عم عيد راجل بسيط
بيشاور ويحاور من غير تعقيد
اكمنّه أبكم يا ولداه
يستغلوه.. يسرقوه .. ويقولوا عبيط
يستغلوه.. يسرقوه .. ويقولوا عبيط
لكنّه بيقول انا غير ما بتقولوا
انا ناصح.. واعى وحويط
بس انا أصلى زاهد وبسيط
بيقول على نفسه بركة .. يدعى على اللى ظلمه
ويقولّك أنت تريد وانا أريد
والله يفعل ما يريد
كلام جميل ومية مية
لكن للمتوكل على ربه بحق وحقيق
يجوع عم عيد ويتعرى ..
ويستحمل ويتبهدل وعن طولة باله ما يتخلّى
الناس تقول حيفيض بيه ويشيط
يرد عليهم ..هأووو ...فى العيد
مش فارقة معايا الهدمة قديم من جديد
حتى اللقمة طرية كانت ولا حديد
انا أصلى راجل زاهد وبسيط
عم عيد جاله المرض البطّال
ده غير إنه بيغسل كلى وحاله صبح حال
أهل الخير مش سايبينه
وعلى نفقة الدولة معالجينه
خرج من الغسيل عنده سى و بى .. وموال
الناس تقوله يا عم عيد.. يا جامد .. يا شديد
مش ناوى برده تتحرك .. تتمرد.. إن شالله تخبط فى الحيط
يرجع يقول يا ناس انا باشرب مية مجارى
وباكل هرمونات فى الفراخ والخضار والسمك غالى
وبادعى على اللى فى بالك وفبالى
لكنى ماليش فى الهيصة ولا الزيطة ولا التنطيط
ومتنسوش ان عمكم عيد .. راجل زاهد .. قنوع .. بسيط
خرجتله الداية من الاوضة
شايلة على كتفها ابنه فى ملاية مقطعة.. سودة
مبروك ما جالك يا ابو حودة
والله وبقيت أب يا عيد
يتربى فى غلبك وفى هدة حيلك
لا مؤاخذة .. قصدى فى عزك وفى خيرك
يبصله عم عيد بعنيه الصفرا الدبلانة
ييجى يشيله ايديه تخونه الغلبانة
يعيط.. يصوت.. جواه القهرة مليانة
يشاور ..يحاول
انا أصلى مش قادر
وفجأة يخرج صوته يرج الفضا
ويقول حرام .. كفاية.. مش ده القدر ولا ده القضا
ده اسمه تواكل .. تجاهل.. هلفطة
معادتش مصمصة الشفايف تفيد
بعد ما شاف فى وسط السواد أمل جديد
عم عيد طلعله النهاردة بس صوت
قرر يتكلم .. يقول .. ويعيد
خلّى عندك صوت
.....................................
جروب خلّى عندك صوت
التدوينات والأعمال المشاركة فى حملة خلّى عندك صوت
فيديو حملة خلّى عندك صوت
خلّى عندك صوت
.....................................
جروب خلّى عندك صوت
التدوينات والأعمال المشاركة فى حملة خلّى عندك صوت
فيديو حملة خلّى عندك صوت
18 comments:
حمد الله على السلامه
اقرأ وارجع اعلق
رائعه روعه
تجنن
ااقل ما يقال عنها
وصف حال ملوش حل
بس تفتكرى الحال هيتبدل؟
ولا هى حلاوة روح وطق حنك على رأى الشوام؟
الله ينور بجد
لا استطيع ان اقول سوى انها رائعة جدا جدا جدا, كل عام وانتى بخير, تحياتى
السلام عليكم
هييييييييييييييي
طلعلك صوووووووووووت يا أم جنى وأخيراااااااا
عودة جميلة ورائعة وقوية
وشجعتيني أدخل الجروب وأشارك
وان شاء الله نكتب تدوينة لأن الأمر هام جدا
صحيح إن مهما صرخنا مفيش أمل لكن معذرة إلى ربكم
بس دي طلعة أمريكاني يا أم جنى
خليكي على الرابع كده على طول
:)))
السلام عليكم
أختي أم جنى
أنا كتبت التدوينة للجروب أسلمها فين يا أختشششي ها ؟
الله أكبر .طالما عم عيد بعد كل داه نطق يبقى أكيد حنطق وننطق جميعا .بس يارب ميكونش كلامنا حبر على ورق..أصل احنا المصريين كده على رأي مثل أم البنات طق حنك..تحياتي
عودا حميدا أختي جنى
الفكرة الموضوعة داخل النص جيدة جدا،
ولكن كنت اتمنى اختي ان تكتبيها كعادتك في شكل قصة درامية أو كتابة عادية تحمل نفس الرؤية ، فأنتِ أقدر أختي باسلوبك القصصي على توصيل المعاني وإثارة المشاعر وحدوث التفاعل المقصود.
معذرة على ردي بهذه الكلمات اختي جنى ،و لكني اتمنى ان تظل كل كتاباتك على نفس الجودة أو نفس الامتياز
وجزاكم الله خيرا
جميل الاسقاط ده جداً
عجبنى جدا ذكاء الطرح
موضوع رائع
تسلم ايدك
تحياتى
الحملة دي وجدت طريقها ليا في الوقت بدل الضايع
بس الحمد لله لحقتني وقدمت على صوت هيوصل في نص تلاته ان شاء الله
فينك ، (اللعبة هنكتب كلنا قصة )وقفت في الحلقة الرابعة ليه و محدش كمل ؟؟
أرجوكِ تردي عليا
أتمنى أن تكونى فى أحسن حال
فين قصصك الجميلة المعبرة
ايد لوحدها ما تصقفش
وصوت لوحده مش هيسمع حد
لكن ايد على ايد وصوت على صوت هنقدر نعمل حاجة بجد
وياريت الشعب بقى يفوق ويبطل يبقى زي عم عيد ده
السلام عليكم
جئت بعد غيبة طويلة لألقي التحية والسلام ..وأطمئن على أختنا الطيبة ..
لعلك والاسرة الكريمة بخير والحمد لله ..
الدعوة مطلوبة بالفعل فهناك الكثير من الأغلبية الصامتة ولكن معظمهم محتاجين ان نقول لهم خلي عندك دم وصوت وليس خلي عندك صوت فقط
..
تحيتي
السلام عليكم
والله افتقدناكي كثيرا فلعل المانع خير ان شاء الله ..
من فضلك زوري مدونتي للاهمية
تحيتي وسلامي
استعادة الوعي يبدأ بتحريك الأصابع...!
(:
عودا حميداً
أسرة منتدى زبد البحر يتمنى منكم التواجد معنا في منتدى عالم المدونيين والمدونات
http://mhg1962.ba7r.org/forum.htm
مش عارفة اعتذرلكوا ولا أشكركوا ولا الاتنين
فى النهاية أرجو تسامحونى على التقصير الشديد
وشكراً من القلب
Post a Comment