Friday, October 12, 2007

وداعا رمضان...اللهم تقبل.....


قال رسول الله صلى الله عليه وسلم

للصائم فرحتان يفرحهما

فرحة عند فطره

وفرحة عند لقاء ربه

صدق رسول الله صلى الله عليه وسلم


كنت اتعجب من هذا الحديث كثيرا عندما كنت صغيرة

فلم استطع تفهم المعنى الحقيقى للحديث


فكنت اتسائل كيف ان فرحة المسلم بافطاره وعودته لتناول الشاى والافطار صباحا ....تضاهى فرحته حين يلقى ربه ويأخذ كتابه بيمينه ويرى نفسه وسط الفائزين بجنته سبحانه

ولكن بعد ان كبرت واعملت عقلى بعض الشىء

ادركت المقصود بالحديث الشريف ...وضحكت كثيرا على سذاجتى وقتذاك


ففهمت ان الفرحة الاولى ...وهى فرحة الصائم بفطره..اذاكان المقصود بها غروب الشمس يوميا فى رمضان..فهو يفرح اذن بعد احتساب يوم كامل من الطاعة والصبر

واذا كان المقصود بالفطر ..العيد ....فهى فرحته باحتساب شهرا كاملا من الصبر والطاعة وصيام الجوارح قبل صيام البطن

فالفرحة هنا اذن ليست فرحة بالاكل بعد الجوع او بالشرب بعد الظمأ او بشرب القهوة والنسكافيه (خاصة لمدمنيه امثالى) ...وانما هى فرحة الانتصار على هوى النفس وعلى الشهوة وعلى كيد الشيطان اللئيم


اما الثانية....وهى فرحة الصائم بلقاء ربه....عندما يجزى بصيامه عن كل ما نهى عنه ربه..فصام بعينه عن القبيح وباذنه عن الممنوع وبلسانه عن الغيبة والنميمة وما الى ذلك من ممنوعات...ونأى بنفسه عن الفواحش وبكى عى ما سلف من اخطاء

بل ونافس فى عمل الطاعات ...فأدخل نفسه برحمة ربه فى زمرة الصائمين الطائعين

فوجد باب الريان من اجله مفتوحا و له مسموحا


عموما وقد انتهى رمضان ..وتبقت ساعات قليلة على انتهاء اخر ايامه ..فتبدأ معه ليلة العيد

ومن أحيا ليلة العيد أحيا الله قلبه يوم تموت القلوب..(لا اعرف حقا مدى صحة هذا الحديث)....فلنجرب اذن الفرحة الاولى وهى فرحة الصائم بفطره

وندعو من الله ان ننال الفرحة الثانية ..حين يحين الاجل فنلقى وجه رب كريم.


كل عام وانت بخير وطيبين وفى نعمة الله منعمين..وبرضا الله مبشرين .ان شاء الله رب العالمين


وأصدقكم القول ..اعتقد.لن يضيرنى شيئا من ان افرح قليلا.....

! ! ! بمج النسكافيه صباحا .

27 comments:

اسكندراني اوي said...

كل سنه وانتي طيبه يا دكتوره
ربنا يتقبل منا ومنكم الطاعات يارب

ما احلى كج النسكافيه في اي وقت وليس صباحا فقط
ههههههههههههههههه

حمدا لله على السلامه

رفقة عمر said...

كل سنه وحضرتك بالف خير واولادك بخير واسرتك كلها اللهم امين
عيد سعيد مبارك عليكم يارب

أميرة البلطجية said...

انا بعت كومنت طويل..وصل وله لا؟؟؟؟
يا خراششششششششششى لو كان ضاع
يا نوني كنت بقولك اسفة على تأخير الرد وبهنيكي بالعيد وبقولك دعلتك وبدعيلك ...قوليلي ان الكومنت وصل بليييييييز

Jana said...

اسكندرانى اوى
وانت طيب والعائلة بخير وان شاء الله يتلم شملكم قريب

دكتورة مين بقى! ! ؟؟
لست انا بدكتورة
مين اللى طلع الاشاعة دى؟؟

انا محاسبة ككثير من مواطنى هذا البلد وخريجى كلية التجارة ..كلية الشعب
كما واضح ايضا ان الشعب كله مدمن نسكافيه وقهوة

ربنا يتقبل منك ومنا يا اسكندرانى
ويعيننا على الطاعة دوما

دمت طيبا

Jana said...

رفقة عمر

لسه كنت باقول ان البلد دى نصها محاسبين
وانتى بخير وسعادة يا رب انتى واحبابك

عيد سعيد

دمتى طيبة

Jana said...

ندى

من غير يا خراشى
الكومنت موصلش ...بس ايه المشكلة
العيد جه بقى وفضيتى
اكتبيه تانى معلش لو كان فيه حاجة مهمة
ومحصلش حاجة يا جميل

ربنا يكرمك على دعائك ولك مثله ان شاء الله بل وافضل

كل سنة وانتى وباباكى ومامتك واخوكى واللى بتحبيهم بخير

دمتى طيبة

MiraMar said...

يا نهار يانهار
ويا ليلة العيد انستينا
وحشتيني جدا
وكل سنه واني طيبه وعيد سعيد عليكي
اللهم تقبل منا ومنك
امين
:)

Jana said...

ميرامااااار
والله وحشتينى اوى
فكرتينى
انا باحب اوى اسمع اغنية يا ليلة العيد انستينا
وللاسف النهاردة مسمعتهاش

اخبارك ايه؟
وخدتى عيدية كام؟؟
وفستان العيد لونه ايه؟؟

عايزة اقرالك حاجة بقى

كل سنة وانتى واحبابك بالف صحة وخير
عيد سعيد ان شاء الله

دمتى طيبة

محمد عبد الرحمن said...

تقبل الله منك الشهر وأجزل لك الأجر

هنيئا لك بفهم حديث النبى وأعتقد أن كلا من رمضان والعيد قد زاد إحساس حضرتك بهما بعد هذا الفهم
وهنيئا لك إفطار العيد مع النسكافيه بعد شهر من الصيام من المؤكد أن الغنسان حين يشحن بطارية ثقته بربه وبطارية سعادته بإنتصاره فى رمضان على كافة الأهواء والعادات والملذات فإنه سيجد فى نفسه للأشياء الصغيرة معان جديدة


كل سنة وحضرتك والأسرة بخير

Jana said...

طال الليل

نتمنى جميعا من الله ان نكون ممن يتكلم فيهم رسوله الكريم عليه أفضل الصلوات وأزكى السلام

ان الانسان حين يشحن بطارية ثقته بربه...الخ
عبارة اجدها رائعة

فطرا سعيدا
وأسعد الله ايامك كلها
دمت طيبا

ذو النون المصري said...

كل عام انتم بخير تقبل الله منا و منكم طيب القول و صالح العمل

بيتنا القديم said...

العيد فرحة
يا سلام
واجمل فرحة
يا سلام
تجمع شمل بعيد وقريب
سعدنا بيها
سعدنا بيها
بيخليها
بيخليها
ذكري جميلة لبعد العيد
غنو معايا غنو
غنو
وقولوا ورايا قولوا
قولوا
كتر يا رب في اعيادنا
واطرح فيها البركة وزيد
جانا العيد اهو جانا العيد
جانا العيد اهو جانا العيد
.........................
من مأثورات صفاء ابو السعود
قبل الزواج من الشيخ صالح كامل
اللي خلي كل ايامها عييييييييييد
وعجبي
ـــــــــــــــــــــــــــــــــ
كل عام وانتم بخير

أميرة محمد محمد محمد said...

ربنا يتقبل منك يا دكتوره وتكوني في الفردوس الاعلي
باذن الله هيبقي في مؤتمر للدفاع عن حقوق الانسان و حرية الراي يوم الخميس1 الثامنة عشر من اكتوبر الساعه الخامسه في نادي المحامين
هيحضر نخبه من افضل السياسيين والصحفيين في مصر
لازم تيجي

u3m said...

انتى اخدتى الدكتوراه امتى ؟؟ الناس كلها بتقولك يادكتورة يادكتورة .. ومفيش دخان من غير نار !!
اكيد موضوع المحاسبة والتجارة ده حركة "تموين" علشان تبقى طابور خامس وسط الفئة الاغلب من الغلب .... قصدى الاغلب والاعم فى البلد

بس بجد والله انا عاجبنى الجو اللى فى المدونة وفى التعقيبات اللى عندك وخصوصا فى البوست ده اللى احنا واقفين فيه .. يعنى انا شايف مجات قهوة ونسكافيه ... ويا ليلة العيد آنستينا
واغنية سعد ونبيهة بتاعة صفاء ابوالسعود وحاجة آخر فللى

ربنا يسعدكم جميعا .. وعيد سعيد

Jana said...

ذو النون المصرى

وانت بخير وسلامة
نورت المدونة
وياريت تكررها

شكرا لمرورك الكريم

تحياتى

Jana said...

بيتنا القديم

عندى صابونة شقية
مكارة ولعبية
كل اما اغسل وشى
تتنطط فى ايديا

دى برضه من مأثوراتها قبل ما الشيخ صالح كامل يشتريلها اختراع الشاور جيل
اللى اكتشفوا انه بيخليها (ترغى ) اكتر مع ضيوف ساعة صفا (البرنامج اللوكس)

وانتم بخير وصحة
دمت طيبا

Jana said...

أميرة محمد محمد محمد

الله يكرمك..بس انا مش عارف موضوع دكتورة ده جه منين

انا مش دكتووووورة
معلش بس وجب التصحيح

تقبل منا ومنكم
واعانكم الله
ووفقكم الى ما يحب ويرضى

Jana said...

U3M

يا بلاسيبو انت معايا ولا عليا
انا نفيت الاشاعة دى فى البلوج
وفى القناة الخامسة
وسأعلنها قوية ..مدوية فى الاهرام والدستور والمصرى اليوم وسوبر ميكى
وتان تان

لو الجو هنا عاجبك فى البلوج صحيح
اتفضل عندنا دايما تنورنى
ومتقطعش الزيارة تانى
والخدمة عندى فايف ستارز
شفت موضوع سعد ونبيهة ده؟؟
والله مش قادرة اسمعها غير كده فعلا

النسكافيه بتاعة سعادتك سكرها مظبوط؟؟
متخافش مش سكر تموين

ربنا يسعدك انت كمان.ويعزك

دمت طيبا

break said...

كل سنة وا نتى طيبة
ولو انها جت متاخرة شوية
بس فى بيتها طبعا


بس ايه حكاية الدكتورة دا صحيح!

Jana said...

Break

عذرا للتأخر
انتى كنتى اخر كومنت قبل ما ارجع الموديريشن تانى فلم ألحظه فى الكومنتس

طبعا فى بيتها
واهى تمشى برضه تهنئة بالعيد الكبير
هههههه

اخبار الكلية ايه؟
متهيألى مافيش ضفاديع السنة ولا ايه
ربنا معاكى ...هانت

موضوع دكتورة ده كانت اوشاعة واعتقد انها انتهت او كذلك اتمنى
دمتى طيبة

بيتنا القديم said...

جانا
....
فييييييييييييييييين الجديييييييد..!!
:(

Jana said...

سمسم

بصراحة انا كنت مشغولة قوى الفترة اللى فاتت...وابنى كان عنده امتحانات الشهر وحاجات كانت متأجلة من رمضان لم يجز تأجيلها اكتر من كده
وجنى طلع عندها مشاكل فى العضم بسبب نقص فيتامين دى
ولازم نعد على البحر فى الشمس كل يوم حوالى ساعتين
يعنى مواضيع كتير قوى

ومع ذلك دخلت امبارح اكتب بوست جديد ..وسيبته درافت عشان اكمله النهارده
ففوجئت بخبر محزن جدا
وفاة المدونة هدى صاحبة مدونة بهلولة
بصراحة الخبر احزننى جدا ودخلنى فى مود ربنا وحده يعلم امتى حاطلع منه
يمكن عشان دخلت ( رحمة الله عليها) علقت عندى مرة ورديت عليها ودخلت عندها وعلقت
حسيت انى اعرفها كويس ماهياش مدونة زميلة والسلام
وكمان عشان عندها اولاد..ودى لوحدها نكبة عظيمة

المهم..ربنا يرحمها..ويصبر جوزها..ويكرم ولادها
ومتنساش تدعيلها انت كمان

شكرا على سؤالك يا سمسم
دمت وأهلك بخير وفى رعاية الله

بيتنا القديم said...

اللهم اغفر لها وارحمها
واكفل اولادها
اللهم آمين
دمت بخير

MiraMar said...

جنى
حبيبتي الصئنونه
ألف ألف ألف مليون سلامه
قولي لماما
تبطل بلطجه وترجع تكتب الكلام الحلو بتاع زمان
:)
وفي أخبار حلوه اوي لما تيجي عندي البلوج هتعرفيها :))))))))))))))

Jana said...

عمتو ميرا
سبقتك يا جميل وعرفت ورديت كمان قبل ما تقوليلى ادخل البلوج

ربنا يباركلكم فيه يارب
ويتربى فى عزكم
ويفرحكم بيه
ويحفظه من كل هامة ومن كل عين لامة

جنى بتسلم عليكى وبتقولك
الله يسلمك..يا خالتو
اشمعنى احمد يعنى
ولا عشان حبيب عمتو
وماما والله غلبانة معايا ومع اخواتى
ادعيلها تفوق شوية عشان احنا اللى بنبلطج عليها

سلام يا كمييل

حقى اهرتل said...

الايه دى من سوره عظيمه
الرحمن
وهى موضع علم وخلق ورحمانيه

Jana said...

حقى اهرتل

اهلا بيك فى البلوج لاول مرة
فعلا سورة الرحمن سورة عظيمة كباقى السور
نورتنى
ويارب دايما
...
تحياتى