ما بين الامتحانات
وبمتابعتك يا فندم يبقى مرحبا فعلا بالاجازة
:)

Jana said...

مجداوية
وعليكم السلام ورحمة الله وبركاته

ايه ده انتى حاطالى كاميرات فى البيت ولا ايه:)
الله يكرمك على الكلام الحلو
بخصوص كلمة مسح جوخ
فهمت مقصدك ..تقصدى انى باتكلم عن عدم الاخلاص لربنا والشرك الخفى وهنا طبعا لا يصح ابدا استخدام كلمة مسح جوخ
لكنى كنت اقصد نفاق البنى ادم للبنى ادم
الشخصية اللى استحضرتها بمخيلتى لما كتبت كان شخص منافق شعر بالخجل من نفسه لما دعا وشكر وبارك وأطرى على الاخرين وفى قلبه غير كده ...عشان كده جعلته يشعر بالخجل لما شاف واحد من اللى كان بينافقهم بيخلص لله فى صدقته..فاستغفر ربه لنفاقه مع الاخرين
:)
اهى الاجازة جات انتى فين بقا !؟
:))

Jana said...

أم البنات

اهو يوم ما شمتّى فيا تقريبا كان يوم ما استولوا على الكمبيوتر
:)))
الديب فريزر عندك جامد عشان حفظ التاج كل ده
ارشقه عين انا دلوقت!!؟
:)))
ربنا يخليكى
أحبك الذى أحببتنى فيه
وباركلك فى بناتك يارب

Jana said...

يا مراكبى

ليس من عادتى التركيز بدون اسهاب
والفكرة كانت جديدة عليا
ولن أخفى انى كنت متوجسة خيفة من رأيكم كاتبى القصص القصيرة
:)

أسعدنى رأيك جدا
:)

Jana said...

جنة

ولتعليقك ايضا مذاق خاص
وحشتينى يا شيخة بقا
مستنية منك ميل او رسالة على الماسنجر
ربنا يكرمك يا جنة ويوفقك للخير ويرزقك الرضا والسعادة فى كل أمرك
:)

انا مش معاهم said...

http://dr-saif.blogspot.com/2009/05/blog-post.htmlاحلي يوم في حياتي جديد سيف مش معاهم

rovy said...

طولتى الغيبه .. فينك ..؟

وحشاانى

ياارب تكونى بالف خير

تحياتى

ست البيت said...

ايه دا أنا مش هنا
ان لسه معلقتش ؟
مافيش فايدة في جنا الأغاز
معرفش مين بيكلم مين
فين
إلا في آخر البوست
من الآخر
كلمة يمكن قالتها ماجي مش فاكرة
بس حقولهالك تان ي
...عبري بحرية
ماتخافيش
كلامك أحلي بحريته

مجداوية said...

السلام عليكم

أنا اللي فين برضه !!!!!!

دول لو كانوا في هارفارد مكنتيش اختفيتي كده

معاكي نمرة موبايلي اتصلي عشان أنا غيرت التليفون وفيه نمر كتيرة موجوده من غير اسم ومش عارفة انتي مين فيهم

ها

أديني مستنية أهه
ها
رنيتي ؟

راجى said...

اجتهدت لاجد الخيط الرابط بين اللقطات غير النظرات المختلسة
ثم كانت تلك الخاطرة اننا قد نكون افضل حالا بدون اختلاس النظرات التى اعقبهاالندم فى كل لقطة

salma mohamed said...

أول مرة ازور حضرتك
بس مبسوطة بجد اني جيت هنا,
موهبة وكتابات رائعة خفيفة الظل.

كلمات من نور said...

كلمات جميلة ورقيقة وعلى اد ما هي مختصرة على اد ما تمس القلب والله

جزاك الله خيرا

moonq8 said...
This comment has been removed by the author.
moonq8 said...

ماشاء الله جميل ماسطرت هنا من كلمات ... وهذى أول زيارة لى لمدونتكم الرائعة ..تقبلى مرورى

جنّي said...

السلام عليكم

حضرت من قبل ووعدت بالحضور غدا ولكن شاء الله ان لا احضر لاسباب شديدة منعتني ايضا من التدوين قرابة الشهر .. فأرجو الا اتهم بخلف الوعد لان ذلك ليس من اخلاقي ..ووعدت بالتعليق وها انا ذا افي بوعدي :
كلمات رائعة اختلست مني الاعجاب والاحترام كلمات بطعم الفراولة ..

1 - كنت افضل ان تبتعد ورأسها لا يرى الارض بل تكون مرفوعة الرأس فمن اختلس منها امسها ويومها لا يستحق ان تطأطأ له الرأس ..

2- رجولة مبكرة وغيرة محمودة حتى ولو كانت على مصاصة بطعم الفراولة ..

3 - لعلها تكون نية خالصة ليتخلص من نفاقه ومسح الجوخ للآخرين ..وبالطبع ستكون عودته لرفيقه الذي دعاه بلا قول بل بحسن العمل ..

4 -من يضحي بمجهوده من اجل امهيستحق كل احترام .. وهل كانت لوحته بهذا السوء الذي يسبب المرض لامه .. ام انه اشفق عليها من مرضها فأراد ان يدخل السرور على قلبها بكتابة احبك على كل جدار ..

clownlover said...

سلام عليكم
حضرتك بتكتبي بطريقة مميزة جدا
انا جديد في عالم التدوين وارجو المتابعة

Jana said...

زوارى الأعزاء
أستمحيكم عذرا ..
فضلا تقبلوا اعتذارى عن تأخيرى الشديد والذى بدأ بمشاكل بلوجرية منعتنى من دخول مدونتى والتعليق على بعض المدونات
ثم انشغالى بعد حل المشكلة الغير المفهومة
ان شاء الله أرد على تعليقاتكم فردا فردا ...وجزاكم الله كل خير مسبقا لذوقكم وكرمكم الجم

Jana said...

khaled

ازيك يا فنان
سعيدة ان الجزء ده بالذات عجبك ..لأنه عاجبنى بشكل خاص
:)
دمت طيبا

Jana said...

عدى النهار

شكرا للاطراء
دائما يسعدنى رأيك كما يهمنى مرورك

دمت طيبا

Jana said...

طال الليل

لمتك لغيابك عن التدوين كثيرا..وغبت بدورى ولن أجرؤ على اللوم مجددا
واحدة بواحدة
:)
بالتأكيد هو نوع من الغيرة المحمودة ..التى قد تحرك شيئا بالداخل ولعلها أقوى فى تأثيرها من الأشكال المباشرة
ربنا يكرمك على الدعاء يا دكتور ولك مثله وأفضل ان شاء الله

دمت طيبا

Jana said...

سمكة واحدة

منورانى يا سمكة وفى كل مرة تطلى علينا من حوض السمك
:)

سعيدة انها عجبتك

دمتِ طيبة

Jana said...

جنّى

مش عارفة اقولك ايه بصراحة
دخلت تعتذر عن التأخير وانا اللى المفروض اعتذر
اولا سلامة ظهرك الف سلامة يارب تكون احسن حالا
ثانيا ..لا يجرؤ اى أحد ان يتهمك يوما بخلف وعدك ..فأنت نعم من يفى بوعوده ويصدق كلامه
ثالثا..رأيك فى كل اختلاسة أروع من الثانية وخصوصا فى الاولى ..دائما تعليقاتك تضفى جمالا على التدوينة
أسعدنى رأيك جدا ..

دمت طيبا

Jana said...

l.g

:)))))
مافيش فايدة لازم تحاولى تربطى بين الاحداث والأشخاص
:))
ومين قاللك ان الناس مش فاهماكى ..
بالعكس تدويناتك كلها سلسة ومنطقية

قال يعنى مقطعة المازينجر
ان شاء الله اقابلك احسن من مازينجر وسلاحف النينجا والكلام ده
تفائلى خيرا :))

ودمتِ طيبة

Jana said...

sherif

ما أجمل تعليقك
وما بين الموجب والسالب دائما تكون ردود أفعالنا ..المهم أن تنتهى وتستقر موجبة

أشكرك لتعليقك الجميل
ومنورنى باشمهندس شريف

دمت طيبا

Jana said...

بنت القمر

طلتك هى اللى كانت مفاجئة جميلة
:)
أسعد بتعليقك أمانى على ما أكتب دوما

دمتِ طيبة

Jana said...

أم أحمد المصرية

طبعا فاكراكى حبيبتى..وكنت مستغربة تغيبك فعلا ..افتقدناكى
لكن واضح انك مش لوحدك اللى بتاخدى اجازات
فاكرانى انتى بقى ولا لأ
:)))

سعيدة بتعليقك ونورتينى أم أحمد ..متتغيبيش تانى بتوحشينا

دمتِ طيبة

Jana said...

أكيد

منورنى دايما أكيد
انا مقصرة فى متابعة الجميع ..ادعيلى ارجع اتابع والحق كل اللى فاتنى

شكرا لتعليقك

ودمت طيبا

Jana said...

ممكن

الله يخليك يا ممكن
كتير اطرائك ده عليا
ولا انت متوصى عشان بلديات
:)

كلماتك دايما هى الأجمل

أشكرك على تعليقك الجميل
منورنى دايما

دمت طيبا

Jana said...

كوشيا

ازيك يا جميلة
وحشانى والله
حاسة انى بقالى زمان مشفتكيش ..ووحشتنى مدونتك جدا

بأشكرك على تعليقك
منورانى

دمتِ طيبة

Jana said...

sharm

أشكرك

منورنى

ودمت طيبا

Jana said...

روفى

روفى الجميلة..وحشتينى.. بأشكرك على تعليقاتك الاتنين
وسامحينى على تقصيرى ..لكن لفترة كبيرة كان غصب عنى فعلا ..والباقى دلع منى انا باعترف :))

انا اللى باشكرك انك طلبتى مشاركتنا
وربنا يعزك ويحفظلك اولادك وبوسيلى مريومة الجميل لحد مازورك ان شاء الله
:)

دمتِ طيبة

Jana said...

well

أهلا بيك
شكرا لمرورك وسعيدة انها عجبتك
نورتنى

ودمت طيبا

Jana said...

عارفة مش عارف ليه

أهلا بيك يا وليد
اممممم بصراحة مش فاهمة العلاقة
لكن انا باحب الاغنية دى ..فاكيد سعيدة ان التدوينة فكرتك بيها وان فى وجه شبه
:))

منورنى وليد
ومتشوقة فعلا للعودة وقراءة قصصك الرائعة

دمت طيبا

Jana said...

بيتنا القديم

ياللروعة
يعجز لسانى عن الرد على تعليقك بالشكل المناسب
قصتك بديعة
فاجآتنى النهاية
وحديثه الداخلى كان ممتع بحق
أخذت أعد فى اختلاسات النظر لأجدها "تسعة" تخيل أن فى كل مرة عيوننا كانت تذهب وتجىء معه دون اى ملل

برافو اسامة
اتمنى تنشر مجموعتك قريبا

وده بالاضافة الى التهنئة بالزفاف السعيد
مبروك يا عريس ..وربنا يوفقك انت وأميرة ويبارك لكما وعليكما ان شاء الله
شكرا لتعليقك المتميز

دمت طيبا ..

Jana said...

انا مش معاهم

أهلا بيك وان شاء الله ازورك قريبا

دمت طيبا

Jana said...

ست البيت

مرويتااااا
فينك يا بنتى

انا الغاز انا !!؟
ابدا ..اطلاقا
وبعدين متقلقيش مش باخاف وباعبر بمنتهى الحرية

ازورك قريبا ان شاء الله

دمتِ طيبة

Jana said...

مجداوية

هههههههههههه
هارفارد ايه دول كانوا فى كامبريدج
وعقبال ما اشوفهم فى الاعدادية كده ان شاء الله

الصيف بيخلص
والاجازة ركبت جناحات
والايام بتطير
ومشفتكيش
وبخصوص الرن فانا اعدت ارن ارن
ليه سايبانى ارن بقا:)
يالا تاويه وادينى رنة
:)

دمتِ طيبة

Jana said...

راجى

جميلة تلك الخاطرة والربط بين الاربع اجزاء
مع انى شايفة ان الجزء الثالث الندم فيه كان مفيد وضرورى لتعديل المسار
الا انهم اجتمع فيهم الندم فعلا

نورتنى بتعليقك يا باشمهندس
أشكرك

ودمت طيبا

Jana said...

سلمى محمد

وانا سعيدة انك نورتينى فى اول زيارة ويارب متكونش الاخيرة

شكرا لمرورك وتعليقك سلمى

دمتِ طيبة

Jana said...

كلمات من نور

جزانا واياكم
أهلا بيكى فى اول زيارة

نورتينى ويارب دايما
شكرا لتعليقك والمرور

دمتِ طيبة

Jana said...

moonq8

أهلا بيكى
نورتينى فى اول زيارة ..اتمنى تكرريها

شكرا لتعليقك الجميل

دمتِ طيبة

Jana said...

clownlover

أهلا بيك
ان شاء الله ازورك قريبا

شكرا لمرورك وتعليقك
نورتنى ويارب دايما

دمت طيبا