Wednesday, July 29, 2009

الحياة بدون كاتشاب ..يا مراكبى



ولما كان من المراكبى أن أبحر بنا فى بحور القَصَص البديع..فملك مجدافا من كلمات رائعة  ومجدافا من احساس راقى   ..وعاد بنا بسلام  بعد كل رحلة  تليها رحلة..حتى ظننا أن السندباد البحرى بمغامراته الرائعة لم يكن شخصية كرتونية ..أو أن الكابتن هادوك  حين نسقط أمامه ضحكا لم يكن رفيق تان تان
وأن مثلث برموده لا يعرف سره الخطير الا المراكبى صاحب الأساطير وهو الوحيد القادر على جلب كل رائع من الكنز القابع داخل المثلث المسحور..عله يملك جنية ..او عروس بحور
ولعل قلمه هو عصا الساحرة الطيبة العجوز  او انه يملك فى علم الخيال تلك النفوذ ..
..
المهم  يا سادة يا كرام ..وما يحلى الكلام الا بذكر النبى عليه الصلاة والسلام
قام المراكبى الهمام  بنشر مجموعته القصصية  الآخر تمام .
وحفل التوقيع غدا ان شاء الله ..فى مكتبة حنين بوسط البلد  واللى عايز التفاصيل ..يكلك على اللينك ويطير   ويحكيلى بالتفصيل اللى شافه من حكاوى ومواويل ..عشان اختكم الغلبانة ..اعدة فى اسكندرية الحرانة  من الزحمة  والدخانة ..ومتقدرش تروح القاهرة السهرانة
ومبروك للمراكبى  وتهنئة حارة من القلب فرحانة
:D

حفل توقيع كتاب باشمهندس أحمد ثروت القاضى "يا مراكبى
الحياة بدون كاتشاب "


 ..

10 comments:

يا مراكبي said...

ربنا يكرمك بجد

الكلام اللي مكتوب ده عليا أنا؟

ده كلام جامد جدا بجد

ألف شكر على البوست الجميل ده

وربنا يوفقك دايما وعقبالك ان شاء الله

akeed said...

هنتابع طبعاً هذه المجموعة القصصية

دمتى بكل خير

مـحـمـد مـفـيـد said...

احمد القاضي
شخص في منتهي الاحترام علي المستوي الشخصي
بجد يستحق كل الخير

لفته رائعه بجد منك

بيتنا القديم said...

امممممممم
المثل بيقول غييييييير ولا تحسدش...!
ليه حضرتك يا فندم مش تعملي بعض مدوناتك في بووك صوغنن تطبعه احدى دور النشر..؟!
علاوة ان مدونتك بالفعل تحوي نصوص أدبية غاية في الروعة والاتقان..!!
(:
الف مبروك للمراكبي ولجيرانه..
(:
تحياتي

Jana said...

يا مراكبى

الشكر لله ياباشمهندس
وبعدين دانا كنت حاحكى حكاية لاكى لوك لسه والكهف المسحور .بس قلت كفاية كده :))

الف مبروك وعقبال سلسلة اعداد ان شاء الله

دمت طيبا

Jana said...

أكيد

اكيد يا أكيد:)
حتستمتع بقراءة قصص رائعة فعلا
عقبالك
ونورتنى

دمت طيبا

Jana said...

محمد مفيد

بالتأكيد يا محمد
هذا ما لمسه معظمنا من خلال معاملات بسيطة ..فما بالك بصديق له عن قرب زيك كده:)

عقبالك يا محمد
ولفتاتك أكثر ذوقا دايما يا أبا العبدين

دمت طيبا

Jana said...

بيتنا القديم

طب انا مش غيرانة
ينفع احسده ولا لازم الشرط ده
:)))

يا اسامة العزيز
لما انت تقول كده عن مدونتى المتواضعة ..يبقى لازم أنشكح وأشرأب ..متسألنيش يعنى ايه اشرأب
:))

بصراحة متوقع منك انت الحكاية دى قريبا ..طول عمرك متميز ومبدع
وخصوصا فى التدوينة الأخيرة ومشاركتك فى احتفالية المراكبى الرائعة
الباشمهندس وضع اللينك على الفيس بوك ..فمتستغربش زيادة عدد الزوار المهاجرين من هناك لبلوجر :))

وبعد ما بقيت عريس واتجوزت والحمد لله خلاص نقدر نقولك عقبالك فى كتاب خاص ان شاء الله
:)
دمت طيبا يا عريسنا

رفقة عمر said...

كل سنه وحضرتك والاسرة بخير
رمضان كريم
اعادة الله علينا وعليكم بالخيرواليمن والبركات
لا تنسونا من صالح دعاءكم

Anonymous said...
This comment has been removed by a blog administrator.