هو العدد الثالث من مدونات مصرية للجيب ...
ولكن يختلف عن العددين السابقين حيث تجمعت فيه أفكار وأطروحات نسائية لم يتدخل فيها الرجال ... ودورهم هنا هو القراءة واستنتاج ما نريده أن يصل اليهم ..لذلك هو أدعى باهتمام الرجل حيث كُتبت بعض مواضيعه من أجل الرجل وعن الرجل..فهم نصف المجتمع كما نحن نصفه الآخر ولهم أثرهم القوى فى تشكيل مفردات حياتنا
رجاءا ... تمعنوا فيما كتبته كل أنثى من السبع وعشرين فى الكتاب
فلكلٍ وجهة نظرها الخاصة ورسالة أرادت توصيلها اليكم
فتقبلوا أرائنا وشاركونا الرأى ...ولكم تقديرنا واحترامنا
*****************************
أشارك فى العدد الخاص بتدوينة قصيرة
بعنوان
"ابحث معها ..عنك"
وسأفتقد بشكل خاص د. نجلاء الشربينى "جنة" العزيزة والمقيمة خارج مصر والمشاركة بتدوينة "الزوجة الثانية" وكانت تتمنى المشاركة فى الحفل كما شاركت فى الكتاب
*******************************************
حفل توقيع العدد الثالث من سلسلة مدونات مصرية للجيب
كتاب "أنا انثى " ..لمجموعة من المدوِنات النساء
أول كتاب يناقش اهتمامات المرأة بقلم مجموعة من النساء ويطرح القضايا للنقاش
ضيفة شرف الحفل ..(غادة عبد العال ) صاحبة مدونة ..عاوزة أتجوز
ومن المشاركات في كتاب ..أنا أنثى
نوارة نجم
اسر ياسر
ايناس لطفى
نرمين البحطيطى
شمس الدين
د . رشا عبد الرازق
بيلا شريف
مكسوفة
بسمة عبد الباسط
مريم الغنيمى
إيمان نادى
زهراء امير بسام
آية الفقى
مروة السيد
أميرة محمد محمد محمد
فاتيما
مذكرات عانس
نرمين البحطيطى
سلمى أنور
انجى سمراء النيل
سارة ابراهيم على
سمر مجدى
مروة النجار
شيماء حسن
نسرين عبد النعيم
د.مرام محمود
ايناس لطفى
د . نجلاء الشربينى
محاسن صابر
يصاحب الحفل عرض فيلم روائى قصير
==================================
المكان
المركز الثقافى الدولى
17 ش السد العالى ميدان فينى الدقى
الشارع المقابل لشيراتون الجزيرة
اقرب محطة مترو انفاق محطة الاوبرا
الزمان
يوم 3 مارس الساعه 4.30 عصرا
0121479391
0102298603
...
35 comments:
مبارك يا جنى
ويارب يكون عمل فى ميزان حسناتكم
هيتباع فين الكتاب؟؟
ياريت تقولى دار نشر إيه وفى القاهره نجيبه منين؟
دمتى بخير
الف مبروك
الف مبروك
وإلى مزيد من النجاح
إن شاء الله
خالص تحياتي
وليد
الفقيرة الى الله أم البنات
أم البنات يا عزيزتى والغالية عليا
الله يبارك فيك وفى بناتك وفيمن تحبى
يارب ..انا احتسبت النية قبل ما اكتب الكلمتين وربنا يكرمنا جميعا
بأحلم بعدد نسائى تانى ..عشان تكتب فيه كل مدونة مصادفش انها تسمع عن العدد الاول..عشان كده عايزاكى تشتركى فى جروب مدونات مصرية للجيب عشان تتابعى اول بأول ميعاد استقبال المشاركات.. ومثلك يا أم البنات مشاركتك حتكون قيمة ومهمة جدا
عاجبانى الفكرة اوى ..تحيز او عنصرية جايز
هههههههه
اصل احنا أشرار فيما يتعلق بحق المرأة دايما
الكتاب فى القاهرة واسكندرية
بالنسبة للقاهرة
متوفر حاليا فى
مكتبة البلد
امام الجامعه الامريكية ميدان التحرير
ت / 27922768
----
مكتبة عمر بوك ستورز
فوق فلفة بشارع طلعت حرب
وبعض فرشات توزيع الكتب بوسط البلد
وجارى توزيعه فى منافذ أخرى
وفى اسكندرية
فى معرض الكتاب بأرض كوتة
دار اكتب
رديت على التعليق الاولانى هناك
:)
منورانى حبيبة قلبى
دمتِ طيبة وبخير يارب
السلام عليكم
ألف مبروك يا أم جنى
جميل جدا عنوان التدوينة
أبحث معها ,,عنك
العنوان لوحده تدوينة
حتخليني أفك الكيس وأشتريه
:)
:)
بالتوفيق إن شاء الله
وياريت تعملوا حفل توقيع تاني هنا في الأسكندرية عشان نحضره ,,اقترحي كده يمكن ينفع
ألف مبروك وبرضه مش حتنازل عن شوب عصير القصب حلاوة الكتاب
ألف ألف مبروك على الخبر الجميل ده .. تستحقون أكثر من ذلك .. وأتمنى لك ولكم جميعا التوفيق والنجاح
*****
فاتتني القصة الرائعة "مثالية" في موعد نشرها .. كانت رائعة بحق .. فوجئت فيها بإحترفية السرد والحبكة القصصية ..أحسنت
سلام الله عليكم ورحمته وبركاته
نفع الله بكم ووفقكم الي مايحبه ويرضاه
الف مبروك وعقبال لما نري كتاب خاص بكم ان شاء الله
جزاكم الله كل خير
الطائر الحزين
الله يبارك فى عمرك يا رب
شفت ..عرفت اعلق على عم أحمد ومعرفتش فى التدوينة اللى وراها
سبحان الله
يا فندم عقبال كتابكم الخاص ان شاء الله
منورنى طائرنا الحكيم
دمت طيبا
عارفة.. مش عارف ليه
وليد
الله يبارك فيك يا رب
ان شاء الله نفرح بكتاب يضم مجموعتك القصصية الجميلة وعلى رأسهم .."زى النهاردة" كانت من أروع ما قرأت لك يا وليد
منورنى دايما
دمت طيبا
مجداوية
طب اعمل ايه انا دلوقت
يعنى انتى لسه شايفة العنوان
يعنى الميل برده موصلش
ارجوووووكى يا جوجو جربى افتحى الجيميل
انا معرفش ميلك على الهوت ميل والياهو
:(((((
طب اشيل الهمزة ولا احط الهمزة
هى المفروض "ابحث" فى العنوان فعل أمر مش فعل مضارع
وعلى فكرة انا أرسلتها بالهمزة كده "إبحث" وطلعت غلط
:(
لما تشوفيها فى الكتاب مش عايزين عصاية وفتح ايدين.. فى ناس طيبة ربنا يكرمها اكتفت بشد الودن ...شدى انتى التانية وانا حاخليه عصير مانجة بدال القصب.. واللى خلاكى فتحتى الكيس يخليكى تعزمينى عليه برده
:)
بعتلك انفيتيشن لجروب مدونات مصرية ...بليز انضمى للجروب عشان تتابعى وتبعتى فى اى وقت
ولا بلاش بليز ..ودانى احمرت خلاص
لطفا ..انضمى للجروب
وفضلا استقبلى الرسالة الاليكترونية
:)
يالا كيب ان تاتش بقى
سى يو
:)))
اه صحيح الله يبارك فى عمرك ويباركلك فى نسمة
وعقبال كتابك ان شاء الله
سى يو
برده
:)))))
يا مراكبى
الله يبارك فيك يا باشمهندس حضرتك من رواد من نشروا تدويناتهم
ولا انسى ابدا
منزل وسيارة واشياء أخرى
والحياة بدون كاتشاب
كتاب أنا أنثى يعد كتيب بجانب اول عدد ..فهو يضم 27 تدوينة فقط
************
بل انا من فاتنى تعليقك على "مثالية"واستحسانك لها الآن يعوضنى كثيرا
أشكرك جدا على رأيك الجميل
أسعدتنى والله
منورنى يا باشمهندس
دمت طيبا
الفاتح الجعفرى
الله يبارك فيك وفيمن تحب
أكرمك الله على الدعاء الجميل
ومبارك جايزة مجداوية ليك
:))
أصابت هى فى الوصف
وأجدت انت فى التطبيق
ربنا يعزك
وعقبال كتابك الخاص ان شاء الله
منورنى دايما
دمت طيبا
آسفة
ماجدة والفاتح الجعفرى
وعليكم السلام ورحمة الله وبركاته
كنت سأضيع الثواب
:)
مبروك الكتاب ودية اول زيارة للمدونة بتاعتك ولاكنها جميله جداً وادعوكى لزيارة مدونتى المتواضعة .
تحياتى
أكيــــــــــــــــد
السلام عليكم
الف مبروك .. وليتني كنت في مصر وحضرت للتهنئة ..
والله حضرتك تستاهلي كل خير ..
تحيتي
مبروووووووووووووك
بالتوفيق دايما إن شاء الله
أتمنى لو كنت في مصر وكنت حضرت :)
Akeed
الله يبارك فيك
اكيد زرت مدونتك
والاكيد يا اكيد انها حلوة جدا
فمرحبا بك فى عالم التدوين
شرفتنى بالزيارة
وازددت شرفا بزيارة مدونتك
نورتنى يا فندم
دمت طيبا
جنّى
وعليكم السلام ورحمة الله وبركاته
الله يبارك فى عمرك وفيمن تحب
يا استاذ سعيد
وياليتك كنت فى مصر ..واشتريت الكتاب
:)
لأنى مرحتش حفلة التوقيع
اكيد يعنى افتقدونا جنة وانا ..والحفلة كانت ناقصانا خالص
:))
ان شاء الله تتعوض يا فندم وأتشرف انا بتهنئتك فى كتاب خاص يجمع ابداعاتك..وتنزله مصر مخصوص ..او يطلعلك هو بقى
ابقوا اتصرفوا يعنى
:)
وتهنئتك يا فندم أسعدتنى جدا والله
جزاك الله كل خير
منورنى دايما أخى الكريم
دمت طيبا وبخير
سلوى
سوسو الجميلة
الله يبارك فيك ويسعد ايامك يا كميل
وانا كمان يا سلوى كنت اتمنى اكون فى مصر واحضر حفل التوقيع
وساعتها كنت حاجيبلك ال جى معايا واخليكى تيجى بالعافية
:)
بس حلوة كنت اتمنى اكون فى مصر
يابنتى كده حيفتكرونا بنتكلم من المانيا مثلا
:))))
يارب اشوفلك كتاب يا سلوى قريب واجيلك من اسكندرية مخصوص
مش انتى حتيجى برده ولا ايه!!!؟
منورانى دايما سلوى
دمتِ طيبة وبخير
السلام عليكم ورحمة الله وبركاته...وبعد
فبرجاء التنبيه... والتنويه....على الزائرين الكرام الذين يكتبون التعليقات القيمة..أنهم عند مخاطبة الإناث يكتبون:
شكرا "لكى"
"دمتى" بخير
"جزاكى" الله خيرا
والصحيح أنها تكتب بغير"ياء".
ويفرق بين خطاب الإناث وخطاب الذكور بالحركات،
فتوضع الفتحة على نهاية الكلمة عند مخاطبة الذكور فنقول: "لكَ"، "دمتَ"، "جزاكَ"
اضغط }ض{SHIFT+
وتوضع الكسرة على نهاية الكلمة عند مخاطبة الإناث فنقول: "لكِ"، "دمتِ"، "جزاكِ"
اضغط } ش{SHIFT+
هذا من باب حب اللغة العربية والغيرة عليها...
"واللى مش بيغير.. يبقى مش بيحب"
مع الاعتذار للفصحى
وتقبلوا شكرى وتحياتى
الف الف مبروك على الكتاب ياقمر
انا رحت معرض كوته زى ماانتى قلتيلى لقيته خلص والمعرض انتهى كمان
عااااااا
زعلانه قوىىىى
مبرووووووووك
انا مكسوفه منك خالص بس والله ظروفى ملخبطه مع نفسيه الحمدلله مش تمام
الف مبروك ويارب عقبال كتابك اللى يحمل اسمك
انك تستحقين ذلك واكثر
ويارب دايما من نجاح الى نجاح
ياريت تسامحينى ومش تزعلى منى عموما انا بتابع المدونات بالعافيه والله
مبروك
إنجاز جميل بالتأكيد لم ياتي من فراغ
الحقيقة المجموعة كلها تستاهل أن ينشر لها الكثير والكثير
وفكرة العدد تحت العنوان ده مشوقة جداً
من قلبي كل تحياتي
حسن ارابيسك
السلام عليكم
فييييينك يا أم جنى
الشهرة خدتك مننا ولا ايه
:)
:)
بتوقعي لحد دلوقت
أنا عايزة أطمن عليكي
أنا اطمنت على لعلها رغم انها طلعت خالعة ضرس العقل ومكنتش عارفة تتكلم بس خلتها ترد غصب عنها
:)
طمنيني عليكي
أه
ابحث من غير همزة بس ساعات الكسل بيخلي الواحد ميصلحش الخطأ اقولك على طريقة سهلة تعرفي بيها الألف تتحط عليها همزة ولا لأ حطي واو قبل الكلمة واقرأيها
تبقى
وابحث
كده يعني
وصفة سهلة وصفة هايلة
السلام عليكم
لعل المانع من تواجدك خيرا ان شاء الله
طمنينا عليكي
د. توكل مسعود
وعليكم السلام ورحمة الله وبركاته
جزيل الشكر يا دكتور على القاعدة اللغوية
بالفعل أحرص على وضح حركة "الكسرة " تحت دمتِ وغيرها
ولكنى لم ألحظ ضرورة استخدام "الفتحة" لنفس الكلمة فى توجيه الحديث للرجل
فأفادكم الله
وجزاك عنا خيرا
دمت طيبا
عاشقة الرومانسية
الله يبارك فيكِ يا جميلة
متزعليش ..ان شاء الله لو سمعت اى اخبار عن طبعة تانية حأبلغك
شكرا لزيارتك
كلك ذوق
نورتينى
دمتِ طيبة
sharm
الله يبارك فيك
شكرا لمرورك الكريم
نورتنى ويارب دايما
دمت طيبا
رفقة عمر
يعنى بعد اللى قلتيه بصراحة انا اللى مكسوفة منك على التأخير فى الرد ..
ايه اللى يزعلنى بس
الله يبارك فيكِ وفى عمرك يا رفقة
سامحينى انتى على التقصير فى زيارتك والسؤال عنك
يارب تكونى أحسن حالا دلوقت
وطول عمرك جدعة ..وعارفة انك حتعديها أسأل الله لكِ راحة البال وتيسير الحال ان شاء الله
يارب منورانى دايما
دمتِ طيبة حبيبتى
حسن أرابيسك
الله يبارك فيك يا فنان
صدقت ..باقى المجموعة جميلة بالفعل وهناك الكثير والكثير من المبدعين لم ينشر لهم بعد
نتمنى أن نقرأ ابداعاتهم على الورق قريبا
حقا أتمنى اقتناء مجموعتك القصصية الرائعة فى كتاب خاص
شكرا لتهنئتك وتشجيعك الدائم
والذى يطرينى كثيرا
منورنى دايما
دمت طيبا
مجداوية
وعليكم السلام ورحمة الله وبركاته
يا ماجدة يا غالية على قلبى وعنيا
نفسى اقابلك تانى فعلا
انا بخير والحمد لله رب العالمين
وبسؤالك عليا لازم أكون طيبة
ربنا يكرمك عشان طمنتينى على" لعلها خير " ..انا كمان مقصرة فى حقها جدا وماتصلتش بقالى كتير مع انها فى بالى
مش عارفة اقولك ايه
لكن انتى فعلا الشخص المناسب فى المكان المناسب فى الوقت المناسب
ادعيلى بقى
بجد
..........
بخصوص الهمزة
القاعدة فعلا هايلة
عرفتها من استاذ سعيد قبل كده ربنا يبارك فيه
ومنك دلوقت "زيادة توكيد " يعنى ..ربنا يباركلك
وحابقى شاطرة ان شاء الله واسمع الكلام
:)
لا تنسينى من دعائك
حفظكِ الله لنسمة ولنا
دمتِ طيبة وبخير
جنّى
وعليكم السلام ورحمة الله وبركاته
لا حرمنى الله سؤالك أستاذنا
فى نعمة والحمد لله رب العالمين
والله لسؤالك وسؤال ماجدة
عظيم الأثر بفضل الله فى حالى
جزاك الله عنى خيرا
ولا تنسانى من صالح دعائك أستاذ سعيد
وأعلم أنك لن تنسى
دمت طيبا يارب وبخير
وحشتينى
جدا"
وافتقد القراءة لقلمك
Post a Comment