Friday, December 5, 2008

علّنى يوماً لكِ زائر

كلمات انشودة صغيرة .. تبعث فى النفس أثرا كبيرا
اتذكرنى من سنوات ..حين سماعها اول مرة
فعلمت ان من كتب كلماتها مشتاق
"يا طيبة"
طيب الله أيامكم
لا تستطيع إلا ان تغمض عينيك ..تشعر بحرقة الدمع بها  عند احد مقاطعها

قبلتى بيت الله ...صابر
علّنى يوما لكِ زائر
يا تُرى ..هل ترانى ناظر
للكعبة وتغمرنى بأمانا!!!!؟

علّنى ..يا تُرى ..هل
تمنى ورجاء...أحسنت توصيله كلمات رائعة وصوت ملائكى

ايام وتمر ..وتنتهى بعدها الليال العشر..
ليتها ما تنتهى
ولعلّى أشهدها من جديد

يوم عرفة ..دعاء بيقين
بكاء  من القلب
روح وجِلة  مترجية
استغفار وتوبة جديدة
لعلها تقبل
ولعلّى أحسنه

أتذكرك أبى .. وقد لاقيت وجه ربك الكريم فى الليال العشر
رأينا من حسن خاتمتك ما لا تنساه العين ولا تنكره الأذن
علّك الآن فى روضة من جنات ربك
علّنى ألحق بك على خير

افكر بهم ...أمى ..زوجى ..إخوتى..اتخيل مدى اشتياقهم
ادعو لهم قبل دعائى لنفسى
لعلّ الملائكة تردد
ولعلّنا صحبة

اتذكرك قريبتى  العزيزة  واتذكر صبرك واحتسابك مرضك
اتذكر دعواتك بان يمد الله فى عمرك حتى موعد الحج
تذهبى فينقيك الله كالثوب الابيض
تتمنى الا تعودى ..الينا
فتعودى اليه وحده
سكن ألمك  بسكنى جسدك أرض مكة 
لعلّك فى راحة الآن 
وبمقدار ألمك الذى كان .. نعيما وجنان

انظر لعصفورنا الصغير فى قفصه
احدثه دون كلام
أشعر بقيدك الآن
اتمنى لو أطلقتك
ولكنى مثلك مقيدة
علّهم يطلقونى
ولعلّى يوما بعرفة  أُحلّق

لعلّ الله يحفظ لى خيرا

كل سنة وانتم  بخير
ودوما طيبين
علّنا يوما إن شاء الله زائرين
وعلى عرفة متجمعين

57 comments:

Unknown said...

السلام عليكم ورحمة الله وبركاته
أحييك على هذا الطرح الطيب
وكل عام وأنت بخير وفى صحة وسعادة والأسرة الكريمة
وإن شاء الله يكتب الله لك ولنا زيارة البيت الحرام
اللهم آمين

romansy said...

جميله الانشوده
كل سنه وانتى طيبه
وعيد سعيد عليكى

يارب كلنا نكون على عرفات

جنّي said...

السلام عليكم

كل عام وانتم بخير

أحس في كلماتك بمدى الشوق الكبير لزيارة بيت الله الحرام والمسجد النبوي الشريف حاجة ومعتمرة ..

أحسست بمدى الصدق في طلب الزيارة لذا فابشري فما كان الله تعالى يرد من يطرق بابه بهذا الشوق والحنين ..

كتب الله تعالى لكي ولاسترتك حج بيته الحرام..

تحيتي

http://kasperb4.blogspot.com/ said...

والله وحشاني جدا مدونتك وكتاباتك المتميزة بجد
والنشيد أكتر من رائع

كل سنة وحضرتك وكل حبايبك بخير
وربنا يرزقنا زيارة بيته الحرام
:)

Anonymous said...

جميل جميل

اعتمرت هذا العام بعد فترة طويلة

وعشت هذا وكتبته .. أدعو الله أن يجمعنا على عرفات .. لاشئ يكبر على الله .. وهو أكرم الأكرمين .. خصوصا للقلوب الطيبة

كل عام وانت والأسرة بخير

الطائر الحزين said...

اللهم ارزقنا حجة تغقر بها الذنوب وتطهر بها الخطايا والآثام

كل عام انت بخير

المستنصر بالله said...

ما اروع انشيد جميل فعلا
ربنا يرزقنا جميعا الزياره الكريمه

كل سنه وحضرتك بخير

تحياتى لحضرتك

Empress appy said...

طبعا متميزه كالعاده كل سنه وانتى طيبه يا قمر

momken said...

امين امين امين

ربنا يكتب لنا عرفه مرات عديده فى سنوات مديده انشاء الله
ويديم علينا خير رمضان فى الحرم الشريف دئماً ابداً
ولا يحرمنا من بيته ما مدام فى العمر ايام

تسلم ايدك يا جنى

واستجاب لداعائك

كل عام وانتم بخير

تحياتى

سمكه واحده said...

الله
يارب يارب
اللهم امين
ربنا يجمعنا كلنا عند بيته الشريف
وريزقنا الزياره الكريمه يارب تقبل منك الدعاء
والله مافيش في الدنيا كلها احلي من المكان ده
بجد يارب يتقبل
اللهم امين واللهم استجب دعائها
دعائك حلو اوي اوي اوي
اقولك ايه بس ربنا يكرمك بزيارته ويسعدك وكل سنه وانتي طيبه

عدى النهار said...

كل سنة وإنتي وأسرتك والجميع طيبون وبكل خير

Jana said...

محمد الجرايحى

وعليكم السلام ورحمة الله وبركاته

وحضرتك بصحة وسلامة يا فندم
وان شاء الله على عرفة السنة الجاية

أسعدنى مرورك الكريم
والتهنئة العطرة بالعيد

دمت طيبا

Jana said...

romansy

وانت طيب وبخير يا رومانسى

شكرا لمرورك الكريم
يا رب على عرفة السنة الجاية
منورنى دايما

دمت طيبا

Jana said...

جنّى

وعليكم السلام ورحمة الله وبركاته

بأرد على حضرتك ودلوقت تقريبا حضرتك فى مزدلفة..يارب يتقبل منك وييسر باقى نسكك على خير يارب

آمين آمين
تقبل الله كل دعائك استاذ سعيد
ورجعت سالما غانما مغفور لك بإذن الله

دمت طيبا

Jana said...

آلام وأمال

ايوة صح عشان كده بتغيب بالشهور!!!؟
:)
ربنا يوفقك ويعينك ويبارك لك

وانت بصحة وسلامة
ربنا يرزقنا جميعا حج بيته الحرام ان شاء الله

نورتنى محمود
دمت طيبا

Jana said...

Sherif

لو كنت اعرف وقتها يا باشمهندس
كنت كتبت لحضرتك ليست بالدعاء
بس تتعوض المرة الجاية ان شاء الله والحقك فى دعاء على عرفة
:)
لازم ادور على البوست ده واقراه بإذن الله

ده من طيبة قلب حضرتك والله
وحضرتك والاسرة بخير وصحة وسلامة

دمت طيبا

Jana said...

الطائر الحزين

آمين يارب
متجمعين على عرفة ان شاء الله السنة الجاية

كل سنة وحضرتك والاسرة بخير وصحة وسلامة

منورنى استاذ ايهاب

دمت طيبا

Jana said...

المستنصر بالله

ربنا يوفقنا جميعا بحج بيته الحرام

كل عيد وانت طيب وبخير
ميفوتكش زيارة اسكندرية
اجازة بمناسبة العيد
شتاء وباسكن روبنز فى السقعة مالوش حل
:)

منورنى دايما
دمت طيبا

Jana said...

appy

وانت طيبة يا قمر وبخير

يارب السنة الجاية احلى
ربنا يسعد قلبك ويكرمك يا آبى يا كميل

حتنورينا امتى بقى فى اسكندرية!!!؟

منورانى آبى

دمتِ طيبة

Jana said...

Momken

ربنا يستجيب لدعائك الجميل يا ممكن
ويرزقك ما تأمل

كل عيد وانت طيب وبخير

ربنا يوفقك ويسعد ايامك ويبارك فيك وفيمن تحب
آمين

منورنى دايما ممكن
دمت طيبا

Jana said...

سمكة واحدة

ربنا يكرمك يا سمكة
دعائك ليا اسعدنى والله

ربنا يرزقنا جميعا
ويوفقنا لما فيه الخير

انتى احلى

وكل سنة وانتى بصحة وسلامة
وفى الفتة غرقانة
:)

منورانى سمكمك
دمتِ طيبة

Jana said...

عدى النهار

وحضرتك بصحةوسلامة يا فندم
ربنا يبارك فيك وفيمن تحب

ان شاء الله تستشعر حلاوة العيد وكأنك فى بلدك تماما

منورنى دايما

دمت طيبا

kochia said...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)

KHALED said...

كل عام و أنتى و من تحبى بالخير و السعادة

عيد اضحى سعيد

Anonymous said...

كل عيد وأنت وكل من تعزين بخير وفي أحسن صحة وأسعد بال.

ست البيت said...

كل عام انتم بخير
جنا
كالعادة متميزة
وربنا ينولهالك يا جميل
انا فعلا بحب الانشودة دي قوي
خاصة
نبينا أغلى أمنياتي أزورك لو مرة بحياتي وبجوارك صلى صلاتي
اذكر ربي واتلوا القرآن
نفسي اموت هناك

Jana said...

kochia

وعيدك انتى اسعد ان شاء الله

ميرسى يا قمر
منورانى كوشيا

دمتِ طيبة

Jana said...

Khaled

وحضرتك والاسرة طيب وبخير

يا رب عيدك سعيد
واجازة بقى من الشيكولاتة عشان مش لايقة على الفتة
:)

منورنى دايما
دمت طيبا

Jana said...

Hina wi Hinak

وحضرتك بخير وسلامة
هانت فاضل على الاجازات عندكم ايام بسيطة..وحيبقى عيد اتنين فى واحد ان شاء الله
:)

منورنى دايما
دمت طيبا

Jana said...

ست البنات

مرويتا ..وانتى طيبة يا قمر
بصراحة الاغنية كلها تحفة

يارب سوا على عرفة ان شاء الله
عيدتى على لولو ولا لأ!!؟
:)

منورانى مرويتا
دمتِ طيبة

انكسارات .. احمد البوهى said...

كل سنة وحضرتك طيبه وبخير

موناليزا said...

كل سنة وانتى طيبة ياحبيبتى
ويارب السنة الجاية نكون على عرفات سويا
وفعلا كلمات اغنية "ياطيبة"من اجمل الكلمات التى تشعرين بها
رحم الله والدك وقريبتك وجميع اموات المسلمين

ست البيت said...

عيدت عليها بلحمة الخروف
وكفاية عليها سمك مامتي اللي عمالة تأكلهولها
لأ وبقت لسانها طويل ومش بتحب حد يشيلها
مش ناوية تيجي تشوفيها
طب عبريني في التليفون الارضي
بجد نفسي اسمع صوتك يا جنا
ولا خايفة ع الفواتير؟
كل عام وانت بخير

مجداوية said...

السلام عليكم

اطلاق الطائر بيدك
افتحى له باب القفص فقد فعلتها قبلك وطار بعيدا وهناك من يفضل القفص ولا يطير فاتركى له الاختيار بعد فتح الباب


أما نحن فلنا رب رحيم يعلم ما نسر وما نعلن ويعلم ما هو الخير لنا وما الضر ولعل كل أمانيك الجميلة تتحقق ولعلنا نستحق أن تلبى دعواتنا ولعلنا نعبد الله حق عبادته وما عبدناه وما سنعبده أبدا حق عبادته ولهذا فبرحمة الله وليس بعدله يقبل أعمالنا

كلمات رائعة أم جني مش ممكن تكون من أكل التونة
تقريبا دى نفحات العيد الكبير واللحمة المشوية
:)
:)
ربنا يديم عليك الأعياد والنفحات والتقوى يا رب

Anonymous said...

الاغنية المصاحبة هى من أرق وأجمل

ماقيل فى المدينة المنورة

يا مراكبي said...

أدعو الله دائما وأبدا ألا يحرمنا زيارة بيته الحرام ومدينة رسوله صلوات ربي وسلامه عليه

تتعلق بهم القلوب والأفئدة تماما كما ذكر الله سبحانه في كتابه العزيز: فاجعل أفئدة من الناس تهوي إليهم

Jana said...

انكسارات ..أحمد البوهى

وانت بألف صحة وسلامة

هون الله عليك غربتك
وأسعد ايامك
ويارب على عرفة السنة الجاية ان شاء الله

ياريت يا أحمد ترجع التعليقات على مدونتك
:)

منورنى دايما
دمت طيباً

Jana said...

موناليزا

وانتى بخير وسلامة يا قمر

آمين .. يا رب سوا السنة الجاية ان شاء الله
ايوة الاغنية دى هى الحسنة الوحيدة اللى كانت فى قناة سبيس توون العجيبة
:)

أكرمك الله يا مونى
منورانى دايما

دمتِ طيبة

Jana said...

ست البيت

أكّلتى لولو لحمة فى العيد يا مفترية
يابنتى دى عيدها سمكة وكوباية لبن والشاليموه
:)

معقولة برده اخاف على الفواتير
بعد ما قالوا
اتكلم أرضى يابن بلدى
صوتك بقى واضح اوى عندى
هههههههه
اهى هى دى مصداقية التعامل
:)

منورانى دايما مرويتا
دمتِ طيبة

Jana said...

مجداوية

زمان وانا صغيرة طار مننا عصافير كتير
وكان مصيرهم مؤسف
لأنهم غير معتادى الطيران والتحليق والتعامل مع العصافير العادية والقطط
عشان كده ساعات بيتهيألى انهم كده فى مأمن برغم حبسهم

ده غير انهم عصافير عمر ..اللى جايبهم من مصروفه وبيعتبرهم اولاده على فكرة
هههههههه

تصورى ..نسيت اشوى لحمة فى العيد!!! بس احنا فيها ..لما تشوفى من بلكونتك حريق ودخان ..ابقى تعالى على الفور اتغدى معايا
:))

ربنا يعزك يا مجداوية

منورانى دايما
دمتِ طيبة

Jana said...

Sherif

تعجبت جدا لما انطلقت هذه الاغنية لأول مرة من قناة للاطفال"سبيس توون"..بعدها قام الكثير بإعادة غنائها ..ثم ترجمتها للانجليزية
وتظل هذه النسخة هى الأفضل

كلمات الاغنية تؤثر بأى شخص فما بال حضرتك بالفنانين مرهفى الحس مثلك

منورنى دايما يا باشمهندس

دمت طيبا

Jana said...

يا مراكبى

كلماتك وانت لسه نازل من على عرفة قريبا لازم تبقى بالجمال ده

آمين آمين
فدعائك من القلب وهو ما يجب ان يؤمن عليه

تقبل الله حجك وبر نسكك يا مراكبى
يسطع النور بين كلماتك فما بال وجهك الآن
أسعدنى تعليقك جدا
حمد لله على السلامة

ودمت طيبا

Gannah said...

جنى
السلام عليكم
وحشتينى جدااا وآسفة لانى مقصرة جدااا
الانشوده جميلة وكلماتك جميلة
صياغة راقية كالعادة
هل ما فهمته صحيح؟؟
هل توفيت صديقتك فى مكة
ان كان الامر كذلك فادعو لها بالرحمة
بلغك الله ما تتمنين
زيارة بيته ومدينة رسوله صلى الله عليه وسلم
لعلنا نلتقى هنا يوما ونجتمع فى الروضة الشريفة
تحياتى

Jana said...

Gannah

وعليكم السلام ورحمة الله وبركاته
انتى اللى وحشتينى والله يا جنة
وابدا حبيبتى مافيش اى تقصير ابدا منك ..ولا هو من شيمك

الف حمد لله على سلامتك
تقبل الله حجك وغفر ذنبك يا جنة
يارب اجيلك السنة الجاية ان شاء الله واقابلك فى الروضة الشريفة..وفرصة أأمنك تدعيلى فى الروضة فى اول فرصة ليكى هناك
هى قريبتى من بعيد ولكن صداقة جميلة بين العيلتين خلتنى اقرب منها فى الفترة الاخيرة..توفت فى طواف الافاضة وكانت مريضة قبلها بشدة لسنوات ..وده كان دعائها ان يتوفاها الله بعد عرفة ..فسبحان الله
ربنا يرحمنا جميعا ويحسن خاتمتنا

منورانى دايما حبيبتى

دمتِ طيبة وبخير

!!! عارفة ... مش عارف ليه said...

إن شاء الله تكونين
من الزائرين العام القادم بإذن الله
وإن شاء الله يستجاب دعائك
اللهم أمين

وكل سنة وانت طيبة

Jana said...

عارفة ..مش عارف ليه

وليد
وانت طيب وبصحة وبسلامة
بمناسبة راس السنة بقى لأنها اقرب
ههههههههههه

شكرا لدعائك يا وليد
ربنا يكرمك ويعزك

منورنى دايما

دمت طيبا وبخير

la3lahakhier said...

امين امين امين

حسن ارابيسك said...
This comment has been removed by the author.
حسن ارابيسك said...

علني يوماً لك زائر
الحقيقة
جميل أريج المعاني الطيبة هنا
جميلة تلك الروح الطيبة التي تحوم هنا تملأ ارجاء مدونتك الطيبة

كل التقدير على تدوينتك الرائعة
رشق الأحاسيس
يكفي العنوان لوحده في حد ذاته يوحي بالكثير وجوانب كثيرة في حياة كل منا وفي ظروف قد تختلف ولكن تتشاه إلى حد بعيد العواطف والمشاعر فيها

تدوينتك الأكثر روعة
شيكولاته عالقة
اعجبت واستمتعت بها قرأتها مرتين قراءة متأنية وبعناية حتى لايسقط مني حرفاً أو معنى
حقيقي جميلة الفكرة جداً وفيها شغل حلو قوي على طول ضفافها الممتده بين دفتي قريحتك وأعجبني أنها كانت تعرج بي لأبعاد مختلفة خارج الأبعاد المألوفه لدينا ولكن مع إحتفاظها بنكهتها في عمق ومعنى إنساني كبير وجميل لاأعرف من أين أتيتي بتلك النكهة المتميزة والخاصة جداً

ذكرك وإنتقاءك
للمطربة الرائعة
باربرا سترايسند في رائعتها
ميموري
إذن انتي شاهدتي رائعة فيملها القديم
مولد نجم

تحياتي
حسن أرابيسك

Jana said...

la3lahakhier

صدق حدسى
حين قلت
لعل الملائكة تردد
:)

دمتِ بكل خير لعلها خير

Jana said...

حسن أرابيسك

أشكرك اولا على اطرائك العالى.. وتقديرك أعتز به

ما وصفت به تدوينة شيكولاتة عالقة كان أحلى من التدوينة نفسها
:)

أما عن باربرا سترايسند
فللأسف لم أشاهد هذا الفيلم..ولكنى أتذكر لها افلاما أخرى رائعة لا اذكر عناوينها
وبشكل عام أحب كثيرا صوتها الرائع وهذه الاغنية بالأخص

تعليقك يا فندم أسعدنى كثيرا

نورتنى

ودمت طيباً..

http://kasperb4.blogspot.com/ said...

اشتقنا لكلماتك
يارب تكوني بخير

في انتظار جديدك
:)

مجداوية said...

السلام عليكم

انت حتقضيها تعليقات ولا ايه يا ام جنى

فين التدوينات
بطلنا اكل تونة
ناقصك ايه بقى يا كسلانة

المهم حضرى نفسك يوم 8 عندنا وليمة البصلة كلها خير جاية ويللا بقى امرنا لله ندبح البصلة

بجد حضرى نفسك تنضمي الينا

وفى انتظار جديدك غاليتي

Jana said...

آلام وأمال

الله يكرمك يا محمود
كنت على اعتاب نشر تدوينة جديدة حالا ولكنها أضحت غير مناسبة الآن بعدما فوجئنا بأحداث غزة المؤسفة الحالية

فى اقرب فرصة ان شاء الله أنشر تدوينة جديدة

ربنا يوفقك يا محمود

دمت طيبا

Jana said...

مجداوية

وعليكم السلام ورحمة الله وبركاته
يا ماجدة الغالية كلك ذوق ورقة

يارب اقدر اجى واتشرف بصحبتكم ونور وجوهكم
وربنا يهدى الحال وحال المسلمين كلهم

ربنا يكرمك حبيبة قلبى ويعزك

دمتِ بكل خير

momken said...

انتى فين يا استاذه غيبه من زمان ليه؟

تحياتى

Jana said...

Momken

شكرا لسؤالك يا ممكن
انا كتبت فعلا بوست حالا اهو

منورنى دايما
ولا حرمنى الله سؤالك

دمت طيبا