Saturday, October 25, 2008

شيكولاتة عالقة


*** تحديث***
اهداء للصديقة الجميلة ..س
وللصديقة الجميلة ..ك
*********************************************
جائها مودعا ..يحمل فى يده حقيبة سفره
فى عينه دمعة وفى عينيها دموع
يحمل فى يده الأخرى وريقات صغيرة
بها ما كتبه لها من أشعار
أسماه هو خواطر..وأسمته هى شعراً
خلا من السجع او امتلأ به ..فهو لديها شعرٌ
حمل من القوافى وازدان بأبدع التشبيهات أو لم يحمل ..هو لديها شعرٌ
فكلماته وإن خلت من المعانى ..لديها لها معنى

أخذت منه وريقاته
وودعته بقلبٍ يحمل الكثير من الأمنيات الحية

نثرت وريقات شعره فى كل مكان
فى صندوق ذكرياتها فى أحد خزائنها ..وفى صندوق ذكرياتها ما خُزن بداخلها

فى مزهرية كريستال عالية ..لا تمتد اليها أيدى العابثين ..وفى مزهرية قلبها بجوار زهرة تتفتح فى قلبها كل يوم من أجله بلا سأم

تحت وسادتها ما تغفو فوقها ...وتحت رموش عينها ما سترت أحلامها

عاد بعد سنة...من اجلها . ليودعها من جديد
فأهداها شالا مزركشا بألوان الحياة
ألوانه تغطى مساحات حياتها الباهتة..
حين تلتف به يتغير لون السماء من اجلها وينقشع الضباب من فوقها
ترتديه فتسافر فى رحلة أعجب من رحلة آليس فى بلاد عجائبها

احتفظت به بجانب أشعارها
تراه نهارا فى خزانة ملابسها ..وليلا فى أحلامها

عاد لاحقاً ..بعد سنة أخرى ... من أجلها ...ليودعها من جديد
فأهداها لوحا من الشيكولاتة
يتمنى ان تذكره فى كل قطعة تذوب فى فمها
تخشى أن تخذله ..ولكنها لا تحتمل ذوبانها مع ذوبان الشيكولاتة
فحين تنتهى .. ستنتهى معها ذكرى جديدة ..
وهى لا تستطيع بأى حال من الأحوال ان تفقد احدى ذكرياتها المنثورة فى أنحاء منزلها وأرجاء قلبها

باتت كهاوي جمع الطوابع النادرة .. لو فرط فيها فكأنما فرط فى أبنائه

فتوسدت قطعة الشيكولاتة صندوقها الوردى
وصار هو خيالها من يصاحبها فى كل زمان ومكان
تراه وتسمعه فى وريقات الشعر ..تشعر بلمسته فى حنايا الشال المزركش ..وتشم رائحته فى قطعة الشيكولاتة

بعد سنة ..تليها سنة
لم يعد ... من أجل غيرها .. فودّعها دون وداع ..
تثاقلت لديه خطوة اللهفة ..وماتت عنده وحشة الافتقاد

توحشته كثيرا ..ولكنها مع الوقت توحشت نفسها أكثر
افتقدت الروح فى حياتها ..وباتت ذكرياتها الحُلوة ..هى ذكرياتها الموجعة

فتحت عينها ذات صباح ... مبتسمة على غير العادة ..فقد استنفذت أحلامها
وانتهت أوجاعها ...فأحيانا يأبى القلب إلا أن يحافظ على حياة صاحبه فيلفظ من داخله ما بدأ ان يحيل نبضاته الى طعنات

عليها الآن أن تتم المهمة على الوجه الأمثل ..فلا تترك مجالا لحلم عليل او أمنية كاذبة ووهم سخيف ليضغط على جرح يحتضر..فقد يعود به الى الحياة ..فيقضى على ما تبقى من حياتها هى

نثرت وريقاتها الصغيرة .فقد تعودت نثر الأشياء..ولكنها هذه المرة قد نثرتها فى الهواء..فتطايرت منها الأبيات..الآن هى مجرد حروف وكلمات جوفاء.. لم تعد شعرا ولا نثرا

ألقت بشالها على كتف عجوز تتسول الدفء قبل المال عله يبعث عليها ما ترغبه ..بعد أن بهتت ألوانه وضاع منه سحره الخاص وفرغ ما فى جعبته من رحلات لعالم العجائب

أما قطعة الشيكولاتة فنظرت الى تاريخ صلاحيتها ..لتجده وقد انتهى من عهد قديم
كانت تتمنى أن تتذوقها وتستشعر حلاوة ذوبانها .فكفاها حرمانا لنفسها ..
تلقى بها كما الوريقات
وتأتى بقطعة جديدة ..أكبر حجماً .وأغلى ثمناً ومن المؤكد أنها أغنى طعماً ..

تذهب الى شرفتها ..
تنطلق من شرفة جيرانها أغنية
لباربرا سترايسند .."Memory"

يظهر القمر محلقا كبدر وسط بنايتين مرتفعتين .. لتكتمل طقوس الليلة
تبدأ فى التهام قطعتها الجديدة من الشيكولاتة ...فتذوب فى فمها ..وتذوب معها ذكريات كثيرة لطالما كانت حمقاء

79 comments:

يا مراكبي said...

توجد مجموعة رائعة من التعبيرات الجميلة خلال القصة

مايراه نثرا وتراه هي شعرا

ودعها دون وداع

لكن النقطة التي كانت تحتاج لتوضيح أو ربط هي التحول المفاجئ ذات صباح .. ربما كان الأفضل أن يأتي ذلك تدريجيا

لك كل التحية على هذا النص الرقيق

جنّي said...

احيكي على ابداعك .. بصدق كلمات تحمل دفئ المشاعر واخلاص الاحاسيس ..

والتنوع ما بين الأمل والرجاء .. وأخيرا انتصار اليأس من تذوق طعم الحب الخالص وتجرع مرارة الفرقة والحرمان ..

أفابالعذاب قد نحيا على حديث الذكريات وتسري فينا الروح على أمل اللقاء ..

تحيتي ودمتي مبدعة

L.G. said...

أيون صح تمام كده

نقطة اللاعودة هو ده
بلا حب بلا وجع قلب بلا وجع دماغ

بس كترة الشيكولاتة بتخن في الآخر

~*§¦§ Appy §¦§*~ said...

الله الله الله
على التصوير الجميل ايه يا بنتى طيب ارد اقول ايه طيب
متسمعيش كلام ال جى
لغايه لما اقتلها واسمعى كلامها بعدها هههههههههههههههه

momken said...

البعض نحبهم


لكننا لا نجد صدى لهذا الحب في
قلوبهم .. فننهار ؛؛؛؛ وننكسر
و نتخبط في حكايات فاشله
فلا نكرههم ؛؛؛؛؛؛ ولا ننساهم
لكننا ببساطه تعودنا عدم وجودهم
لحظه احتياجنا لهم

فنحن لا نختار من نحب وبالتالي لا نستطيع ان نمنع من يحبنا
لكن طول البعاد قادر على زهق انفاس شتلات العشق المغروسه بداخلنا

القصه جميله جداً
ومعناها رائع
المسئله ولا شال حرير ولا قطع حلوى
المسئله احتواء وشعور بلامان

تحياتى

ست البيت said...

ينفع أقول مفهمتش

بجد يا جنى مش عارفة حاسة اني مش فاهمة قصدك ايه ؟
انتي عارفة اني محبش ادخل اقول الله والسلام
وجميل وحاجات كده
لأول مرة الصور الشعرية رائعة والتشبيهات حلوة
بس مش فاهمة
هيه مين وهو مين ؟
حبيب ؟
ذكرى حلوة ؟
يوم في السنة بيعدي عليها ؟
شباب؟
بجد عدت منى المرة دي

(أم البنين) said...

جميلة تلك المعاني التي تطايرت من بين سطور قصتك القصيرة
وجميل أن نعرف من خلالها أن الحب ليس مجرد هدية وذكريات
بل هو شيء أعمق لو ذاقه الإنسان في إطار الحلال لوجده ألذ من الشيكولاته
تحياتي لقلمك

طال الليل said...

احتفظت به بجانب أشعارها
كأنى أسمع قوافيه المنسوجة من قماش تجيب عن قوافيها بدفء الشال تخف برودة البعد و وتمنحها من أنفاسه إحساسا بالأمان


كلمات رائعة من شعور راق ليس بغريب عن ا تعودناه من قلم حضرتك

سلمت لنا و بارك الله فيك

مجداوية said...

السلام عليكم
اظاهر روحتى تنيمى العيال وعملتيلك فنجان قهوة مظبوط وقعدتى تكتبى القصة الجميلة دى
ومجتيش تعلقى زى ما قلتى وأنا اللى قعدت مستنية مستنية لخد الفجر ما شقشق

لأ مش جميلة

دى رائعة
ليه ؟؟

لأنى حسيتها جدا وأنا لما أحس حاجة بلا فخر يعنى بتكون عالية المستوى ( هو ده التواضع )
ههههههههه

والله أنا مش باعرف أجامل
وللأخ المراكبى أقول له
ذات صباح
معناه أنها شفيت من الحمى
يعنى الواحد لما بيكون فى حمى وفجأه يحس انه خف
الأمر بيبقى كده رغم انه بالتدريج لكن فى لحظة ما فى وقت ما فى ذات صباح ما بيكتشف أنه برأ من هذا الجنون وهذه الحمى

ولهذا أنا أحييك جدا على هذا التعبير فالبلاغة هى الايجاز
القصة مليئة بالصور الرائعة اظاهر بجد الحمى عملت عندك حاجة فى مركز الابداع

الحاجة اللى مش بلعاها غير الشيكولاتة منتهية الصلاحية
هى صورة القمر مش دى الكرة الأرضية برضه !!!
اللون جميل لكن شكل القمرر مش عاتشطفيييي

دى حتة فنية كده بحكم الصنعة والكار لكن لم تؤثر بتاتا عارفة البتاتا , ؟ بتاتا على روعة المضمون
انهاردة قريت قصتين حلوين دى وبتاعة آخر فرصة لأختنا الحبيبة روفى

وانتظروا قصة مجدااااااوية
فتحتوا نفسى
عندى قصص قصيرة كنت كاتباها من مدة حانقحها وانشرها
بس أنا عارفة انت كاتبه القصة دى عشان تفوقى واحدة خايبة
عندك حق
خليها تجيب لوووووووووح شيكولاته مستورد بالبندق أو فريرو روشيه وهى تعرف ان اللوووووووووووح القديم ميستاهلش

Gannah said...

عليها الآن أن تتم المهمة على الوجه الأمثل ..فلا تترك مجالا لحلم عليل او أمنية كاذبة ووهم سخيف ليضغط على جرح يحتضر..فقد يعود به الى الحياة ..فيقضى على ما تبقى من حياتها هى
----------------------------------
جميل قوى المقطع ده ..كم من مهمة نحتاج أن نتمها على الوجه الأمثل وكم من وريقات نحتاج ان ننثرها
ليس المعنى قاصرا على حب بين رجل وامرأة ولكنه تعلقنا بكل الاحلام العليلة ورفضنا ان ندعها تمضى فتظل تشدنا الى الماضى وتظل الجراح حية بداخلنا فتقضى على الاشياء الحلوة فى حياتنا
الشال الزركش والشيكولاته و الاوراق المبعثرة
الخاطرة لوحة مزركشة بكل ألوان المشاعر
تحياتى لك ولقلمك الراقى يا جنى الجميلة

نور الهدي said...

اول مرة اقرا حاجة جميلة مست قلبي من حبيبة قلبي

حتى أجد عنوان said...

أختي jana
زادك الله شعورا راقيا واسلوبا رائعا وعقلا رائقا صافيا
وان كنت اظن ان صاحب الشعور مذبوح .. يمضي عمره في لحظة الاحتضار .. تشخص عيناه الى السماء لعله يرى روحه تغادر فيغادر معها الم السكرات .. لكنما لا تخرج روحه ابدا .. فقد تعلقت بمن يجذبها الى الارض ربما ليطئها بقدميه .. والاسوء من هذا من لا يريدها أن تخرج عل من قتله يشفق عليه ولو للحظة .. فيكون معها الأمل من جديد حتى لو كأن بعدها الألم من جديد .

رائع أختي ما كتبتِ وما قصدتِ

la3lahakhier said...

حبيبتى
من مجرب
الحمقاء حقا من يرضى بفتات المشاعر
الله عز وجل كرمنا وجعلنا احب خلقه (ولد ادم) فلما نبخس انفسنا
اصح ما كتبتيه هى كون المحب من طرف واحد احمق حقا
اما عن صديقتنا المشتركة فهى لم تنتظر احد ولم ولن ترضى بالشال بديلا عن دفء ........
اشكرك
انتى دائما رائعة
لقاؤنا عند مجداوية فى العيد وحجيبلك غريبة وهاتيلى ازازة زيت وحبة سكر الله يسترك

موناليزا said...

تصفيق حاد جدا لهذه القصة الرائعة
ايه يابنتى الجمال ده
تعرفى لو ماكانتش اخرها كده كان جالى احباط
بجد بجد تسلم ايدك

Jana said...

يا مراكبى

أهلا بيك يا باشمهندس

الحقيقة ما قصدته من تحولها المفاجىء هو توضيح ان المرأة القوية بعد تمهيد نفسى قد يأخذ معها ما يأخذ من الوقت "سنة تليها سنة"..تستطيع ان تأخذ قرارا فى ثانية لا رجعة فيه ..ولا اقصد بهذا تسرعها ..انما اقصد تأنيها فى التفكير ما يعطيها الثقة فى قراراتها والعمل بما يتبع هذا القرار على الفور
بالتالى "ذات صباح" هنا كانت أول خطوات تنفيذ القرار

اعجبنى كثيرا تفسير العزيزة مجداوية لهذه النقطة..وهو دليلنا على اسلوب تفكير امرأة قوية
:)

أسعدنى تعليقك واطرائك يا فندم بشدة
خاصة ممن اعتبره كاتب قصصى من الدرجة الاولى

نورتنى
دمت طيبا وبخير

Jana said...

جنّى

"أفبالعذاب قد نحيا على حديث الذكريات وتسرى فينا الروح على أمل اللقاء!؟"

ما أبلغ تعبيرك
فكيف حين يعذب الانسان نفسه بأمل كاذب فى اللقاء..تسرى فيه الروح!!!..وسريان الروح دوما كناية عن قلب دبت فيه الحياة من جديد
فإن كذب الانسان على نفسه لم تستطع روحه مشاركته كذبه
!!!!

يا فندم دايما تسعدنا بتعليقاتك
وكلماتك البليغة

منورنى دايما
دمت طيبا وبخير

Jana said...

l.g.

ايون صح ..نقطة اللا عودة !!!

انتى ما صدقتى!!؟
انا اقصد اللا عودة فعلا ولكن فى طريقها ده بالذات ..مش معنى كده البيات الشتوى والتخوف من كل طريق آخر

بخصوص تدوينتك اللى مانعة فيها التعليق
اسمحيلى اعلقلك هنا
أمهر من تعلموا العوم
هو اللى اترمى فى المية بالقوة ..ففضل "يطبش " فيها لحد ماتعلم
والأمواج مع الوقت ستنحسر وحدها عنه ..لأنه سيتحول من متدرب الى مدرب ..ويمكن كمان يتعلم يعمل "دايفنج" ويطلع ناشف
:)))

الشيكولاتة على فكرة بتحسن من الحالة النفسية
لكن بالنسبة لى لا بديل عن القهوة
والقهوة بتخسس
:)))))

منورانى يا جميل
دمتِ طيبة وبخير

Jana said...

Appy

أحلى التعليقات على الدوام ما تبدأ بلفظ الجلالة " الله"

لذلك
الله يكرمك
الله يعزك

بخصوص ال جى انا معاكى ..قوليلى بس ميعاد العملية ..وكلمة السر عشان تحرم تعمل كده تانى
بس الله يخليكى ما تكون كلمة السر برعى
ههههههههههه
بعد كده بقى نيها مش نوها
ولا اعرفك
ههههههههههه

منورانى دايما آبى
دمتِ طيبة وبخير

Jana said...

Momken

"لكن طول البعاد قادر على زهق انفاس شتلات العشق المغروسه بداخلنا"

انا سعيدة جدا ان كلماتى البسيطة ..أخرجت من البعض كلمات رائعة

لكن جميل انك معترف انها "شتلات" يعنى أسهل فى زهق أنفاسها من النبتات الاكبر حجما..
ايضا كما فى الغرس من عمق وقوة .. يكون فى الاقتلاع قوة أكبر
:)

الشال قد يكون كناية عن الاحتواء
والحلوى كناية عن الفرحة
وهما القطبين ما يضمنا استمراية الحب
ان انقطع التيار عن أحد الاقطاب ..انتهى ..وبلا رجعة

ربنا يوعدك بتيار كهربائى ..ومولد اضافى فى حالة انقطاع التيار
:)))

منورنى دايما ممكن
دمت طيبا وبخير

حتى أجد عنوان said...

أختي jana
شُغلت فترة باشياء مما تشغل الكثيرين منا فلم أتابع مدونتي أو مدونات الإخوة والأخوات وعندما عدت وجدت لحضرتك موضوعين فعلقت هنا وعلقت على موضوع المتشبهات بليلى .. وأردت التنويه
جزاكِ الله خيرا

سمكه وحده said...

اولا
السلام عليكم ورحمه الله وبركاته
ثانيا اول مره ادحل مدونتك ويشرفني بجد
ثالثا بقي وده الاهم روحي يابنتي ربنا يجبر بخاطرك ايه ده لا بجد مهما قلت مش هقدر اوصف اد ايه هي رائعه والتعبير والاسلوب تخيلتها جدا
وكمان منتصره ايوه كده نهيتها جميله جدااااا
دمتي مبدعه ومتألقه بجد
تسلم ايدك
سمكمك

سمكه وحده said...

انا لما نزلت تحت شويه وقريت البوستات التانيه لقتني مش اول مره اخدل المدونه افتكرت اني دخلتها قبل كده اما انا كدابه كدب ياساتر عليا ههههههه
عموما شكلي كده كنت دخلتها قبل كده سرقه ومخبطتش اديني جايه اخبط بس اعمل لحضرتك ايه انتي الللي بتبقي سايبه المفتاح في الباب
بجد بجد البوستات كلها والله بدون مجامله جميله اوي وانتي شخصيه جميله ماشاء الله عليكي وربنا يخليلك اولادك ويكرمك
سمكمك كداااابه

ammola said...

:(
مش حاقدر اقول انها شاطرة
لانى خيبانة اوى وبانتصر للحب حتى لو اختفى الحبيب فى ظروف غامضه واللا أخده الوبا
يعنى لو انا مكانها كان زمانى كل شوية أودى الشال للدراى كلين ..وأقعد اذاكر فى الشعر اللى مش شعر ده ويمكن كنت نزلته فى ديوان ماحدش يشتريه غيرى..وكنت عملت لباكو الشوكولاتة عمليه من اللى بيحفظوا بيها الكائن بالهيدروجين المسال...شفتى بأه خيابة اكتر من كده؟ وفى الاخر لما يجيلى خبر ان الحبيب المزعوم اتجوز وطلعله كرش وبقى اصلع وولاده سفلة وواطيين لامهم اتنهد تنهيدة عميقة من كل قلبى واقول..عشق الروح مالوش اخر لكن عشق الجسد فاااانى..عشق الجسد فانى
:)

Sherif said...

جنى
==
دعوة لطرح الوهم بعيدا .. ومعانقة الواقع؟

تحذير مبكر لمن يدع الذكريات تلتهم حياته ام ماذا؟

جميل تعبيرك .. بل أكثر من رائع لأنه يزيد ادق المشاعر لمعة وتوهجا

ماأقسى البعاد الذى تجف معه الاحاسيس

المستنصر بالله said...

البعد جفا فعلا
يمكن البعد هو السبب فى هذا التحول ن الجانبين
بس ليه كان بيسبها وبيسافر وليه هى ساكتت على الوضع دة

القصه كلماتها جميله وواقعيه

تحياتى لحضرتك

Geo Amr said...

جميل جدا استخدام حضرتك للفظ الشيكولاتة بالاضافة الى ذلك صدق الكلمات وتعبيرها عن الموقف

الحب كما ينبغى أن يكون said...

قصة جميلة بها الكثير من المعانى
جزاك الله خيرا

أنا إنسان said...

ماتصدقش
1\11
مؤتمر القلة المندسة
على الانترنت
مؤتمر موازي لمؤتمر أكاذيب الحزب الوطني
مؤتمر القله المندسه
ردا على اكاذيب الوطنى
ماتصدقش
كل سنه بيقولوا نفس الكلام
كل سنه بيكذبوا نفس الكذب
بقالهم سنين بيكرروا نفس الكلام عن الفكر الجديد و العبور للمستقبل و الرخاء اللى احنا عايشين فيه
و الرفاهيه اللى مش حاسسين بيها
المره دى جايين يعرضوا معجزاتهم اللى حققوها
من تشغيل كل العاطلين و حل جميع المشاكل و رفاهيه و نعيم
و مشروعات و ديمقراطيه غير مسبوقه فى تاريخ العالم
و تعليم ايه و صحة ايه و محاربة فقر و كمان فساد
احنا بقى اللى هانرد عليهم و نفضحهم فى العالم كله بأراء و أرقام و احصائيات
و نعرف كل الناس اللى مش عارفين انهم كذابين ..
وان كنا نشك ان فيه لسه ناس مش عارفين كذبهم
هانفضح كذبهم
و نفضح فشلهم
فى الصحه و التعليم و التنميه و محاربة الفقر و محاربة الفساد
و نعرف كل الناس إن الاصلاح الحقيقى ضد مصالحهم..
و إن الفكر الجديد ما هو إلا خدعه و كذبه جديده يضاف لكذبهم
من 28 سنه
احنا اللى بيقولوا علينا القله المندسه..
رغم اننا الشعب ..
الاغلبيه
مؤتمر الحزب الوطنى..
.ماتصدقش
تابع معانا مؤتمر القله المندسه الالكترونى...
أول مؤتمر افتراضى فى مصرفى الايام 1 و 2 و 3 نوفمبرعلى الموقع
www.anti-ndp.com
برعاية شباب 6 ابريل
تسجيلات حيه
لقاءات جريئه مع كبار المفكرين و العلماء
بيانات للرد على الحزب الوطنى من جميع القوى و الحركات السياسيه الوطنيه
استمع لرأى الناس فى الشارع يردون على اكاذيب انجازات الحزب الوطنى
موقع المؤتمر
www.anti-ndp.com
أو مدونة المؤتمر
http://anti-ndp.blogspot.com/
........................................................................
ملحوظة هامة
ليس هذا إعلان
ولكنه دعوة للحضور والمشاركة
شاركنا في
مؤتمر القلة المندسة
شباب 6 أبريل

مجداوية said...

السلام عليكم

معلش يا أم جنى
ههههههههههههههههههههههه
ههههههههههه
آه كل ده ضحك

أصل تعليق أموله فى منتهى الروعة
ضحكنى لحد ما قلب ظهرى
حتحفظ الشيكولاته فى سائل الهيدروجين
ههههههههههههههههههه
البنت دى معجزة فى الكتابة والله بس مش عارفة قيمة نفسها
اسمحى لى أختى الحبيبة أم جنى
أرفع لها الطرحة اعجابا وتقديرا
ودى لأننا مش خواجات ومعندناش قبعة
وبعيدا عن الهزار
بجد وبكل صدق أمولة انت ملكيش حل
وموهوبه
وقلمك ساحر
شوفيلك ناشر بيفهم
يعنى عمرك شفتى حد بيكتب عن الخيابه والعبط بهذا الابداع !!!!
ما شاء الله ولا حول ولا قوة الا بالله
من عين مجداوية

ammola said...

السلام عليكم
معلش يا نانا اسمحيلى ارد على مجداوية الجميلة ومن حقك تاخدى مننا الاجرة دوبل...عندك نفرين ورا لو سمحتى
:)
ياماجى موهوبة ايه بس وبتاع ايه حتخلينى اتغر فى نفسى كده وانفش ريشى واحتمال ماتعرفوش تكلمونى وده الاكيد طبعا
الموضوع وما فيه انى باتكلم زى ما باتكلم فى بيتنا...يعنى ده العادى بتاعى حضرتك انى ابقى كده
ربنا يخليكى لينا كلنا وما يحرمناش من مجاملتك ومن ذوقك
وعلى فكرة يمكن انا اكون ابدعت زى ما بتقولى علشان كتبت فى منطقتى يعنى الحب و لوازمه من دهولة وسهوكة وبعض العبط والخيابة
:)
عقبال ماتشوفى نسومة كده فى الكوشة ونيجى احنا نقرصها فى ركبتها...يانهارى لسه حنستنى نسمة
:)

Hina wi Hinak said...

وكم من قطع من الشيكولاتة قد إنتهت مدد صلاحياتها، دون أن يتذوقها من أهديت إليهم... رغم إنها حدوتة، إلا أنها حدثت وتحدث دائما هنا وهناك...
جميلة أوي

blue-wave said...

بجد عجبتنى فوق ما تتخيلى
فيه مجموعة جمل مالهاش حل
لكن دى اجملهم بالفعل
.ولكنها لا تحتمل ذوبانها مع ذوبان الشيكولاتة
مش عايز اقولك عدتها كام مرة
تحياتى

Jana said...

ست البيت

ينفع طبعا يا مرويتا تقولى كل اللى نفسك فيه
:)
يا ستى ده تخيلى للأنثى القوية عندما يُغدر بها ممن أحبته وظنت انه يحبها وتصرفها حيال ذلك الامر بعقل وحكمة
معرفش على فكرة فى بنات شاطرة كده فعلا ولأ
:)
نورتينى مرويتا

دمتِ طيبة وبخير

Jana said...

أم البنين

كلماتك هى الأجمل
بس تقولى أيه لما الوهم يتملك بأحدهن ..فترفض راحة قلبها وتتعود العذاب حتى يتعودها هو الأخر

نورتينى بزيارتك

دمتِ طيبة وبخير

Jana said...

طال الليل

كعادتك.. تعليق كلماته أحلى من التدوينة

أشكر ذوقك واطرائك
ليتنى بهذه المهارة فعلا

يارب اكون بقيت اشطر فى النحو عشان متزعلوش لانت ولا مجداوية
:)

ربنا يباركلك يا دكتور

دمت طيبا وبكل خير

Jana said...

مجداوية

وعليكم السلام ورحمة الله وبركاته
لا يا جوجو يا جميل
انا كتبتها قبل ماجيلك ..وبصراحة كده على ما نيمت الولاد كنت وقعت قبلهم
:)

بطلى تمرعينى كده عشان بأصدقك وانا مش اقل منك تواضع
ههههههههههه

صورة القمر ...اه صحيح ..مش دى باين قارة افريقيا اللى باينة فيها دى!!؟
يعنى البلكونة دى ممكن تكون لواحدة فى المريخ اعدة تعد النجوم
هم هناك برده عاتشفيين كده!!؟
ههههههههههه

انا بصراحةعجبتنى الشرفة والاضاءة فى الصورة عشان كده حطيتها

عجبنى اوى اوى تفسيرك "لذات صباح"..فكرتينى باغنية نجاة ..فلقد من برئت من الهوى ومن الجنون

مستنية اقرالك قصصك القصيرة على احر من الجمر
أصل الفنان ..بيبقى فنان فى كل حاجة
:)

ربنا يكرمك يا جوجو
منورانى دايما

دمتِ طيبة حبيبتى وبخير

Jana said...

gannah

مش يبقى عندى حق برده لما اقولك باستنى تعليقك يا بنتى انتى
:)

بتعجبنى الخلاصة اللى بتطلعى بيها من اى تدوينة

ياستى الله يكرمك ده من ذوقك

دايما منورانى جنة الجميلة

دمتِ طيبة حبيبتى وبخير

Jana said...

نور الهدى

لااااااااا مش معقوووول
وانا اقول المدونة نورت ليه!!؟

مصدقتش انك انتى .دورت فى اللوكيشن لاقيت ناشفيل

انا مبسوطة اوى ان خاطرة متواضعة عجبتك كده
تعليقاتك حبيبة قلبى انتى وسوسو ..ماقدرش اقولك اد ايه بتبسطنى

مش حاقولك غير
وحشتونى كلكم اوىىىىىى..وبس كده
:)))))))))))))

Jana said...

حتى أجد عنوان

أكرمك الله وأعزك
على ما تظنه بى

حقا انا لا اعلم هل توجد هذه الشخصية فى الحياة فعلا أم لا ..ولكن هذا ما كنت أتمنى ..ان يكون الانسان قوى الارادة كما قوة حبه ما ملكت قلبه
ففى النهاية ارادة الانسان هى المسئولة عن اطفاء جذوة الحب حين تبدأ فى إشعال قلب صاحبها فتحرقه بدلا من أن تمنحه ضوءا خفيفا ينير حياته ..الأمر دائما بيده او هكذا اتمنى..أن يرفع السكين عن رقبته حين تجرحه قبل ان يصير غائرا

قاسيا كان الوصف بالمذبوح ولكنه معبر بدرجة قوية وبديعة..أحييك

أشكرك على رجوعك والتعليق على التدوينة السابقة..أما عن الانشغال فهذا هو دوما الحال..
:)
أعانك الله ووفقك الى ما يحب ويرضى

دمتِ طيبا وبخير

Jana said...

لعلها خير

الله يكرمك حبيبة قلبى
أما عن صديقتنا المشتركة ..فأعلم تمام العلم أنها تملك من الحكمة الكثير ومن العقل الكبير ما يضمن لها حياة مستقرة بعيدة عن وجع القلب ..
وان كنت اتمنى لها انشغال القلب قريبا
فهى تستحق من الحياة الافضل دائما
:)

أما عنك انتى
فبعد العيد الصغير يا هانم مايتفتلش كحك
بس يمشى برده فى العيد الكبير مع فتة ورقاق معتبرين
:))
طب الزيت وفهمنا
لكن ليه سكر وانتم موجودين!!!؟

أنتى أحلى

دمتِ حبيبتى بكل الخير

Jana said...

موناليزا

يا ستى تسلم ايديكى اللى صقفت
وعنيكى اللى قرأت

لا وانا ميهونش عليا اجيبلك احباط
تحبى اعملك ايه فى بطلة القصة الجاية!!؟
انا ممكن اخليها تقتلك واحد
يالا القصة عليا والساطور والاكياس عليكى
هههههههههههههه

ربنا يباركلك مونى الجميلة
على ذوقك وكلامك الحلو

دمتِ طيبة حبيبتى وبخير

Jana said...

سمكة واحدة

وعليكم السلام ورحمة الله وبركاته

يا ستى انتى تنورى فى اى وقت بيتك ومدونتك..ماهو عشان كده سايبالك المفتاح فى الباب
:)

يعنى النهاية دى عاجبة معظم البنات ومش عاجبة معظم الرجال
تفتكرى طمعا منهم فى الشيكولاتة!!!؟؟
:)

نورتينى سمكة
أشكرك على اطرائك
والله يكرمك على دعائك
لكِ مثله وافضل ان شاء الله

دمتِ طيبة وبخير

Jana said...

Ammola

ااااه يا قلبى وجعنى من الضحك

عشق روح ايه
ياخى طلعت روحه

اولاده وامهم ..ولسه حتحتفظى بالشيكولاتة
اه يا قلبك يا امولة

طب ما تخطفيه قبل ما يصلع وحطيه هو نفسه فى سائل الهيدروجين..
واخطفى ولاده ومراته وحطيلهم المسدس فى الشاى بقى واخلصى

لا بجد تعليق ساحق ماحق ..ولا لاعب التنس لما يكسر سيرف زميله

أضحك الله سنك وملأ حياتك سعادة
ووفقك الى زوج صالح الصلع عندهم مش وراثى فى العيلة
:))))

منورانى يا امولة ووحشانى

دمتِ طيبة وبخير حبيبتى

Jana said...

sherif

أصبت القول يا فندم

فالذكريات قادرة على التحول من أوتار كمان يعزف عليه أحدهم أرق الألحان الى أسلاك شائكة تحيل حياته الى جحيم

ولذلك إن انتبه اليها الانسان وادرك ان ما يجب عليه الاحتفاظ به هى ذكرياته السعيدة فقط دون الأخرى ..أنقذ نفسه من حياة بائسة

أخشى ان أكون متوهمة وجود تلك القوة
فلم أعرف مسبقا ماهية هذا الشعور بالاساءة والغدر ..والحمد لله رب العالمين

فى تساؤلك الاجابة يا فندم
دامت بلاغة قولك..

منورنى دايما
أشكر لك اطرائك..
وتسعدنى دوما تعليقاتك

دمت طيبا وبكل خير

Jana said...

المستنصر بالله

يمكن فعلا زى ما بيقولوا
البعيد عن العين بعيد عن القلب
مع ان بطلتنا هنا كان بيقرب من قلبها كل يوم رغم بعده

فى النهاية هى قصة مش اكتر والحمد لله اننا قدرنا نصلح من حال البطلة فيها
الخوف فى الحياة الحقيقية منقدرش
:)

يسعدنى مرورك وتعليقك دايما مستنصر
ربنا يباركلك
أشكرك على ذوقك

دمت طيبا أخى وبخير

Jana said...

geo Amr

مرحبا بيك فى زيارتك الاولى

الشيكولاتة دايما حلوة ..كتبناها ..قريناها ..او أكلناها
:)

شكرا لذوقك

نورتنى

دمت طيبا وبخير

Jana said...

الحب كما ينبغى أن يكون

مرحبا بيك يا فندم
جزانا واياكم

طبعا القصة دى مش ماشية مع خط مدونتك خالص
:)
أحييك على فكرتها
وفقك الله

أسعدنى مرورك وتعليقك

دمت طيبا وبخير

Jana said...

انا انسان

ان شاء الله ادخل على اللينكات المرفقة ..واشوف الموضوعات

شكرا لمرورك

دمت طيبا وبخير

Jana said...

مجداوية

وعليكم السلام ورحمة الله وبركاته

بصراحة امولة فعلا مش معقولة
انا برده قلبى وجعنى من الضحك

المشكلة مش فى كده
بتقولك بتتكلم كده فى بيتهم طول النهار
ههههههههههههه

رجعى الطرحة مكانها بقى عشان فى ردالة عايزين يدخلوا المدونة
وبيسألوا حد خالع راسه ولا حاجة
:)

جديد لفظ" الابداع فى الخيابة والعبط" تميزتى فى المصطلح وتميزت امولة فى تطبيقه
هههههههههه

منورانى كده دايما..ويارب مبسوطة وبتضحكى على طول..

دمتِ حبيبتى بكل الخير

Jana said...

Ammola

وعندك اتنين ورا مدفعوش الاجرة ومفلسين اصلا

مدونتكم يا امولة
بس طبعا ايجار جديد ..لحد ما نخلص موسم الدراسة..وده لأنى شكلى حأختفى فعلا فى غياهب الماث وكهوف الساينس

والايجار عزومة كل شهر فى كوستا
:))))
...بقى مش عاجباكى جونينة الحيوانات .ونسيم الروائح هناك !!!!!؟

منورانى امولة
دمتِ بخير وعاقلة يابنتى

Jana said...

Hina wi Hinak

وده بيحصل عندكم هناك كمان بجد!!؟
طب بس مين المفترى اللى يقدر يرمى بار شيكولاتة من عندكم ...
حضرتك انا شفته قبل كده واتعرفت عليه بنفسى
بار شيكولاتة بجد مش اى كلام
هههههههههه

انا كنت باتكلم عن كادبورى واخواتها ..انما الشيكولاتة بتاعتكم يتكتبلها قصة جديدة
:)
بعيدا عن الهزار بقى
فعلا هى حدوتة بتحصل هنا وهناك ..لكن معرفش اذا كانت بطلتها موجودة فعلا هنا او هناك

اخيرا بخصوص ماجدة الرومى
القطعة الموسيقية الرابعة فى الملف والتى تسبق اغنية ايمان البحر مباشرة هى موسيقى لاحدى اغانى ماجدة فى فيلم
عودة الابن الضال

منورنى يافندم
يسعدنى مرورك وتعليقك على الدوام

دمت طيبا وبخير

Jana said...

blue-wave

الله يكرمك يا دكتور
من بعض ما عندكم

المفروض بعد القراءة الاولى تبقى الاعادة بفلوس بعد كده ... الواحد لازم يتعلم يبقى استغلالى
:))))

حقا أطرانى تعليقك كثيرا
وأسعدنى

منورنى دايما

دمت طيبا وبخير

Beram ElMasry said...

عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل

.:.-=- ELGaZaLy-=-.:. said...

عاد بعد سنة...من اجلها . ليودعها من جديد
فأهداها شالا مزركشا بألوان الحياة
ألوانه تغطى مساحات حياتها الباهتة..
حين تلتف به يتغير لون السماء من اجلها وينقشع الضباب من فوقها
ترتديه فتسافر فى رحلة أعجب من رحلة آليس فى بلاد عجائبها
احتفظت به بجانب أشعارها
تراه نهارا فى خزانة ملابسها ..وليلا فى أحلامها
عاد لاحقاً ..بعد سنة أخرى ... من أجلها ...ليودعها من جديد
فأهداها لوحا من الشيكولاتة
يتمنى ان تذكره فى كل قطعة تذوب فى فمها
-------------
اية دة !!!
اية كمية الابداع دى لكى ها هنا حروف تنتحى من كثرة الابداع عن اى قوة لاحرفى تتحدثين القصة جميلة مختصرة مبسطة قوية ..النهايه الجميلة بحق ...

يظهر القمر محلقا كبدر وسط بنايتين مرتفعتين .. لتكتمل طقوس الليلة

تبدأ فى التهام قطعتها الجديدة من الشيكولاتة ...فتذوب فى فمها ..وتذوب معها ذكريات كثيرة لطالما كانت حمقاء

----------------------
ابدعتى اخلع لكى القبعة احتراما

Ahmed Shokeir said...

عندما ينتهي الحب ينتقل المرء من عالم الخيال إلى عالم الواقع وفي عالم الواقع لاتصبح الرموز الشاعرية أكثر من أشياء مادية لانفع منها ولا معنى سوى فائدتها السببية الرخيصة

الحب يعطي معنى وقيمة للأشياء الصغيرة وغيابه يعطيها قيمتها الماديةالحقيقة

قلم جميل وإحساس مرهف

ست البيت said...

معلش يا جوجو واصح أني كنت نايمة اليومين اللي فاتوا
ادعولي بالهدى انتي ومجداوية وكله حيبقى تمام
قريتي بوست مجداوية اللي قبل البوستين الآخرانيين
عالم غريب ومرعب
بجد تحفه ومتقوليلهاش
بحب يا جميل مش ناوية تخليني اسمع صوتك
ماشي الكلام شكلي كده لازم اطب علي في البيت
بحبكم كلكم في الله
دمتم بحفظ الرحمن

ست البيت said...

تعليق كمان
طب مش عاوزة تيجي تشوفي لولو أم عيون عسلي ومجنناني



؟؟؟؟؟؟؟

ست البيت said...

وبعدين يا بنات
جانا
أل جي
مجداوية
أمولة
مش ناويين نتققابل ؟
طب اعمل فيكن ايه ؟
شكلي حجيبلكم لولو تقعد في المدونة شوية
وآهي فرضة تغير الجو الكاتمة اللي كانت فيه
بحبكم كلكم

ست البيت said...

لأ لازم اقرا البوست دا يوم خميس
ومعاه ماج شيكولاتة ساخن جدا
والبت لولو على رجلي ولو انها مش بتقعد في حته
ومقضياها لعب طول اليوم
افوق بس واعلق عل البوست بنفس
دمت بحفظ الرحمن

مجداوية said...

السلام عليكم
أم جنى باركيلى أنا نجحت
التفاصيل عند أمولة
لما ألحق أقول لعلها

Jana said...

Beram elmasry

مرحبا بيك يا فندم

كلمات جميلة ومعبرة

الشعر العامى اصعب انواع الشعر
وفقك الله

شكرا لمرورك
ودمت طيبا

Jana said...

Elgazaly

أهلاااااا يا غزالى ..
انت عايز تقنعنى انك كنت مرتدى فعلا قبعة لتخلعها
هههههههههههه

صراحة يا غزالى ..انت واحد من ناس كتير رأيهم فى القصة بيهمنى جدا
ورأيك هنا أسعدنى بشدة

مبروك مرة تانية لمجموعتك القصصية ..
فعلا لك لون مميز وبديع
ربنا يوفقك

تعليقاتك تسعدنى دايما

دمت طيبا وبخير

Jana said...

Ahmed Shokeir

فى كلام حضرتك فكرة نضارة الشمس مرة أخرى
عندما ينتهى الحب ..يخلع صاحبها نضارته فيرى الأمور كما هى ..لا خيال..لا تحليق ..لا سحر..فقط ضوء الشمس الساطع يعكس الحقيقة فى عينه فتتجلى واضحة

أسعدنى بشدة تعليقك واطرائك يا فندم

شكرا لمرورك الكريم

دمت طيبا وبخير

Jana said...

ست البيت

اربعة فى واحد

بخصوص مجداوية ..مدونتها كلها على بعض اكثر من رائعة ..ومتهيألى ده سببه انها احتسبت النية قبل انشائها
بارك الله لها ..وحفظ لسانها المطلق فى الحق دوما
:)
ان شاء الله نتقابل على خير ..

يا ستى انتى اللى ادعيلى
مين يعرف مين دعوته تستجاب!؟
لكن حاضر حبيبتى حأدعيلك ربنا يكرمك ويعزك ويوفقك للى فيه الخير ليكى ويرضيكى بيه ..

مج كاكاو!!؟
لو كانت قهوة كنت جيت شربتها معاكى
ههههههههههههه
سلامات للولو
:)))

منورانى دايما
دمتِ بخير مرويتا

Jana said...

مجداوية

وعليكم السلام ورحمة الله وبركاته

مالقيت فرحان بالدنيا زى الفرحان بنجاحه
!!!!!
غلط
عشان بتضاهيها ساعات فرحة الفرحان بنجاح اصحابه..وكأنه هو اللى نجح
والله أسعدتينى ..وفرحتى قلبى
تقريبا كنت محتاجة اسمع اخبار حلوة ..فسمعت اخبار تجنن
ده انا من فرحتى رحت عملت فشار للولاد
هههههههههههههههههه
طبعا ده امتياز مش اى حاجة
ههههههههههه ..

أسعد الله قلبك يا مجداوية
بالنجاح فى الدنيا والفوز فى الآخرة

دمتِ ناجحة
:)))

راجى said...

اسلوبك جميل
استمتعت بالقراءة رغم النغمة الحزينة

Jana said...

راجى

حين تقمصت شخصية البطلة لكتابة تلك الكلمات..غلب علىّ المود الحزين كما وجدت أنت ..ولم تكن هذه هى النهاية المفترضة حين شرعت فى كتابتها ..ولكنى مللت هذا الشعور واستسخفته بالنيابة عنها ..فقررت التمرد لها بدلا منها ...وحولت النهاية القديمة الى النهاية الحالية
فشعرت انا بالسعادة
وتركتها هى لتقرر أيما ترغب
:))
اغنية باربرا سترايسند تدخلك فى نفس المود ...الاستمتاع بالرغم من النغمة الحزينة
:)

نورتنى باشمهندس
وتعليقك يسعدنى دوما

دمت طيبا وبخير

رابطة هويتي اسلامية said...

ندعوكم للمشاركة معنا في رابطة " هويتي إسلامية "

شارك معنا لنهضة التدوين

كون معنا أول شبكة تواصل في عالم التدوين

كلنا نتفق في الغاية نختلف في الأسلوب

هيا.................. كن أول المشاركين

رابطة هويتي إسلامية

Khaled said...

واضح إنى جيت متأخر شوية بس ماكنتش أقدر أفوت التعليق على البوست الجميل دة .. مش حاتصدقى إنى إللى كتبتية دة أنا شفتة بعينى بيحصل بالحرف لحد عزيز على نفسى و تقريبا كأنك بتتكلمى عنة .. أو عنها .. من هنا جت قوة الكلمات أننى أكاد أن أراها

تحية خاصة على البوست
و تحية عامة لكى
و شوية ورد أبيض كمان

ammola said...

نانا
نانا
مش حتنزلى بأه بوست الشوكولاتة ساحت؟؟؟؟

Jana said...

رابطة هويتى اسلامية

أشكر لكم دعوتكم الكريمة
متابعة معكم ان شاء الله

جعل الله مجهودتاكم فى ميزان حسناتكم

تحياتى
دمتم طيبين

Jana said...

khaled

أهلا بيك استاذ خالد
مافيش تأخير ولا حاجة
تدويناتى مستمرة الصلاحية ..و"والاكسباير ديت" عندى الى مالا نهاية
:)
وبشكل عام يسعد اى مدون التعليق على اى تدوينة وبشكل خاص على التدوينات القديمة وبشكل أخص من الفنانين القديرين أمثال حضرتك

استحضرت هذه الشخصية فى مخيلتى .آملة ان تتواجد فى الحقيقة بنفس هذه القوة والثقة والايمان عالى الدرجة
وأسعدتنى حضرتك..بتأكيد ذلك

أشكر مرورك الكريم وتعليقك الجميل
ويسعدنى قبول الورد الابيض ..والذى عطر التدوينة

تحياتى يافندم
دمت طيبا ..

Jana said...

Ammola

لا متخافيش ..مانا سبتلكم الشيكولاتة كام يوم كده فى اول التدوينة وبعدين اكلتها قبل ما تسيح
هو يبقى لا اكل ولا بحلقة
هههههههه

عارفة المثل
"من كتر خطابها بارت"
اهو من كتر افكار التدوينات اللى جات فى بالى ..مكتبتش ولا واحدة .. لحد ما لقيتنى فى حصار الماث اللى عقدك انتى ومجداوية اكتر من عمر
ههههههههه

ربنا يباركلك على السؤال ..
ويكرمك بالخير كله يا امولة يا جميلة
يا ريت تطمنينى على احوالك على المازنجر بتنويه زى عناوين الاخبار كده
:)

دمتى طيبة وبخير

م/ الحسيني لزومي said...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
ارسل ميلك اذا كنت ترغب في وضع البنر نرسل لك كود البنر

Anonymous said...

قـــــــال لــــهـــا أحــــبـــك
قـــــــال لــــهـــا أحــــبـــك
فــأغــمـضـت عــيـنـيـهـا نـــشــوة..

وحــيــن فـتـحـتـها..لم تــجـده أمـامـهـا..

قـــــــال لــــهـــا أحــــبـــك..
فـــمــنــحــتــه عــيــنــيــهــا..
وحــيــن رأى الـدنـيـا بـشـكـل أوضـــح..
اكـتـشـف وجــود أخـريـات أجـمـل مـنـها..
فـــعــشــق امــــــرأة ســـواهـــا!

قــــالـــت لـــــــه أحــــبـــك..
فكانت تزرع في صباح كل يوم وردة حمراء في طريقه..
وكــان يـقـطف الـوردة فـي مـساء الـيوم ذاتـه
لـيـهديها لأمــرأة أخــرى قــال لـهـا أحـبك!

قــــالـــت لـــــــه أحـــبـــك ..
فــــــــــــازداد ثــــــقـــــة..
وفـــــــــــــخــــــــــــرا..
وتــضـخـمـا وانــتـفـاخـا وغـــــرورا..
وانــفـجـرت ذات يــــوم فـــي وجــهـه
فــــشـــوّه أجـــمـــل مــافــيـهـا!


قــــالـــت لـــــــه أحــــبـــك..
وأوصـــتـــه بــكــتـمـان الـــســر..
فــنــشـر الــخـبـر بــيــن رفــاقــه..
ومـنـحهم تـذاكـر مـجانيه لـلدخول الـى حـياته..
ومـتـابعة أحــداث حـكاية عـاطفية بـطلها ..هـو!

قـــــــال لــــهـــا أحــــبـــك..
ومـــنــحــهــا وردة حـــــمــــراء..
فــمــنـحـتـه عــمــرهــا كـــلـــه..
وعــاشــا تــجـربـة حــــب جـمـيـله..
ومـــع مـــرور الأيــام فـشـلت الـتـجربة..

فـخـــسـر هــو وردة
وخـــســـرت هــــــي عـــمـــرا..!

قــال لـهـا فــي الـصـباح الـبـاكر احـبـك..
فـطـارت وحـلـقت بـأجـنحة الـخـيال فـرحـا..
وهـمـس فــي اذنـيها فـي مـساء الـيوم ذاتـه..
انـنـا يــا حـبـيبتي فــي الأول مــن أبـريل..
فـسـقطت عـلـى أرض الـواقع..وانكسر الـجناح.!

قـــــــال لــــهـــا أحــــبـــك..
وتــــــــــزوج بـــــاخـــــرى..
فـأدركـت أن الـحـب لــدى الـبـعض شــيء..
والـــــــزواج شــــــي آخــــــر.!

قـــــــال لــــهـــا أحــــبـــك..
فـأنـت اجـمـل امــرأة رأيـتـها فــي حـياتي..
فــوثــقـت بـــــه ثــقــة عــمـيـاء..
ومــنــحــتـه بــــــلا حــــــدود..
وفي غمرة سعادتها به انسحب من حياتها كلصوص الليل..
فـاكـتشفت أنـها أغـبى امـرأة رآهـا فـي حـياته!

قـــــــال لــــهـــا أحــــبـــك..
وأخـــلـــص لـــهـــا بـــإصــرار ..
فــخــانـتـه بـــالإصـــرار ذاتـــــه..
فــطــلـقـهـا بـــــــلا تــــــردد ..
وأصـبـح يـخـون بـعـدها كــل امـرأة يـلتقيها!

قــــالـــت لـــــــه أحــــبـــك..
وخـــشـــيـــت أن يــقــتــلـهـا ردّه..
تـأخـر عـليها فـي الـرد كـثيرا..فقتلها الانـتظار!

قـــــــال لــــهـــا أحــــبـــك..
وســأمــنـحـك طـــفـــلا جــمــيـلا..

فـكـانت تـتـحسس بـطـنها فــي كــل يـوم..
وتــحــلــم بــالــطـفـل الــمـرتـقـب..
ولــيـلـة الـبـارحـة تـحـسـست ظـهـرهـا..
فــوجـدت خـنـجـر الـغـدر مـغـروس فـيـه!

رفقة عمر said...

ليه كل ما ادخل مش بالاقى جديد
بيجيلى احباط بصراحه
اتمنى اشوف جديد وحشنى كلامك كتير
وانت كمان وحشانى كتير وناس كتير وحشانى اختفوا فى ظروف غامضه مش عارفه ليه

Jana said...

م/ الحسينى لزومى

تحيتى لمجهودك
وتمنياتى بالتوفيق

Jana said...

Anonymous

كلماتك رائعة
وأتعجب من توافقها الدقيق مع جو التدوينة

لم أستطع اختيار احداها لتكون الأفضل فى نظرى
فجميعها فى غاية الروعة

شكرا لمرورك

دمت طيبا

Jana said...

رفقة الجميلة

أضحكتينى يا رفقة أضحك الله سنك
اختفوا فى ظروف غامضة!!!؟
ههههههههه

انا حأتكلم عن نفسى ومعرفش حال بقية المخطوفين
انا يا ستى محتاسة فى مذاكرة الولاد. ومشاغل حياتية أخرى...وكل ما استقطع وقت للدخول على النت يروح كله فى متابعة المدونات الجميلة اللى زى مدونتك والتعليق عليها ان وجدت لكلامى اضافة
ومش بالحق اتفرغ لكتابة تدوينة خاصة بيا

انتى بتوحشينى اكتر يا رفقة
والله انتى عزيزة على قلبى اوى
و من زمان حساكى حبوبة ولطيفة
كمن رضى عنه الله فأرضى عنه الناس
ربنا يديم الود
ويسعدك ويعزك

دمتِ طيبة وبكل خير رفقة الجميلة